3 इस्राएलीतय्सं बुँइ पुसा तइबलय् मिद्यानीत, अमालेकीत व पुर्बयापिं मनूत वयाः इमित हमला याइगु।
थः मसिवं हे अब्राहामं मेपिं कलाःपिनि पाखें दुपिं काय्पिन्त कोसेलि बियाः थःकाय् इसहाकया पाखें अलग यानाः पुर्बपाखे छ्वयाब्यूगु खः।
याकूब थःगु लँ लिनाः वन। व पुर्बया देशय् थ्यन।
इस्राएलीत नं ल्वाभः ज्वनाः मुन। इपिं सकसितं नयेगु सामान बिल। अले इपिं निगू पुचः जुयाः इपिंलिसें ल्वाः वन। इस्राएलीतय्सं इमिगु चुलिंचू छाउनी दय्कल। इस्राएलीत दुगुतय्गु निगू चिचीधंगु बथां थें च्वं। अरामीत धाःसा मैदान जाय्कः न्यनाच्वनाच्वंगु दु।
पुर्बयापिं व मिश्रयापिं फुक्क बुद्धि दुपिं मनूत स्वयाः सोलोमन यक्व बुद्धि दुम्ह खः।
उकिं हीरामं सोलोमनयात वयागु इच्छा कथं देवदारुया सिँ व थसिँ छ्वयाबिल।
वयाके न्हय्द्वःम्ह फै, स्वद्वःम्ह ऊँट, द्वःछिम्ह सा द्वहं व न्यासःम्ह गधा दु। वया यक्व दासदासीत नं दु। पुर्बयापिं मनूत मध्ये व दकलय् तःमिम्ह खः।
जिं पिनागु अन्न मेपिन्सं नयेमा, जिगु बालियात हानापं लिनाकायेमा।
रपीदीमय् च्वनाच्वंबलय् अमालेकीतय्सं वयाः इस्राएलीतय्त हमला यात।
इपिं पच्छिमपाखे पलिश्त देशया पहाडय् स्वात्त क्वहांवनि। इपिं मिलय् जुयाः पुर्बया मनूतय्त लुतय् याइ। इमिसं एदोम व मोआबय् ल्हाः तइ अले अम्मोनीत इमिगु अधीनय् वइ।
परमप्रभुं थःगु जव ल्हातं अले थःगु दक्वसिबय् बल्लाःगु ल्हातं पाफयादीगु दु, “जिं हाकनं गुबलें छंगु अन्न छिमि शत्रुतय्त नयेत बिइ मखु। अले छं गुगु न्हूगु दाखमद्यया निंतिं ज्या याःगु दु, व परदेशीतय्सं गुबलें त्वने दइ मखु।
बेबिलोनया जुजु नबूकदनेसरं त्याकूगु केदार व हासोरया राज्यतय्गु बारे – परमप्रभुं थथे धयादी, “केदारय् हमला या, अले पुर्बयापिं मनूतय्त नाश या!
इमित धा, ‘अय् अम्मोनीत, परमप्रभु परमेश्वरयागु वचन न्यँ। परमप्रभु परमेश्वरं थथे धयादी – जिगु पवित्र थाय्यात अपवित्र याःबलय्, इस्राएल देशयात तहसनहस याःबलय् अले यहूदायापिं मनूतय्त ज्वनायंकूबलय् छिमिसं “आहा, आहा!” धाल।
उकिं जिं छिमित पुर्बयापिं मनूतय्गु ल्हातय् सम्पत्ति थें लःल्हानाबी। इमिसं छिमिगु दथुइ छाउनी तइ अले छिमिगु हे दथुइ थःगु पाल ग्वइ। इमिसं छिमिगु फल नइ अले छिमिगु दुरु त्वनी।
जिं नं छिमिथाय् आकाझाकां भय छ्वयाहये, अले म्ह सुकुगना वनीगु, मिखायात स्यंकीगु, ग्यानपुसे च्वंगु ल्वय् छ्वयाहये। छिमिसं ह्वलातःगु पुसा अथें सितिं वनी छाय्धाःसा छिमि शत्रुतय्सं बाली नयाबी।
छिमिसं अन्न ह्वःसां लये खनी मखु अले जैतूनया चिकं पिकाःसां छ्यलेदइ मखु। अले दाख तिस्यूसां त्वने दइ मखु।
अले छिपिं भज्यंक मस्यंतले इमिसं छिमि बथांयापिं सा-द्वहंया मचा वा फैच्वलय्या मचा अले छिमिगु बुँइ सःगु बालि नयाबी। अले इमिसं छिमिगु अन्न, न्हूगु दाखमद्य व जैतूनया चिकं छुं नं ल्यंकी मखु।
सीदोनीत, अमालेकीत व मिद्यानीतय्सं दुःख ब्यूबलय् छिमिसं जिके ग्वाहालि फ्वन। छु जिं छिमित इमिगु ल्हातं बचय् मयाना ला?
एग्लोन अम्मोनीत व अमालेकीतय्त लडाइँया लागि थःथाय् मुंकाः इस्राएलीतय्त हमला यायेत न्ह्यज्यात। अले ताय्गः सिमातय्गु शहरयात त्याका काल।
मिद्यानीत इस्राएलीत स्वयाः बल्लानावन। मिद्यानीतय्सं यानाः इस्राएलीत पहाडया कापिचा, गुफात व झतांगालय् सुला च्वंवन।
अनंलि फुक्क मिद्यानी, अमालेकी व पुर्बयापिं जातित छथाय् मुन। अले यर्दन खुसि छिनाः यिजरेलया बेसीइ छाउनी तयाच्वन।
अले गाजा तक छाउनीयागु, अन्न नाश यानाबीगु, इमिगु फै-च्वलय्, सा द्वहं व गधात लाका यंकीगु, इस्राएलीतय्गु लागि छुं नं त्वःताथकी मखु।
मिद्यानीत, अमालेकीत व पुर्बयापिं जातित क्वःबुइँचाया हुल थें ग्वाः ग्वाः मुनाः च्वनाच्वंगु जुयाच्वन। इमिके समुद्र सिथया फि ति हे अल्याख ऊँटत दु।
जेबह व सल्मुन्ना धाःसा झिंन्याद्वः ति सिपाइँतलिसें कर्कोर शहरय् च्वनाच्वंगु जुल। पुर्बयापिं सकल सिपाइँत मध्ये बचय्जूपिं उलि हे जक खः। १,२०,००० म्ह सिपाइँत तरवारं सी धुंकूगु जुयाच्वन।