न्‍यायकर्ता 4:3 - नेवाः बाइबल

³ इस्राएलीतय्‌सं परमप्रभुयाके ग्‍वाहालि फ्‍वन, छाय्‌धाःसा याबीनयाके गुसःगः नँयागु रथ दु, वं इस्राएलीतय्‌त निइदँ तक सास्‍ती बियाः क्‍वत्‍यलातःगु खः।

न्‍यायकर्ता 4:3 ပူးပေါင်းရင်းမြစ်များ

भजनसंग्रहया सफू 106:42

शत्रुतय्‌सं इमित अत्‍याचार यात, इमित थःगु अधीनय् तल।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 78:34

गुबलय् परमेश्‍वरं इमि मनूतय्‌त स्‍यानादिल, उबलय् तिनि इपिं वय्‌कःयाथाय् लिफः स्‍वयावल। परमेश्‍वरयाथाय् लिहां वयाः इमिसं दुनुगलंनिसें वय्‌कःयात पत्‍याः यात।

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

व्‍यवस्‍था 28:29

कांम्‍ह मनुखं खिउँगु थासय् पचिपचि याः थें न्‍हिनय् छिमिसं पचिपचि याना जुइ। छिमिगु न्‍ह्यागु ज्‍याय् नं छिपिं ताःलाइ मखु। न्‍हियान्‍हिथं छिमित क्‍वत्‍यलातइ, छिमिके दुगु लाकायंकी। छिमित ग्‍वाहालि याइम्‍ह सुं नं दइ मखु।

व्‍यवस्‍था 28:33

छिमिसं थाकुगु ज्‍या यानाः सयेकूगु अन्‍न बाली म्‍हमस्‍यूपिं मनूतय्‌सं लाकायंकी। छिमित धाःसा इमिसं न्‍ह्याबलें क्‍वत्‍यला हे तइ।

यहोशू 17:16

योसेफया सन्‍तानतय्‌सं लिसः बिल, “पहाडी देश जिमित मगाः। अले बेथ-शान व उकिया गांत अले यिजरेलयागु ब्‍यासिइ च्‍वनिपिं सकलें कनानीतय्‌के नँयागु रथ दु।”

न्‍यायकर्ता 1:19

परमप्रभुं यहूदाया मनूतय्‌त ग्‍वाहालि बियादिल। इमिसं पहाडी देश त्‍याका काल। अय्‌नं इमिसं क्‍वय् लाःगु माथंवंगु थासय् च्‍वंपिं मनूतय्‌त ख्‍याना छ्वये मफुत छाय्‌धाःसा इमिके नँयागु रथत दु।

न्‍यायकर्ता 10:10

अले इस्राएलीतय्‌सं थथे धयाः परमप्रभुयात ग्‍वाहालिया निंतिं बिन्‍ति यात, “जिमिसं थः परमेश्‍वरयात त्‍वःताः बालद्यःतय्‌त पुजा यानाः छिगु विरोधय् पाप यानागु दु।”

न्‍यायकर्ता 10:16

अले इमिसं मेपिं द्यःतय्‌त त्‍वःताः परमप्रभुयागु आराधना यात। अले परमप्रभुं इस्राएलीतय्‌गु अप्‍वः दुःख जूगु स्‍वयादी मफुत।

न्‍यायकर्ता 3:15

इस्राएलीतय्‌सं हाकनं परमप्रभुयात ख्‍वयाः बिन्‍ति यात। अले वय्‌कलं इमित बचय् याइम्‍ह छम्‍ह बेन्‍यामीनी गेराया काय् खवं ल्‍हाः छ्यलीम्‍ह एहूद बियादिल। इस्राएलीतय्‌सं वयात मोआबया जुजु एग्‍लोनयाथाय् कोसेलि बियाछ्वल।

न्‍यायकर्ता 3:9

तर इस्राएलीतय्‌सं परमप्रभुयात ख्‍वयाः बिन्‍ति याःबलय् वय्‌कलं इमित त्‍वःतकेत कालेबया किजा कनजया काय् ओत्‍निएलयात ल्‍ययादिल, अले वं इमित त्‍वःतकल।

न्‍यायकर्ता 4:13

थःगु गुसःगः नँयागु रथ व सकल सिपाइँतय्‌त हरोशेत हाग्‍गोयिमं कीशोन खुसिइ सःतल।

न्‍यायकर्ता 4:4

उबलय् लप्‍पीदोतया कलाः दबोरा इस्राएलयाम्‍ह न्‍याय याइम्‍ह खः। व छम्‍ह अगमवादिनी खः।

न्‍यायकर्ता 5:8

न्‍हूपिं न्‍हूपिं द्यःतय्‌त ल्‍यःबलय् शहरया ध्‍वाखाय् लडाइँ थ्‍यंकः वल। इस्राएलया पिइद्वः मनूयाके भाला व ढाल छुनं खने मदु।

न्‍यायकर्ता 6:6

मिद्यानीतय्‌सं इस्राएलीतय्‌त तसकं चीमि यानाबिल। अथे जुयाः इमिसं परमप्रभुयाके ग्‍वाहालि फ्‍वन।

१ शमूएल 7:8

अले इस्राएलीतय्‌सं शमूएलयात धाल, “पलिश्‍तीतय्‌गु ल्‍हातं जिमित बचय् यायेत परमप्रभु झी परमेश्‍वरयात प्रार्थना यायेगु त्‍वःते मते।”