न्‍यायकर्ता 4:2 - नेवाः बाइबल

² अथे जुयाः परमप्रभुं इमित हासोरय् शासन याइम्‍ह कनानी जुजु याबीनया ल्‍हातय् मियादिल। वया सेनापति हरोशेत हग्‍गोयिमय् च्‍वनीम्‍ह सीसरा खः।

न्‍यायकर्ता 4:2 ပူးပေါင်းရင်းမြစ်များ

भजनसंग्रहया सफू 83:9

छिं मिद्यानीतय्‌त अले कीशोन खुसिइ सीसरा व याबीनयात गथे यानादियागु खः, अथे हे इमित नं यानादिसँ।

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

मत्ती 18:25

व च्‍यःयाके त्‍यासा पुलेत धिबा मदुगुलिं जुजुं वयात थः कलाः, काय्‌म्‍ह्याय्‌पिं, दुगु सर्बय व थःत तकं मियाःसां त्‍यासा पुले हजि धकाः उजं बिल।

यहोशू 11:1

थ्‍व खँ न्‍यनाः हासोरया जुजु याबीनं मादोनयाम्‍ह जुजु योबाबयात, शिम्रोन व अक्षापयापिं जुजुपिन्‍त,

यहोशू 19:36

अदामा, रामा, हासोर,

न्‍यायकर्ता 10:7

अथे जुयाः परमप्रभु इस्राएल खनाः तंचायादिल। अले वय्‌कलं इमित पलिश्‍तीत व अम्‍मोनीतय्‌गु ल्‍हातय् मियादिल।

न्‍यायकर्ता 4:13

थःगु गुसःगः नँयागु रथ व सकल सिपाइँतय्‌त हरोशेत हाग्‍गोयिमं कीशोन खुसिइ सःतल।

न्‍यायकर्ता 4:16

बाराकं सीसराया सेना व रथतय्‌त हरोशेत हग्‍गोयिम तक लिनायंकल। अले सीसराया सकल सिपाइँत तरवारं सीत। छम्‍ह नं बचय् मजू।

१ शमूएल 12:9

“तर इमिसं परमप्रभु थः परमेश्‍वरयात ल्‍वमंकल। अथे जुयाः वय्‌कलं इमित त्‍वःताः हासोरया सेनापति सीसरा, पलिश्‍तीत व मोआबया जुजुपिनिगु ल्‍हातय् लःल्‍हानादिल, अले इमिसं इस्राएलीतय्‌गु विरोधय् लडाइँ यात।