न्‍यायकर्ता 3:9 - नेवाः बाइबल

⁹ तर इस्राएलीतय्‌सं परमप्रभुयात ख्‍वयाः बिन्‍ति याःबलय् वय्‌कलं इमित त्‍वःतकेत कालेबया किजा कनजया काय् ओत्‍निएलयात ल्‍ययादिल, अले वं इमित त्‍वःतकल।

न्‍यायकर्ता 3:9 ပူးပေါင်းရင်းမြစ်များ

नहेम्‍याह 9:27

उकिं छिं इमित इमि शत्रुतय्‌गु ल्‍हातय् लाकादिल। इमि शत्रुतय्‌सं इमित क्‍वःत्‍यल। थःगु दुःखया इलय् इमिसं छिके ग्‍वाहालि फ्‍वन। स्‍वर्गं छिं लिसः बियादिल। इमित शत्रुपाखें बचय् यायेत छिं थःगु तसकं नुगः क्‍यातुम्‍ह नायःत छ्वयाहयादिल।

भजनसंग्रहया सफू 22:5

इमिसं छितः प्रार्थना यात, अले इपिं बचय् जुल। इमिसं छिगु भलसा काल, अले गुबलें मछालाच्‍वने म्‍वाःल।

भजनसंग्रहया सफू 78:34

गुबलय् परमेश्‍वरं इमि मनूतय्‌त स्‍यानादिल, उबलय् तिनि इपिं वय्‌कःयाथाय् लिफः स्‍वयावल। परमेश्‍वरयाथाय् लिहां वयाः इमिसं दुनुगलंनिसें वय्‌कःयात पत्‍याः यात।

यहोशू 15:17

कालेबया किजा कनजया काय् ओत्‍निएलं किर्यत-सेपेरयात त्‍याका काल। उकिं कालेबं थः म्‍ह्याय् अक्‍सायात वलिसे ब्‍याहा यानाबिल।

न्‍यायकर्ता 1:13

कालेबया किजा कनजया काय् ओत्‍निएलं उकियात त्‍याकाकाल। अले कालेबं थः म्‍ह्याय् अक्‍सायात वलिसें ब्‍याहा यानाबिल।

न्‍यायकर्ता 10:10

अले इस्राएलीतय्‌सं थथे धयाः परमप्रभुयात ग्‍वाहालिया निंतिं बिन्‍ति यात, “जिमिसं थः परमेश्‍वरयात त्‍वःताः बालद्यःतय्‌त पुजा यानाः छिगु विरोधय् पाप यानागु दु।”

न्‍यायकर्ता 2:16

अले परमप्रभुं तःधंपिं नायः “न्‍याय याइपिं” धाःपिं ल्‍ययादिल। इमिसं लुतय् याःवःपिंपाखें इमित बचय् यात।

न्‍यायकर्ता 2:18

गबले गबले परमप्रभुं इमिगु लागि न्‍याय याइम्‍ह ल्‍ययादिल, वय्‌कलं व न्‍याय याइम्‍हय्‌सित ग्‍वाहालि बियादिल। व म्‍वातले वय्‌कलं इमित शत्रुतय्‌गु ल्‍हातं बचय् यानादिल। छाय्‌धाःसा कसाः बीपिं व क्‍वत्‍यलिपिन्‍सं यानाः इस्राएलीतय्‌गु नुगः ख्‍वइबलय् परमप्रभुं इमित माया यानादीगु।

न्‍यायकर्ता 3:15

इस्राएलीतय्‌सं हाकनं परमप्रभुयात ख्‍वयाः बिन्‍ति यात। अले वय्‌कलं इमित बचय् याइम्‍ह छम्‍ह बेन्‍यामीनी गेराया काय् खवं ल्‍हाः छ्यलीम्‍ह एहूद बियादिल। इस्राएलीतय्‌सं वयात मोआबया जुजु एग्‍लोनयाथाय् कोसेलि बियाछ्वल।

न्‍यायकर्ता 3:8

अले परमप्रभु इस्राएलीत खनाः तंचायादिल, वय्‌कलं इमित अराम-नाहारैमयाम्‍ह जुजु कूशन-रिशातैमया ल्‍हातय् मियादिल। व हे जुजुं इस्राएलीतय्‌त च्‍यादँ तक क्‍वत्‍यलेगु यात।

न्‍यायकर्ता 4:3

इस्राएलीतय्‌सं परमप्रभुयाके ग्‍वाहालि फ्‍वन, छाय्‌धाःसा याबीनयाके गुसःगः नँयागु रथ दु, वं इस्राएलीतय्‌त निइदँ तक सास्‍ती बियाः क्‍वत्‍यलातःगु खः।

न्‍यायकर्ता 6:7

मिद्यानीतय्‌सं यानाः इस्राएलीतय्‌सं परमेश्‍वरयाके ग्‍वाहालि फ्‍वंबलय्

१ शमूएल 12:10

अले इमिसं ग्‍वाहालिया निंतिं तःसलं परमप्रभुयात थथे धाल, जिमिसं पाप यानागु दु छाय्‌धाःसा जिपिं छि परमप्रभुपाखें फहिलाः बाल व अश्‍तोरेत मूर्तितय्‌गु पुजा यानागु खः। तर जिमित जिमि शत्रुतपाखें बचय् यानादिसँ। अले जिमिसं छिगु हे सेवा याये।