न्‍यायकर्ता 3:4 - नेवाः बाइबल

⁴ परमप्रभुं मोशापाखें इमि पुर्खातय्‌त ब्‍यूगु आज्ञायात मानय् याइ कि मयाइ धकाः जाँचय् यानाः स्‍वयेत थुपिं जातितय्‌त तःगु खः।

न्‍यायकर्ता 3:4 ပူးပေါင်းရင်းမြစ်များ

प्रस्‍थान 15:25

अले मोशां परमप्रभुयात ग्‍वाहालिया निंतिं प्रार्थना यात। परमप्रभुं वयात सिँकुचा छकू क्‍यनादिल। वं उकियात लखय् वांछ्वल, अले लः सात। परमप्रभुं अन हे इमित छगू नियम बियाः स्‍यनेकने यानादिल। वय्‌कलं अन इमिगु विश्‍वास गुलि बल्‍लाः धकाः नं स्‍वयादिल।

१ कोरिन्‍थी 11:19

भिंम्‍ह मनू म्‍हसीकेत ला थथे ल्‍वापु नं दयेमाः मखु ला?

व्‍यवस्‍था 33:8

लेवी कुलया बारे वं धाल, “छिगु तुम्‍मीम व ऊरीम छितः यःपिं लेवीया सन्‍तानतय्‌गु ल्‍हातय् बियादीगु दु। छिं इमित मस्‍साहय् जाँचय् यानादिल, छिं इपिंलिसें मरीबाया लखय् ल्‍वानादिल।

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।

न्‍यायकर्ता 2:22

इमि पुर्खातय्‌सं थें जिगु खँ न्‍यनी कि मन्‍यनी धकाः इस्राएलयात जाँचय् यायेत जिं थुपिं जातित छ्यले।”

न्‍यायकर्ता 3:1

कनानय्‌ लडाइँ याये मनंनिपिं इस्राएलीतय्‌त जाँचय् यायेत परमप्रभुं छुं जातितय्‌त त्‍वःतादिल।