न्‍यायकर्ता 3:3 - नेवाः बाइबल

³ पलिश्‍तीतय् न्‍याम्‍ह शासक, सकल कनानीत, सीदोनीत व हिव्‍वीत बाल-हेर्मोन पहाडंनिसें कयाः लेबो-हमात तक लेबनान पहाडी देशय् च्‍वंपिं सकल थुकथं त्‍वःतूपिं जातित खः।

न्‍यायकर्ता 3:3 ပူးပေါင်းရင်းမြစ်များ

उत्‍पत्ति 49:13

जबूलून समुद्रया सिथय् च्‍वंवनी व जहाज दिकेत ल्‍वःगु थाय् जुइ वयागु लागा सीदोन तक न्‍यनी।

२ शमूएल 24:7

अनं इपिं टुरोसया किल्‍ला तक हे वन, अले हिव्‍वी व कनानीतय्‌गु फुक्‍क शहरय् वन। अनंलि इपिं यहूदाया नेगेव धाःगु दच्‍छिन देशया बेर्शेबाय् वन।

१ राजा 8:65

सोलोमन व सकल इस्राएलीतय्‌सं देगलय् न्‍हय्‌न्‍हु तक व मेगु न्‍हय्‌न्‍हु तक यानाः मुक्‍कं झिंप्‍यन्‍हु बल्‍चाबाय्‌या नखः परमप्रभु झी परमेश्‍वरया न्‍ह्यःने हन। अन उत्तरय् च्‍वंगु लेबो हमातंनिसें दच्‍छिनय् च्‍वंगु मिश्रया खुसिचा तकयापिं यक्‍व मनूतय्‌गु भीड दु।

१ राजा 9:20

अन इस्राएली मखुपिं मनूत नं च्‍वनाच्‍वंगु दु। थुपिं एमोरी, हित्ती, परिज्‍जी व यबूसीत खः।

इजकिएल 47:20

“पच्‍छिम पाखेयागु सिमाना भूमध्‍यसागर जुइ, लेबो-हमातया लिक्‍क च्‍वंगु सिथ तक। थ्‍व पच्‍छिमया सिमाना जुइ।

गन्‍ती 13:29

नेगेव धाःगु दच्‍छिन लागाय् अमालेकीत व डाँडाय् च्‍वंगु देशय् हित्ती, यबूसी व एमोरीत, अले समुद्रया लिक्‍क व यर्दन खुसिया सिथय् कनानीत च्‍वनाच्‍वंगु दु।”

गन्‍ती 34:8

अनं लेबो-हमात जुयाः सदाद तक थ्‍यनी।

व्‍यवस्‍था 1:7

अथे जुयाः आः छिपिं थ्‍व थाय् त्‍वःताः थःगु यात्राय् न्‍ह्यज्‍या। एमोरीतय् पर्वतया देश व उकिया जःखः च्‍वंपिं फुक्‍क जातितय्‌थाय्, अराबाय्, पर्वतय्, पच्‍छिमया फेदी, नेगेवय् व समुद्रया सिथय् च्‍वंगु कनानीतय् देशय्, लेबनानय् अले तःधंगु खुसि यूफ्रेटिस तक हे हुँ।

व्‍यवस्‍था 3:9

(हेर्मोनयात सीदोनीतय्‌सं सिरिओन व एमोरीतय्‌सं सेनीर धाइगु।)

यहोशू 11:19

गिबोनय् च्‍वनिपिं हिव्‍वीत बाहेक मेगु छुं नं शहरयापिं मनूतय्‌सं इस्राएलीतलिसें शान्‍तियागु सन्‍धि मयाः। फुक्‍क शहरयात इस्राएलीतय्‌सं लडाइँ यानाः त्‍याकल।

यहोशू 11:3

पुर्ब व पच्‍छिमयापिं कनानीतय् जुजुपिन्‍त, एमोरीतय्‌त, हित्तीतय्‌त, परिज्‍जीतय्‌त व पहाडी देशय् च्‍वंपिं यबूसीतय्‌त अले मिस्‍पा देशया हेर्मोन पर्वतयागु क्‍वय्‌ पाखेयापिं हिव्‍वीतय्‌त सःतके छ्वल।

यहोशू 13:3

मिश्रया पुर्बयागु शिहोर खुसिंनिसें उत्तरपाखे एक्रोनयागु इलाका तक, थुपिं फुक्‍कयात कनानीतय्‌गु इलाका धकाः धाइ। थुकी पलिश्‍तीतय् न्‍याम्‍ह जुजुपिनिगु इलाका– गाजा, अश्‍दोद, अश्‍कलोन, गात व एक्रोन नं दुथ्‍या। अले दच्‍छिनय् अव्‍वीतय्‌गु इलाका।

यहोशू 13:5

गबालीतय्‌गु देश, पुर्बय् लाःगु हेर्मोन पर्वतया क्‍वय्‌यागु बाल-गादंनिसें लेबो-हमात तक लेबनानया फुक्‍क थाय्।

यहोशू 19:28

एब्रोन, रहोब, हम्‍मोन व कना जुयाः तःधंगु सीदोन तक थ्‍यन।

यहोशू 9:7

अले इस्राएली मिजंतय्‌सं हिव्‍वीतय्‌त धाल, “छिपिं जिमिगु लिक्‍कसं च्‍वंपिं मनूत जुइफु। छिपिंलिसे जिमिसं गथे यानाः सन्‍धि याये फइ?”

न्‍यायकर्ता 10:12

सीदोनीत, अमालेकीत व मिद्यानीतय्‌सं दुःख ब्‍यूबलय् छिमिसं जिके ग्‍वाहालि फ्‍वन। छु जिं छिमित इमिगु ल्‍हातं बचय् मयाना ला?

न्‍यायकर्ता 10:7

अथे जुयाः परमप्रभु इस्राएल खनाः तंचायादिल। अले वय्‌कलं इमित पलिश्‍तीत व अम्‍मोनीतय्‌गु ल्‍हातय् मियादिल।

न्‍यायकर्ता 14:4

वया मांबौनं थ्‍व परमप्रभुपाखें खः धयागु खँ मस्‍यूगु जुयाच्‍वन। पलिश्‍तीतय्‌गु विरोधय् परमप्रभुं मौका स्‍वयाच्‍वनादीगु खः। छाय्‌धाःसा उबलय् पलिश्‍तीतय्‌सं इस्राएलय् शासन यानाच्‍वंगु खः।

न्‍यायकर्ता 18:7

उपिं न्‍याम्‍ह मनूत व थाय् त्‍वःताः लेशय् थ्‍यंकवल। सीदोनयापिं मनूत थें अनयापिं मनूत शान्‍त व सुरक्षितकथं म्‍वानाच्‍वंगु खन। अले इमिगु देशय् छुं मगाःमचाः मजूगुलिं इपिं च्‍वन्‍ह्याःगु जुल। अले इपिं सीदोनीत स्‍वयाः यक्‍व तापाः। अले इमि मेपिं मनूतलिसें छुं कथंयागु स्‍वापु नं मदु।

न्‍यायकर्ता 3:2

इस्राएलीतय् लडाइँ याये मसःपिं लिपाया सन्‍तानतय्‌त लडाइँ यायेगु स्‍यनेत वय्‌कलं थथे यानादीगु खः।

न्‍यायकर्ता 4:2

अथे जुयाः परमप्रभुं इमित हासोरय् शासन याइम्‍ह कनानी जुजु याबीनया ल्‍हातय् मियादिल। वया सेनापति हरोशेत हग्‍गोयिमय् च्‍वनीम्‍ह सीसरा खः।

१ शमूएल 13:5

अले पलिश्‍तीत इस्राएलीतनापं लडाइँ यायेत छथाय् मुन। इमिके स्‍वद्वः रथ व खुद्वः रथ चले याइपिं व समुद्रया सिथय्‌या फि ति हे अल्‍याख न्‍यासि वनीपिं सिपाइँत दु। इपिं थाहां वनाः बेथ-आवनया पुर्बय् मिकमाशय् छाउनी तल।

१ शमूएल 29:2

शासकतय्‌सं सच्‍छि सच्‍छि व द्वःछि द्वःछिया झ्‍वः मिलय् यानाः थः सिपाइँतय्‌त न्‍ह्यज्‍याकल। अले दाऊद व वया मनूत जुजु आकीशनापं ल्‍यूनेया झ्‍वलय् च्‍वनाः न्‍ह्यज्‍यात।

१ शमूएल 6:16

पलिश्‍तीतय् न्‍याम्‍हं शासकतय्‌सं धाःसा उपिं फुक्‍कं स्‍वयाच्‍वन अले उखुन्‍हु हे इपिं एक्रोनय् लिहां वन।

१ शमूएल 6:18

लुँया छुँ धाःसा पलिश्‍तीतय् शासकतय्‌सं शासन याइगु पःखाः दुगु न्‍यागू शहर व उपिं शहरया जःखः च्‍वंगु गांया ल्‍याःकथं खः। परमप्रभुया सनू तयातःगु तःग्‍वःगु ल्‍वहं थौं तक नं बेथ-शेमेशया यहोशूया बुँइ साक्षी दु।

१ शमूएल 6:4

अले पलिश्‍तीतय्‌सं न्‍यन, “वय्‌कःयात जिमिसं गुकथंयागु दोषबलि छ्वयेगु?” इमिसं लिसः बिल, “छिकपिं सकसित व छिकपिनि शासकतय्‌त दुःख ब्‍यूगु महामारीया नमूनाकथं न्‍यागू लुँया ला ग्‍वारा व न्‍यागू लुँया छुँ पलिश्‍तीतय् शासकतय्‌गु ल्‍याःकथं छ्वयाब्‍यु।