न्‍यायकर्ता 3:13 - नेवाः बाइबल

¹³ एग्‍लोन अम्‍मोनीत व अमालेकीतय्‌त लडाइँया लागि थःथाय् मुंकाः इस्राएलीतय्‌त हमला यायेत न्‍ह्यज्‍यात। अले ताय्‌गः सिमातय्‌गु शहरयात त्‍याका काल।

न्‍यायकर्ता 3:13 ပူးပေါင်းရင်းမြစ်များ

न्‍यायकर्ता 1:16

मोशाया ससःबौया सन्‍तान, केनीत यहूदायापिं मनूतलिसें ताय्‌गः सिमातय्‌गु शहरं आरादया दच्‍छिनय् लाःगु यहूदाया मरुभूमिइ वन, इपिं अन च्‍वंपिं मनूतनापं च्‍वन।

व्‍यवस्‍था 34:3

नेगेव अले यक्‍व ताय्‌गः सिमा दुगु यरीहो शहरं दच्‍छिनय् सोअर तकया मैदान क्‍यनादिल।

न्‍यायकर्ता 5:14

इपिं एफ्राइमं बेसी तक वल, बेन्‍यामीन कुलयापिं ल्‍यूल्‍यू वल। माकीरं कप्‍तानत कुहां वल, जबूलून कुलं सेनाया कप्‍तानया कथि ज्‍वनाः मनूत वल।

न्‍यायकर्ता 3:14

थथे मोआबया जुजु एग्‍लोनं इस्राएलीतय्‌त झिंच्‍यादँ तक क्‍वत्‍यलेगु यात।

न्‍यायकर्ता 10:11

परमप्रभुं इस्राएलीतय्‌त धयादिल, “न्‍हापा मिश्रीत, एमोरीत, अम्‍मोनीत, पलिश्‍तीत,

न्‍यायकर्ता 6:3

इस्राएलीतय्‌सं बुँइ पुसा तइबलय् मिद्यानीत, अमालेकीत व पुर्बयापिं मनूत वयाः इमित हमला याइगु।

न्‍यायकर्ता 10:9

अम्‍मोनीत नं यर्दन खुसि पार यानाः यहूदा, बेन्‍यामीन व एफ्राइम कुलयापिं मनूतलिसें लडाइँ यात। अले इस्राएलीत तःधंगु दुःखय् लात।

न्‍यायकर्ता 10:12

सीदोनीत, अमालेकीत व मिद्यानीतय्‌सं दुःख ब्‍यूबलय् छिमिसं जिके ग्‍वाहालि फ्‍वन। छु जिं छिमित इमिगु ल्‍हातं बचय् मयाना ला?