न्‍यायकर्ता 21:3 - नेवाः बाइबल

³ इमिसं धाल, “हे परमप्रभु इस्राएलयाम्‍ह परमेश्‍वर, इस्राएलय् थथे छाय् जू वःगु? इस्राएलं छाय् थौं छगू कुल तनावन?”

न्‍यायकर्ता 21:3 ပူးပေါင်းရင်းမြစ်များ

भजनसंग्रहया सफू 74:1

हे परमेश्‍वर, छिं छाय् थथे जिमित सदांया निंतिं मयय्‌कादीयागु? छि थथे छाय् छिकपिनि मनू, छिकपिनि फैतय्‌गु बथांलिसे तंम्‍वयादीगु?

भजनसंग्रहया सफू 80:12

अय्‌नं जिमिगु प्‍यखेंया पःखाः छाय् थुनादिया? आः थन न्‍ह्याम्‍हं दुहां वयाः दाख खुयाः यंके फु।

हितोपदेश 19:3

मनूतय्‌सं थःगु हे मूर्खतां थःत स्‍यंकी, अले परमप्रभुयात तं क्‍यनी।

यशैया 63:17

हे परमप्रभु, छिगु लँपुपाखें जिमित छाय् बिस्‍युंवनीपिं यानादियागु? अले छिगु हनाबना यायेगुपाखें जिमिगु नुगःयात छाय् छाकादियागु? छिगु थःगु अधिकार दुपिं कुलतय्‌गु कारणं अले छिकपिनि दासतय्‌गु कारणं जिपिंपाखे लिहांझासँ।

यर्मिया 12:1

हे परमप्रभु, जिं छिथाय् मुद्दा हइबलय् छिं न्‍ह्याबलें जितः न्‍याय बियादीगु दु। अय्‌नं जितः छिनापं छिगु इन्‍साफया बारे खँ ल्‍हाये मास्‍ति वः। दुष्‍टत छाय् अपाय्‌सकं जियावःगु? मभिंपिं मनूत छाय् याउँक म्‍वानाच्‍वंगु?

व्‍यवस्‍था 29:24

फुक्‍क जातितय्‌सं धाइ, “परमप्रभुं थ्‍व देशयात थथे छाय् यानादीगु? थ्‍व मि थें जाःगु तं छाय्?”

न्‍यायकर्ता 21:2

आः ला इपिं बेथेलय् वनाः ह्वाँय्‌ह्वाँय् ख्‍वख्‍वं सन्‍ध्‍याकाः ई तक परमेश्‍वरया न्‍ह्यःने च्‍वनाच्‍वन।

न्‍यायकर्ता 21:4

कन्‍हय् खुन्‍हु सुथ न्‍हापां इमिसं छगू वेदी दय्‌काः होमबलि व मेलबलि छाल।