न्‍यायकर्ता 2:9 - नेवाः बाइबल

⁹ अले इस्राएलीतय्‌सं यहोशूयात गाश डाँडाया उत्तरपाखे एफ्राइमया पहाडी देशय् वयात ब्‍यूगु तिम्‍नथ-हेरेस धाःगु थासय् हे थुनाबिल।

न्‍यायकर्ता 2:9 ပူးပေါင်းရင်းမြစ်များ

यहोशू 19:49

थुकथं इमिसं अधिकारया निंतिं सिमाना सिमानाकथं देश ब्‍वथलेगु ज्‍या सिधये धुंकाः इस्राएलीतय्‌सं नूनया काय् यहोशूयात नं थःपिनिगु दथुइ सर्बयकथं छब्‍व बिल।

यहोशू 19:50

परमप्रभुं धयादी थें इमिसं वयात वं फ्‍वंगु शहर बिल। थ्‍व एफ्राइमया पहाडी देशय् च्‍वंगु तिम्‍नथ-सेरह खः। वं शहरयात बल्‍लाक दय्‌कल अले अन हे च्‍वन।

यहोशू 24:29

थुपिं फुक्‍क खँ जुइ धुंकाः परमप्रभुया दास, नूनया काय् यहोशू सछि व झिदँ दुबलय् सित।

यहोशू 24:30

अले इमिसं वयात गाश पहाडया उत्तरय् एफ्राइमया पहाडी देशया तिम्‍नथ-सेरहय् वयागु थःगु हे सर्बयया जमिनय् थुनाबिल।

न्‍यायकर्ता 1:1

यहोशू सीधुंकाः इस्राएलीतय्‌सं परमप्रभुयाके न्‍यन, “गुगु कुलं दकलय् न्‍हापा कनानीतय्‌त हमला यायेमाः?”

न्‍यायकर्ता 2:8

नूनया काय्, परमप्रभुया च्‍यः यहोशू सछि व झिदँ दुबलय् सित।