न्‍यायकर्ता 2:1 - नेवाः बाइबल

¹ परमप्रभुया दूत गिलगालं बोकीमय् थाहां वनाः इस्राएलीतय्‌त धाल, “जिं छिमित मिश्र देशं पिकयाः छिमि पुर्खातलिसें बाचा चिनागु देशय् हया। जिं थथे धयागु खः, ‘जिं गुबलें छिपिंलिसें चिनागु बाचा त्‍वथुले मखु।

न्‍यायकर्ता 2:1 ပူးပေါင်းရင်းမြစ်များ

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

उत्‍पत्ति 16:13

हागारं धाल, “जिं धात्‍थें हे परमप्रभुयात खना। अले वय्‌कःयात खनेधुंकाः नं जि म्‍वाना हे च्‍वना।” अले वं परमप्रभुयात थथे धकाः नां तल, “जितः स्‍वइम्‍ह परमप्रभु।”

उत्‍पत्ति 48:16

जितः दुःखय् ग्‍वाहालि यानादीम्‍ह स्‍वर्गदूतं थ्‍व मस्‍तय्‌त आशिष बियादीमा। अले थुमिपाखें हे जिगु नां, जिमि बाज्‍या अब्राहाम व बाः इसहाकयागु नां ल्‍यनाच्‍वने मा। पृथ्‍वीइ थुमि सन्‍तान यक्‍व दयाः न्‍यनावनेमा।”

भजनसंग्रहया सफू 89:3

छिं धयादिल, “जिं थःम्‍हं ल्‍ययाम्‍हनापं बाचा चिनागु दु, थः दास दाऊदलिसे पाफयागु दु,

भजनसंग्रहया सफू 89:34

जिं थःगु बाचा त्‍वथुले नं मखु, जिं थःगु म्‍हुतुं वयात बियागु बचं लित काये नं मखु।

प्रस्‍थान 14:14

परमप्रभु हे छिमिगु निंतिं ल्‍वानादी। छिपिं सुम्‍क जक च्‍वँ।”

प्रस्‍थान 14:19

इस्राएलीतय्‌गु न्‍ह्यः न्‍ह्यः वनाच्‍वंम्‍ह परमेश्‍वरया दूत चिलाः इमिगु ल्‍युने वन। अले सुपाँय्‌या थां नं इमिगु न्‍ह्यःनं चिलावनाः इमिगु ल्‍युने दंवन।

प्रस्‍थान 20:2

“छिपिं दास दासी जुयाच्‍वंगु मिश्र देशं पित हयाम्‍ह जि परमप्रभु छिमि परमेश्‍वर खः।

प्रस्‍थान 23:20

परमप्रभुं धयादिल, “स्‍व, लँय् छिमिगु बिचाः यायेत अले जिं तयार यानागु थासय् छिमित हयेत जिं छम्‍ह दूत छिमि न्‍ह्यः न्‍ह्यः छ्वयाबी।

प्रस्‍थान 33:14

परमप्रभुं लिसः बियादिल, “जि थः हे छनापं वने अले जिं छन्‍त विश्राम बी।”

यशैया 63:9

इमिगु फुक्‍क दुःखकष्‍टय् वय्‌कः नं दुःखी जुयादिल, अले वय्‌कःया दूत इमित बचय् यायेत इमिथाय् वल। वय्‌कःया दयामाया व कृपाय् वय्‌कलं मू पुलाः इमित छुत्‍कारा यानादिल। वय्‌कलं इमित दुःखकष्‍टपाखें थकयादिल, अले न्‍हापा न्‍हापायागु इलय्‌ वय्‌कलं इमित क्‍वबियादिल।

यर्मिया 14:21

छिगु नां तःधंकेत जिमित हेला यानादी मते। छिगु नांजाःगु सिंहासनयात क्‍वह्यंकादी मते। जिपिंलिसें चिनादियागु बाचायात लुमंकादिसँ, अले उकियात त्‍वाथुलादी मते।

लेवी 26:42

उबलय् जिं याकूबनापं चिनातयागु बाचा लुमंके। अले इसहाक नापं चिनातयागु बाचा व अब्राहामनापं चिनातयागु बाचा नं लुमंके। नापं जिं देशयात नं लुमंके।

लेवी 26:44

थुलि जुयाः नं जिं शत्रुतय्‌गु देशय् च्‍वना च्‍वंसां इमित त्‍वःते मखु। अले इपिं नापं चिनातयागु बाचा नं त्‍वथुले मखु। इमित मयय्‌काः नाश याये नं मखु। छाय्‌धाःसा जि इमि परमप्रभु परमेश्‍वर खः।

जकरिया 11:10

अले जिं “दया” नांयागु कथि कयाः फुक्‍क जातियापिंलिसे चिनागु बाचा त्‍वाःथला धकाः क्‍यनेत निकू थलाबिया।

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

गन्‍ती 14:34

छिमिसं व देशय् चिवा कायेत पिइन्‍हु बिकूगु खः। उकिं छन्‍हुया दच्‍छि ल्‍याखं पिइदँ तक छिमिसं थःगु पापया सजाँय फयेमाली। थुकथं छिमिसं जिगु विरोध छु खः धकाः सी।’

व्‍यवस्‍था 1:8

स्‍व! जिं थ्‍व देश छिमित बियागु दु। अन दुहां वनाः व देशयात अधिकार या। थ्‍व देश परमप्रभुं छिमि पुर्खा अब्राहाम, इसहाक व याकूबलिसें इमित व इमि लिपायापिं पुस्‍तायात बी धकाः पाफयाः धयादीगु खः।”

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

व्‍यवस्‍था 7:9

परमप्रभु हे छिमि परमेश्‍वर खः धकाः सीकाति। वय्‌कः विश्‍वास याये बहःम्‍ह परमेश्‍वर खः। सुनां वय्‌कःयात माया याइ व वय्‌कःया आज्ञा मानय् याइ वया द्वलंद्वः पुस्‍ता तक थःगु बाचा पूवंकादी अले इमित दयामाया याना हे च्‍वनादी।

यहोशू 3:10

थुकिं छिमिसं धात्‍थेंयाम्‍ह परमेश्‍वर छिमिगु दथुइ दी धकाः सी। वय्‌कलं धात्‍थें हे छिमिगु न्‍ह्यःनें कनानीत, हित्तीत, हिव्‍वीत, परिज्‍जीत, गिर्गाशीत, एमोरीत व यबूसीतय्‌त इमिगु देशं ख्‍यानाछ्‌वइ।

न्‍यायकर्ता 11:24

छिमि द्यः कमोशं छिमित छु बी छु व छिमिसं मकाइ ला? थुकथं हे जिमि परमप्रभु परमेश्‍वरं पितिना छ्वःपिं मनूतय्‌गु देश जिमिसं काये।

न्‍यायकर्ता 13:2

सोराय् दान कुलयाम्‍ह मानोह धाःम्‍ह छम्‍ह मनू दुगु जुयाच्‍वन। वया कलाः मचाखाचा मदुम्‍ह जुयाच्‍वन।

न्‍यायकर्ता 13:3

परमप्रभुया दूत व मिसायाथाय् खनेदय्‌कः वयाः वयात धाल, “छं आः तक मचाखाचा मदुनि, अय्‌नं छं प्‍वाथय् दइ, अले छम्‍ह काय् बुइकी।

न्‍यायकर्ता 2:5

इमिसं व थाय्‌यात बोकीम धाल। अन हे इमिसं परमप्रभुयात बां बिल।

न्‍यायकर्ता 6:8

वय्‌कलं इमिथाय् छम्‍ह अगमवक्ता छ्वयाहयादिल। वं थथे धाल, परमप्रभु इस्राएलयाम्‍ह परमेश्‍वरं थथे धयादीगु दु – “जिं छिमित दास याकातःगु मिश्र देशं पित हया।