न्‍यायकर्ता 18:3 - नेवाः बाइबल

³ अन च्‍वंबलय् इमिसं व ल्‍याय्‌म्‍हम्‍ह लेवीयागु सः म्‍हसीकाः वयात न्‍यन, “छ थन छु यानाः च्‍वनागु? सुनां छन्‍त थन हल? थन छंगु छु ज्‍या दु?”

न्‍यायकर्ता 18:3 ပူးပေါင်းရင်းမြစ်များ

उत्‍पत्ति 27:22

याकूब इसहाकया लिक्‍क वन। इसहाकं वयात थियाः धाल, “छंगु सः याकूबयागु थें च्‍वं। छंगु ल्‍हाः धाःसा एसावया थें च्‍वं।”

यशैया 22:16

छ थन छु यानाच्‍वनागु? अले छं थःगु निंतिं चिहान दय्‌केत सुनां छन्‍त अनुमति बिल? छं थन तःजाःगु थासय् थःगु निंतिं चिहान दय्‌काच्‍वन, अले तग्‍वःगु ल्‍वहं चानाः थःगु निंतिं आराम कायेगु थाय् दय्‌काच्‍वन।

मत्ती 26:73

भचा जाय्‌काः अन च्‍वंपिन्‍सं वयाः वयात थथे धाल – “छ नं व नाप जुयाच्‍वंम्‍ह खः नि। छंगु नवाइगु पहलं हे सी दु।”

न्‍यायकर्ता 12:6

इमिसं “अथे जूसा ‘शिब्‍बोलेत’ धा” धकाः धाइगु। वं व खँग्‍वः बांलाक धाये मफयाः “सिब्‍बोलेत” धाल धाःसा इमिसं वयात ज्‍वनाः यर्दन छीगु थासय् स्‍याइगु। उबलय् एफ्राइमयापिं पिइनिद्वः मनूतय्‌त स्‍यात।

न्‍यायकर्ता 18:2

उकिं दान कुलयापिन्‍सं थःगु कुलया फुक्‍क परिवारपाखें न्‍याम्‍ह मग्‍याःपिं मनूत ल्‍यल। अले इमित जमिन मालेत व उकियागु चिवा कायेत सोरा व एश्‍तोल शहरं छ्वल। उपिं न्‍याम्‍ह मनूत एफ्राइमया पहाडी देशय् थ्‍यने धुंकाः मीकाया छेँय् बाय् च्‍वन।

न्‍यायकर्ता 18:4

वं इमित मीकां थःगु लागि छु यात व कनाबिल। अले धाल, “मीकां जितः पुजाहारीया ज्‍या यायेत ज्‍यालाय् तःगु दु।”