न्‍यायकर्ता 16:2 - नेवाः बाइबल

² शिमशोन वःगु खँ सियाः गाजायापिं मनूतय्‌सं व थाय् घेरय्‌ यात। इपिं चच्‍छि हे शहरया ध्‍वाखाय् वयात पियाच्‍वन। “झीसं वयात सुथय् स्‍याये” धकाः धयाः इमिसं चान्‍हय् छुं मयाः।

न्‍यायकर्ता 16:2 ပူးပေါင်းရင်းမြစ်များ

मत्ती 21:38

“तःसिंया काय् हे वःगु खनाः म्‍हय्‌तय्‌सं थःथवय् धाल, ‘थ्‍व ला तःसिंया काय् खः, थ्‍वयात स्‍यानाः फुक्‍क धनसम्‍पत्ति झीगु यायेनु।’

मत्ती 27:1

सुथ न्‍हापां हे तःधंपिं पुजाहारीतय्‌सं व थकालिपिन्‍सं मुनाः येशूयात स्‍यायेगु ग्‍वसाः ग्‍वल।

लूका 21:20

“गुबलय् छिमिसं यरूशलेमयात सिपाइँतय्‌सं घेरय् याःगु खनी, उबलय् आः याकनं हे यरूशलेमयागु नाश जुइ धकाः छिमिसं सीकि।

प्रेरित 23:15

अय्‌जूगुलिं छिकपिन्‍सं तःधंम्‍ह कप्‍तानयाथाय् झायाः ‘पावलयागु मेमेगु खँ नं बांलाक सीके माःगु दु, उकिं वयात छकः क्‍वत हजि’ धकाः धयादिसँ। अले जिमिसं वयात थन मथ्‍यंवं लँय् हे स्‍यानाबी।”

प्रेरित 9:24

थ्‍व खँ शाऊलं सिल। यहूदीत वयात स्‍यायेत चान्‍हिं दमस्‍कसया ध्‍वाखा पतिं पिवाः च्‍वना जुल।

न्‍यायकर्ता 15:18

व तसकं प्‍याः चाःगुलिं वं परमप्रभुयात प्रार्थना यानाः थथे धाल, “छिं थः दासयात त्‍याकादीगु दु। आः छु जि प्‍याः चायाः सीगु ला? थुपिं म्‍हय् चिं मतःपिनिगु ल्‍हातय् लायेगु ला?”

न्‍यायकर्ता 16:3

तर शिमशोन बाचा ई तक जक लासाय् च्‍वनाच्‍वन। बाचा इलय् दनाः वं शहरयागु ध्‍वाखाया खापा व निपुं थां, बाःर व फुक्‍कं लिनाबिल। अले व फुक्‍क थःगु ब्‍वहलय् क्‍वबियाः हेब्रोनया पच्‍छिमय् च्‍वंगु डाँडाया च्‍वकाय् यंकल।

१ शमूएल 19:11

वयात सुथय् हे स्‍यायेगु बिचाः यानाः शाऊलं थः दूततय्‌त दाऊदया छेँ चिवा कायेत तल। तर दाऊदया कलाः मीकलं ख्‍याच्‍वः बियाः वयात धाल, “छि थौं चान्‍हय् हे बिस्‍युं मवन धाःसा कन्‍हय् छितः स्‍याइ।”

१ शमूएल 23:26

शाऊल व वया मनूत डाँडाया छखेपाखे अले दाऊद व वया मनूत डाँडाया मेखेपाखे दुगु खः। शाऊल व वया मनूत न्‍ह्याःवयाः लिक्‍क थ्‍यंकः वल अले दाऊद व वया मनूत धाःसा याकन याकनं बिस्‍युं वनेत सनाच्‍वन। शाऊल व वया मनूतय्‌सं इमित ज्‍वनेत सन।