न्‍यायकर्ता 15:5 - नेवाः बाइबल

⁵ अनंलि वं मिप्‍वाः च्‍याकाबिल। अले ध्‍वंचातय्‌त पलिश्‍तीतय्‌गु छ्व सयाच्‍वंगु बुँइ त्‍वःताबिल। व सयाच्‍वंगु अन्‍न व थु नापं, दाखया क्‍यब व जैतूनया क्‍यब नं छ्वय्‌काबिल।

न्‍यायकर्ता 15:5 ပူးပေါင်းရင်းမြစ်များ

२ शमूएल 14:30

अथे जुयाः अब्‍शालोमं थः च्‍यःतय्‌त धाल, “योआबया छकू बुँ जिगु हे बुँ लिक्‍क दु अले उकी वं तछ्व ह्वलातःगु दु धकाः ला छिमिसं सी हे स्‍यू। हुँ, उकियात मि छ्वय्‌काब्‍यु।” अले वया च्‍यःतय्‌सं अथे हे यात।

प्रस्‍थान 22:6

“कंझालय् मि च्‍याकूबलय् मि न्‍यनाः मेपिनिगु अन्‍न मुनातःगु थाय्, बुँयागु अन्‍न वा फुक्‍क बुँयात भस्‍म यानाबिल धाःसा मि च्‍याकूम्‍हय्‌सिनं उकिया पलेसा पुलाबीमाः।

प्रस्‍थान 23:11

अले न्‍हय्‌दँय् दिपाः कयाः छुं नं पी मते। अन अथें बुयावःगु छिमिथाय् च्‍वंपिं चीमिपिं मनूतय्‌सं नइ। इमिसं नयाः ल्‍यं दुगु गुँपशुतय्‌सं नइ। छिमिसं थःपिनिगु दाखया क्‍यब व जैतूनया ख्‍यःयात नं अथे हे या।

न्‍यायकर्ता 15:4

उकिं शिमशोनं वनाः स्‍वसःम्‍ह ध्‍वंचा ज्‍वन। वं निम्‍ह निम्‍ह यानाः ध्‍वंचातय्‌गु न्‍हिप्‍यं चिनाबिल। अले न्‍हिप्‍यंया दथुइ मिप्‍वाः तयाबिल।

न्‍यायकर्ता 15:6

अले पलिश्‍तीतय्‌सं न्‍यन, “थ्‍व सुनां याःगु?” इमित धाल, “तिम्‍नायाम्‍ह वया ससःबौनं शिमशोनया कलाः वया पासायात ब्‍यूगुलिं शिमशोनं थ्‍व फुक्‍क याःगु खः।” अले पलिश्‍तीत वनाः शिमशोनया कलाः व वया बौयात छ्वयेकाः स्‍यानाबिल।