न्‍यायकर्ता 14:3 - नेवाः बाइबल

³ अले वया मांबौनं वयात धाल, “छु छन्‍त ल्‍वःम्‍ह झी थःथिति वा झीगु थःगु जातियापिं सुं मिसा मदु ला? ब्‍याहा यायेत छ म्‍हय् चिं मतःपिं पलिश्‍तीतय्‌थाय् हे वनेमाः ला?” तर शिमशोनं थः बौयात धाल, “जितः व हे मिसा हयादिसँ। जिगु लागिं व हे ल्‍वः।”

न्‍यायकर्ता 14:3 ပူးပေါင်းရင်းမြစ်များ

उत्‍पत्ति 13:8

उकिं अब्रामं लोतयात धाल, “थुकथं झी व झी जवाःतय् दथुइ ल्‍वापु जुइगु बांलाः मजू। झी ला थःलाःपिं खः।

उत्‍पत्ति 21:27

अले अब्राहामं अबीमेलेकयात सा द्वहं व फै हयाबिल। थुकथं इपिं निम्‍हसिया दथुइ छगू सन्‍धि जुल।

उत्‍पत्ति 34:14

इमिसं इमित धाल, “म्‍हय् चिं मतःम्‍ह मनूयात जिमिसं थः क्‍यहेँ बी फइ मखु। थथे यात कि जिमिगु इज्‍जत वनी।

२ शमूएल 1:20

“गातय् थ्‍व खँ न्‍यंके मते, अश्‍कलोनया लँय् लँय् थ्‍व खँ बय्‌बय् याना जुइ मते, मखुसा पलिश्‍तीतय् म्‍ह्याय्‌पिं खुशी जुइ, अले खतना मजूनिपिनि म्‍ह्याय्‌पिं लय्‌लय्‌ताइ।”

यहोशू 23:12

“छिमिसं परमेश्‍वरयात त्‍वःतल धाःसा अले छिमिगु दथुइ ल्‍यंदुपिं जातितलिसें स्‍वापु तल धाःसा अले इपिंलिसें ब्‍याहा यात धाःसा

न्‍यायकर्ता 14:2

अनं छेँ लिहां वयाः वं थः मां बौयात धाल, “तिम्‍नाय् जिं छम्‍ह पलिश्‍ती मिसायात खनागु दु, आः जितः वलिसें ब्‍याहा यानाबियादिसँ।”

न्‍यायकर्ता 15:18

व तसकं प्‍याः चाःगुलिं वं परमप्रभुयात प्रार्थना यानाः थथे धाल, “छिं थः दासयात त्‍याकादीगु दु। आः छु जि प्‍याः चायाः सीगु ला? थुपिं म्‍हय् चिं मतःपिनिगु ल्‍हातय् लायेगु ला?”

१ शमूएल 14:6

जोनाथनं ल्‍वाभः ज्‍वनीम्‍हय्‌सित धाल, “वा, झीपिं परमेश्‍वरयात मानय् मयाइपिं उपिं म्‍हय् चिं मतःपिनिगु छाउनी स्‍वःवनेनु। परमप्रभुं झीत ग्‍वाहालि यानादी। झीपिं यक्‍व दयेमा वा म्‍हो जुइमा झीत बचय् यायेगुपाखें वय्‌कःयात सुनानं पने फइ मखु।”

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।

१ शमूएल 31:4

अनंलि शाऊलं थःगु निंतिं ल्‍वाभः ज्‍वनीम्‍हय्‌सित धाल, “छंगु दापय् तरवार लिकयाः जितः सुयाब्‍यु अले थुपिं म्‍हय् चिं मतःपिं मभिंपिन्‍सं निन्‍दा यानाः जिगु बेज्‍जत मयायेमा।” तर व ल्‍वाभः ज्‍वनीम्‍ह तसकं ग्‍यानाः मानय् मजुल। वं अथे यायेगु आँट मयाः। अथे जुयाः शाऊलं थःगु तरवार काल अले उकिं सुयाः व सित।