न्‍यायकर्ता 13:8 - नेवाः बाइबल

⁸ अले मानोहं परमप्रभुयात प्रार्थना यात, “हे परमप्रभु बिन्‍ति दु, छिं छ्वयाहयादीम्‍ह मनूयात हाकनं जिमिथाय् छ्वयाहयादिसँ। अले मचा बुइधुंकाः जिमिसं वलिसें छु छु यायेमाःगु खः वं जिमित स्‍यनाबीमा।”

न्‍यायकर्ता 13:8 ပူးပေါင်းရင်းမြစ်များ

अय्‍यूब 34:32

जिं मखंगु खँ छिं जितः स्‍यनादिसँ! जिं न्‍ह्याक्‍व हे अपराध याःसां तबि आवंलि जिं अपराध याये मखुत।’

प्रेरित 9:6

आः दनाः शहरय् हुँ, अन हे छन्‍त यायेमाःगु ज्‍या कनी।”

न्‍यायकर्ता 13:11

अले मानोह दनाः थःकलाःलिसें वन। व मनूया न्‍ह्यःने वनाः वयात धाल, “जिमि कलाःलिसें खँ ल्‍हानादीयाम्‍ह छि हे खः ला?” वं लिसः बिल, “खः, जि हे खः।”

न्‍यायकर्ता 13:3

परमप्रभुया दूत व मिसायाथाय् खनेदय्‌कः वयाः वयात धाल, “छं आः तक मचाखाचा मदुनि, अय्‌नं छं प्‍वाथय् दइ, अले छम्‍ह काय् बुइकी।

न्‍यायकर्ता 13:6

अले व मिसा वनाः थः भाःतयात थथे धाल, “परमेश्‍वरया छम्‍ह मनू जिथाय् वल। वयागु ख्‍वाः स्‍वयाबलय् परमेश्‍वरया दूतयागु थें ग्‍यानापुसे च्‍वँ। जिं वयात व गनं वयागु धकाः मन्‍यना अले वं नं जितः थःगु नां मकं।

न्‍यायकर्ता 13:7

तर वं जितः धाल, ‘छं प्‍वाथय् दयाः छम्‍ह काय् बुइकी। थनिंनिसें छं दाखमद्य वा मेगु काइगु त्‍वँसा त्‍वने मते, अले अशुद्धगु नसा नये मते, छाय्‌धाःसा व मचा बूखुन्‍हुंनिसें सीगु दिं तक हे परमेश्‍वरया निंतिं अलग तःम्‍ह नाजिरी जुइ।’”

न्‍यायकर्ता 13:9

परमेश्‍वरं मानोहयागु प्रार्थना न्‍यनादिल अले व मिसा क्‍यबय् च्‍वनाच्‍वंबलय् हाकनं वयाथाय् परमेश्‍वरया दूत वल। अबलय् वया भाःत अन मदु।