न्‍यायकर्ता 12:3 - नेवाः बाइबल

³ छिमिसं जिमित ग्‍वाहालि बी मखु थें च्‍वन, उकिं जि थःगु ज्‍यान पानाः अम्‍मोनीतलिसें ल्‍वायेत वना। अले परमप्रभुं इमित जिगु ल्‍हातय् बियादिल। आः छु धकाः छिपिं थौं जिलिसें ल्‍वाः वयाच्‍वनागु?”

न्‍यायकर्ता 12:3 ပူးပေါင်းရင်းမြစ်များ

२ इतिहास 13:12

परमेश्‍वर हे जिमि नायः खः। वय्‌कः जिपिंनापं दी। वय्‌कःया पुजाहारीत तुरही पुयाः छिमिगु विरोधय् लडाइँ घोषणा यायेत तयार दु। अय् इस्राएलीत, परमप्रभु थः पुर्खातय् परमेश्‍वरलिसें ल्‍वाये मते। छाय्‌धाःसा छिपिं ताःलाइ मखु।”

अय्‍यूब 13:14

जिं छाय् थःत खतराय् लाकाः थःगु प्राण थःगु हे ल्‍हातय् कायेगु?

भजनसंग्रहया सफू 119:109

जिं थःगु जीवन पायेत तयार दु, अय्‌नं छिं स्‍यनातःगु खँ जिं ल्‍वःमंके मखु।

रोमी 16:4

जितः बचय् यायेत इपिं थःपिं हे झन्‍दलय् सीत्‍यंगु खः। जिं जक मखु, फुक्‍क जात जातियापिं मनूत दुगु मण्‍डलीं नं इमित सुवाः बियाच्‍वंगु दु।

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।

न्‍यायकर्ता 11:27

जिमिसं छिमित छुं स्‍यंकागु मदु, तर छिमिसं जिमित हमला यानाः स्‍यंकाच्‍वंगु दु। परमप्रभु न्‍याय यानादीम्‍ह खः। वय्‌कलं हे इस्राएलीत व अम्‍मोनीतय् दथुइ थौंया न्‍हिइ न्‍याय यानादीमा।”

न्‍यायकर्ता 12:2

यिप्‍तां लिसः बिल, “जि व जिमि मनूतय् अम्‍मोनीतलिसें तःधंगु ल्‍वापु जुयाच्‍वंगु खः। अले जिं छिमित ग्‍वाहालिया निंतिं सःतागु खः अय्‌नं छिमिसं जिमित इमिगु ल्‍हातं बचय् मयाः।

न्‍यायकर्ता 12:4

अले यिप्‍ता गिलादयापिं मनूतय्‌त मुंकाः एफ्राइमीतलिसें ल्‍वात। “अय् गिलादीत, छिपिं एफ्राइम व मनश्‍शेया लागाय् च्‍वनाच्‍वंगु जूसां छिपिं एफ्राइमपाखें बिस्‍युं वंपिं खः” धकाः एफ्राइमीतय्‌सं धाःगुलिं गिलादीतय्‌सं इमित हमला यात।

न्‍यायकर्ता 9:17

जिमि बौनं छिमिगु निंतिं लडाइँ यानादिल अले थःगु ज्‍यान पानाः छिमित मिद्यानीतय्‌गु ल्‍हातं बचय् यानादिल। तर थौं छिपिं जिमि बौया परिवारया विरोधय् दंगु दु।

१ शमूएल 19:5

व पलिश्‍तीयात स्‍याःबलय् वं थःगु ज्‍यान तकं पात। परमप्रभुं इस्राएलीतय्‌त तःधंगु विजय बियादिल, अले छि व खनाः लय्‌तायादीगु खः। छम्‍ह छुं दोष मदुम्‍ह मनूयात छिं छाय् मभिं याये त्‍यनागु, छाय् छुं कारण हे मदय्‌क दाऊदयात स्‍याये त्‍यनागु?”

१ शमूएल 28:21

अनंलि व मिसा वयात तसकं दुःख जुयाच्‍वंगु खनाः धाल, “छिं धाःगु खँ छिकपिनि दासीं मानय् याये, अले जिं जिगु प्राण नं छिगु निंतिं पाये धुन।