न्‍यायकर्ता 11:7 - नेवाः बाइबल

⁷ तर यिप्‍तां गिलादयापिं थकालितय्‌त धाल, “छु छिमिसं जितः जिमि बौया छेँनं हेपय् यानाः पितछ्वया हयागु, मखु ला? छिमित दुःख जूबलय् आः छाय् छिपिं जिथाय् वयागु?”

न्‍यायकर्ता 11:7 ပူးပေါင်းရင်းမြစ်များ

उत्‍पत्ति 26:27

इसहाकं इमित धाल, “छिकपिं थन छाय् झायागु? न्‍हापा ला छिकपिन्‍सं जितः क्‍वह्यंकाः थःपिनिगु देशं पितिना हयादिल।”

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।

यशैया 60:14

छन्‍त दुःख बिइपिनि काय्‌पिं छन्‍थाय् हे क्‍वमिलु जुयाः वइ। छन्‍त हेला याइपिं फुक्‍क छंगु पाली भ्‍वपू वइ। इमिसं छन्‍त परमप्रभुया शहर, इस्राएलया पवित्र परमेश्‍वरया सियोन धकाः धाइ।

हितोपदेश 17:17

पासा धयापिं पासा हे जक खः, दाजुकिजा धयापिं दुःखय् नं ग्‍वाहालि याइपिं खः।

उत्‍पत्ति 37:27

बरु वयात इश्‍माएलीतय्‌गु ल्‍हातिइ मियाछ्वये। वयात ल्‍हाः धाःसा मवाये। न्‍ह्यागु जूसां व झी किजा खः, झीगु हे ला हि खः।” फुक्‍कसिनं वयागु खँ न्‍यन।

न्‍यायकर्ता 11:6

इमिसं वयात धाल, “जिमि सेनापति जुयादिसँ अले जिपिं अम्‍मोनीतलिसें ल्‍वाये फइ।”