न्‍यायकर्ता 11:3 - नेवाः बाइबल

³ अथे जूगुलिं थः दाजुकिजाया ल्‍हातं बचय् जुइत यिप्‍ता तोब देशय् च्‍वंवन। अले वं छपुचः ज्‍यालगय् मजूपिं मनूत मुंकल, इपिं वलिसें चाःहिलाः जुइगु जुल।

न्‍यायकर्ता 11:3 ပူးပေါင်းရင်းမြစ်များ

२ शमूएल 10:6

आः जिपिं दाऊदया निंतिं मिखां स्‍वये मयःपिं मनूत जुइ धुंकल धकाः अम्‍मोनीतय्‌सं सिल। उकिं इमिसं बेथ-रहोब व सोबा शहरं निइद्वः न्‍यासि वनीपिं अरामी सिपाइँत थःपिन्‍त ग्‍वाहालिया निंतिं बालं कयाः हल। इमिसं माकाया जुजुनापं वया सेनात द्वःछि व तोबपाखें झिंनिद्वः मनूत बालं कयाहल।

२ शमूएल 10:8

अम्‍मोनीत वयाः शहरया मू ध्‍वाखाया न्‍ह्यःने लडाइँ यायेत तयार जुयाच्‍वन। अले सोबा व रहोबाया अरामी व तोब व माकाया मनूत चक्‍कंगु ख्‍यलय् लडाइँया निंतिं थथःगु थाय् काल।

प्रेरित 17:5

अथे जूगुलिं यहूदीतय् नायःतय्‌सं नुगः मुइकाः हुल्‍याःतय्‌त मुंका हयाः हाःहू याना जुल। इमिसं यासोनयागु छेँय् वनाः पावल व सिलासयात पिने हयाः मनूतय्‌गु न्‍ह्यःने हयेत स्‍वल।

न्‍यायकर्ता 11:2

गिलादया कलाःपाखें यक्‍व काय्‌पिं नं बुइकल। तर इपिं तःधिकः जूबलय् इमिसं यिप्‍तायात पितछ्वल। इमिसं वयात धाल, “जिमि बौया छेँय् छंगु छुं नं हक मदु। छ ला मेम्‍ह हे मिसाया काय् खः।”

न्‍यायकर्ता 9:4

इमिसं वयात बाल-बरीतया देगलं वहःयागु न्‍हयेगू कुचा बिल, अले व ज्‍वनाः वं हारांपिं मनूतय्‌त ज्‍यालाय् काल, इपिं वयागु ल्‍यू जुल।

१ शमूएल 22:2

कष्‍टय् लाःपिं, धिबा पुलेमानिपिं व चित्तबुझय् मजूपिं मनूत प्‍यसःति वयाथाय् मुन अले व इमि नायः जुल।

१ शमूएल 27:2

अथे जुयाः दाऊद व वया खुसः मनूत माओकया काय् गातया जुजु आकीशयाथाय् वन।