न्‍यायकर्ता 11:1 - नेवाः बाइबल

¹ यिप्‍ता धाःम्‍ह छम्‍ह मनू दु। व गिलादी खः, व तसकं बहादुर सिपाइँ खः। व छम्‍ह वेश्‍यापाखें बूम्‍ह गिलादया काय् खः।

न्‍यायकर्ता 11:1 ပူးပေါင်းရင်းမြစ်များ

२ राजा 5:1

नामान अरामया जुजुया सेनापति खः। व थः जुजुया निंतिं छम्‍ह तःधंम्‍ह मनू खः। वं यानाः हे अरामयात परमप्रभुं त्‍याकादीगुलिं अरामया जुजुं वयात तसकं मानय् याइगु। व छम्‍ह बहादुर सिपाइँ खः, तर वयाके छेंगूया पुनेयःगु ल्‍वय् दु।

हिब्रू 11:32

थुलिं अप्‍वः छु धाये? गिदोन, बाराक, शिमशोन, यिप्‍ता, दाऊद, शमूएल व अगमवक्तातय्‌गु खँ ल्‍हानाः ब्‍याइ मखु।

न्‍यायकर्ता 10:18

अन गिलादया मनूतय् थकालितय्‌सं थःथवय् खँ ल्‍हात, “सुनां अम्‍मोनीतय्‌त हमला याइ व मनू हे गिलादय् च्‍वनिपिं सकलें मनूतय् न्‍ह्यलुवाः जुइ।”

न्‍यायकर्ता 11:2

गिलादया कलाःपाखें यक्‍व काय्‌पिं नं बुइकल। तर इपिं तःधिकः जूबलय् इमिसं यिप्‍तायात पितछ्वल। इमिसं वयात धाल, “जिमि बौया छेँय् छंगु छुं नं हक मदु। छ ला मेम्‍ह हे मिसाया काय् खः।”

न्‍यायकर्ता 6:12

परमप्रभुया दूत गिदोनयाथाय् खनेदय्‌कः वयाः वयात धाल, “हे बल्‍लाःम्‍ह योद्धा, परमप्रभु छनापं दी।”

१ शमूएल 12:11

अले परमप्रभुं यरूब-बाल, बाराक, यिप्‍ता व जि शमूएलयात छिमि प्‍यखेरं च्‍वंपिं शत्रुतपाखें छिमित छुत्‍कारा बीत छ्वयाहयादिल। अनंलि छिपिं याउँक च्‍वन।