न्‍यायकर्ता 1:3 - नेवाः बाइबल

³ यहूदाया मनूतय्‌सं थः दाजुकिजा शिमियोनीतय्‌त धाल, “परमप्रभुं जिमित ब्‍यूगु लागाय् जिपिंलिसें वा, झीपिं मिलय् जुयाः कनानीतलिसें ल्‍वाये अले जिपिं नं छिमित ब्‍यूगु लागाय् वने।” उकिं शिमियोन कुलयापिं मनूत इपिंलिसें वन।

न्‍यायकर्ता 1:3 ပူးပေါင်းရင်းမြစ်များ

उत्‍पत्ति 29:33

वया हाकनं प्‍वाथय् दत, अले हानं मेम्‍ह काय् बुल। वं धाल, “जितः माया मयाः धकाः सीकाः हे परमप्रभुं जितः थ्‍व काय्‌नं बियादीगु खः।” उकिं वं वयागु नां शिमियोन तल।

२ शमूएल 10:11

योआबं अबीशैयात धाल, “अरामीतय्‌सं जितः बुकाच्‍वंगु खन धाःसा छ वयाः जितः ग्‍वाहालि ब्‍यु, अम्‍मोनीतय्‌सं छन्‍त बुकाच्‍वंगु खन धाःसा जि वयाः छन्‍त ग्‍वाहालि बी।

यहोशू 19:1

निक्‍वःगु चिट्ठा शिमियोन कुलयात इमिगु वंश वंशकथं लात। इमिगु सर्बय् धाःसा यहूदाया कुलयात ब्‍यूगु सर्बयया दथुइ लात।

प्रकाश 7:7

शिमियोनया कुलं १२,००० म्‍ह, लेवीया कुलं १२,००० म्‍ह, इस्‍साखारया कुलं १२,००० म्‍ह,

न्‍यायकर्ता 1:17

हानं यहूदा कुलयापिं मनूत थः दाजुकिजा शिमियोनीतलिसें वन। इमिसं सपतय् च्‍वनीपिं कनानीतय्‌त त्‍याकाः व शहरयात भज्‍यंक नाश यानाबिल। उकिं व शहरया नां होर्मा जुल।

न्‍यायकर्ता 1:2

परमप्रभुं धयादिल, “यहूदां हमला याइ। धात्‍थें, जिं व देशयात इमिगु ल्‍हातय् तयाबियागु दु।”

न्‍यायकर्ता 1:4

यहूदा कुलयापिं मनूत हमला यायेत वंबलय् परमप्रभुं कनानीत व परिज्‍जीतय्‌त इमिगु ल्‍हातय् बियादिल। इमिसं बेजेकय् झिद्वः मनूत स्‍यात।