याकूब 5:3 - नेवाः बाइबल

³ छिमिगु लुँ वहलय् फ्‍वसा ह्वये धुंकल। थथे फ्‍वसा ह्वःगु हे छिमिगु विरोधय् साक्षी जुइ। उकिं मिं थें छिमिगु ला नइतिनि। संसार फुनावने त्‍यंबलय् छिमिसं धनसम्‍पत्ति मुंकाच्‍वंगु दु।

याकूब 5:3 ပူးပေါင်းရင်းမြစ်များ

उत्‍पत्ति 31:48

लाबानं धाल, “थौं थ्‍व ल्‍वहं द्वँ छंगु व जिगु दथुइ साक्षी जुयाः दनाच्‍वंगु दु।” उकिं थुकियागु नां गलेद च्‍वन।

उत्‍पत्ति 31:52

जिं थ्‍व ल्‍वहंया द्वँ व थां पुलाः छन्‍त स्‍यंकः वये मखु, अले छं थ्‍व ल्‍वहंया द्वँ व थां पुलाः जितः स्‍यंकः वइ मखु धयागुया साक्षी खः।

उत्‍पत्ति 49:1

याकूबं थःकाय्‌पिं फुक्‍कसित सःताः धाल, “छिपिं फुक्‍क थन वा, छिमित लिपा छु छु जुइतिनि धकाः जिं छिमित धाये।

अय्‍यूब 16:8

छिं जितः चिनादीगु दु। अले थ्‍व खँ साक्षी जूगु दु। जि क्‍वँय् व छेंगू जक जूगु दु, थुकिं हे जिगु विरोधय् साक्षी बी।

यशैया 2:2

लिपांगु दिनय् परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले फुक्‍क जातित अन मूंवइ।

यर्मिया 19:9

शत्रुतय्‌सं शहरयात घेरय् याइ, अले अन च्‍वंपिं मनूतय्‌त स्‍यायेत स्‍वइ। उगु सास्‍तीया इलय् जिं इमित इमि काय् म्‍ह्याय्‌पिनिगु ला नकेबी, अले छम्‍हय्‌सिनं मेम्‍हय्‌सिगु ला नइ।’

मीका 3:3

छिमिसं जि प्रजाया ला नइगु, इमिगु छेंगू तुलीगु अले इमिगु क्‍वँय्‌त थलय् दय्‌केत कुचा कुचा यानाः त्‍वथुलीगु। इमिगु ला थलय् दय्‌केत कुचा कुचा याइगु।”

मीका 4:1

लिपांगु न्‍हिइ परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले मनूत अन मूंवइ।

प्रेरित 2:17

“‘दकलय् लिपा थथे जुइ धकाः परमेश्‍वरं धयादिल – जिं जिगु आत्‍मा फुक्‍क मनूतय्‌के प्‍वंकाबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

२ तिमोथी 2:17

इमिसं स्‍यनीगु खँ ध्‍वगिनाः नवइगु घाःथें न्‍यनावनी। थुपिं मध्‍ये हुमेनियस व फिलेतस नं खः।

यहोशू 24:27

यहोशूं फुक्‍क मनूतय्‌त धाल, “स्‍व! थ्‍व ल्‍वहं झीगु साक्षी जुइ। थुकिं छिमित थ्‍व बाचा लुमंकाबी। छिपिं परमेश्‍वरपाखें तापाना मवंसें न्‍ह्याबलें परमेश्‍वरया आज्ञा पालन यानाच्‍वनी।”

२ पत्रुस 3:3

दकलय् न्‍हापां थ्‍व खँ सीकि, लिपा लिपायागु दिनय् थःत यःथें सना जुइपिं मनूत वइतिनि। अले थज्‍याःपिं मनूतय्‌सं छिमित गिजय् याइ।

प्रकाश 17:16

छं खंगु झिपु नेकुतिं व पशुं थ्‍व वेश्‍यायात हेला याइ। इमिसं व मिसायात नांगां याइ। अले वयागु ला नइ, अले वयात मिइ उनाछ्वइ।

प्रकाश 20:15

जीवनयागु सफुलिइ नां च्‍वया मतःपिं फुक्‍कसितं मि गालय् वांछ्वल।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”