याकूब 4:2 - नेवाः बाइबल

² छिमिसं थःत यःगु चिजबिजया निंतिं मनू स्‍यायेत तकं लिफः स्‍वइ मखु। छिमिसं थःके मदुगु चिजबिजया लोभ याना जुइ, अले ल्‍वाना जूसां कायेत स्‍वइ। छिमित माःगु चिजबिज छिमित दइ मखु, छाय्‌धाःसा छिमिसं परमेश्‍वरयाके मफ्‍वं।

याकूब 4:2 ပူးပေါင်းရင်းမြစ်များ

१ राजा 21:6

अले वं वयात धाल, “जिं यिजरेली नाबोतयात ‘छंगु दाखक्‍यब जितः म्‍यु वा मेगु दाखक्‍यबनापं हिलाबुला या’ धकाः धया, तर वं दाखक्‍यब बी मखु धाल।”

हितोपदेश 1:19

मभिंगु ज्‍या यानाः मुंकूगु धिबां मनूतय्‌गु ज्‍यान काइ।

उपदेशक 4:8

छम्‍ह याकःचाम्‍ह मनू दु, वया सुं काय् व दाजुकिजापिं मदु। अले वं थाकुक ज्‍या यायेगु गुबलें त्‍वःती मखु। अय्‌नं व थःगु धनसम्‍पत्तिइ गुबलें नं लुधंका च्‍वनी मखु। अय्‌नं वं थथे धकाः न्‍यन, “जिं सुयागु निंतिं थपाय्‌सकं दुःखसिया च्‍वनागु? जिं छाय् जीवनया सुख त्‍वःताछ्वया?” थ्‍व नं सितिं वंगु खँ खः, थ्‍व तसकं दुःख लगय् जूगु खँ खः।

यशैया 7:12

तर आहाजं धाल, “जिं फ्‍वने मखु। जिं परमप्रभुयात जाँचय् याये मखु।”

हबकूक 2:5

धात्‍थें हे मनूतय्‌त दाखमद्यं ध्‍वखा बी, व तःधंछुया जुइ अले व गुबलें याउँक च्‍वने फइ मखु, छाय्‌धाःसा व चिहान थें लोभी खः। व मृत्‍यु थें गुबलें लुधनी मखु। वं दक्‍व जात जतितय्‌त थःथाय् मुंकी, अले दक्‍व मनूतय्‌त कुनी।

यूहन्‍ना 16:24

आः तक छिमिसं जिगु नामं छुं हे मफ्‍वंनि। फ्‍वँ, अले छिमित दइ, थुकथं छिपिं आनन्‍दं जाइ।”

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।

याकूब 5:6

भिंम्‍ह मनूयात छिमिसं मभिं धकाः स्‍याना छ्वत, अय्‌नं वं अथे याये मते धकाः मपं।

१ यूहन्‍ना 3:15

दाजुकिजापिन्‍त हेला याइम्‍ह मनू ज्‍यानमारा खः। अले ज्‍यानमारायाके अनन्‍त जीवन दइ मखु।