याकूब 3:9 - नेवाः बाइबल

⁹ थुकिं हे झीसं प्रभु परमेश्‍वर बाःयात सुवाः बीगु, अले थुकिं हे परमेश्‍वर थें च्‍वंक दय्‌कातःपिं मनूतय्‌त सराः बीगु खः।

याकूब 3:9 ပူးပေါင်းရင်းမြစ်များ

उत्‍पत्ति 5:1

आदमया सन्‍तानयागु धलः थुकथं दु, परमेश्‍वरं मनूया सृष्‍टि यानादीबलय् वय्‌कलं इमित थःगु हे ख्‍वाःलसि वयेक दय्‌कादिल।

उत्‍पत्ति 9:6

“सुनां मनूया हि बाः वय्‌की वयागु नं हि बाः वइ, छाय्‌धाःसा प रमेश्‍वरं मनूयात थःथें हे च्‍वंक दय्‌कादीगु दु।

२ शमूएल 16:5

दाऊद जुजु बहूरीमय् थ्‍यंकः वःबलय् अन शाऊलया घरानाया छम्‍ह मनू गेराया काय् शिमी वयाः दाऊदयात सराः ब्‍युब्‍युं नापलाः वल।

२ शमूएल 19:21

अनंलि सरूयाहया काय् अबीशैनं धाल, “परमप्रभुं अभिषेक यानातःम्‍ह जुजुयात सराः ब्‍यूगु कारणं शिमी सीमाःगु मखु ला?”

१ इतिहास 29:10

अले दाऊद जुजुं सकल मनूतय् न्‍ह्यःने परमप्रभुया प्रशंसा यात। वं धाल, परमप्रभु जिमि पुर्खा इस्राएलया परमेश्‍वर, छिगु प्रशंसा न्‍ह्याबलें जुयाच्‍वनेमा।

१ इतिहास 29:20

अनंलि दाऊदं मनूतय्‌त धाल, “परमप्रभु छिमि परमेश्‍वरया प्रशंसा या।” अले सकल मनूतय्‌सं परमप्रभु थः पुर्खाया परमेश्‍वरयात प्रशंसा यात अले परमप्रभु व जुजुयात हनाबना बीत बँय् तक छ्यं क्‍वछुकल।

भजनसंग्रहया सफू 10:7

इमिगु म्‍हुतु सराः, मखुगु खँ व ख्‍याच्‍वलं जक जायाच्‍वनी। इमिगु मेच्‍वकाय् स्‍यंकेगु व दुष्‍ट खँ जक दयाच्‍वनी।

भजनसंग्रहया सफू 108:1

जिगु नुगः क्‍वातु, हे परमेश्‍वर, जिगु नुगः क्‍वातु। जिं दुनुगलंनिसें छितः तःधंकाः म्‍ये हालांच्‍वने, छितः तःधंकाच्‍वने।

भजनसंग्रहया सफू 145:1

हे परमेश्‍वर, जिमि जुजु, जिं छितः तःधंके, जिं छिगु नांया न्‍ह्याबलें प्रशंसा याये।

भजनसंग्रहया सफू 145:21

जिं परमप्रभुया सदां प्रशंसा याये, अले फुक्‍क प्राणीं न्‍ह्याबलें वय्‌कःया पवित्र नांया प्रशंसा यायेमा।

भजनसंग्रहया सफू 16:9

उकिं जिगु नुगः लय्‌ताः, अले चंचं धाः। जिं थःत प्‍यखें सुरक्षित ताय्‌का,

भजनसंग्रहया सफू 30:12

उकिं जि सुम्‍क च्‍वने मखु, छितः तःधंकाः म्‍ये हाले। हे परमप्रभु, जिमि परमेश्‍वर! जिं छितः सदां सदां सुभाय् बियाच्‍वने।

भजनसंग्रहया सफू 34:1

परमप्रभुयात जिं धन्‍य धयाच्‍वने न्‍ह्याबलें वय्‌कःयात हे तःधंकाच्‍वनी जिगु में न्‍ह्याबलें।

भजनसंग्रहया सफू 35:28

अले जिं सकसितं छिगु न्‍यायया खँ कने। न्‍हियान्‍हिथं छितः तःधंके।

भजनसंग्रहया सफू 51:14

हे परमेश्‍वर, हे जिम्‍ह उद्धारकर्ता परमेश्‍वर, जितः मनू स्‍याःगु अपराधपाखें बचय् यानादिसँ। अले जिं छिं बियादीगु धार्मिकताया निंतिं लय्‌तायाः म्‍ये हाले।

भजनसंग्रहया सफू 57:8

अय् जिगु आत्‍मा, दँ। अय् वीणा दँ, अय् सारंगी दँ। जिं सुथयात नं थनाबी।

भजनसंग्रहया सफू 59:12

इमिगु म्‍हुतुइ पाप दु इमिगु खँ पापं जाः इपिं इमिगु हे घमण्‍डया जालय् लायेमा। छाय्‌धाःसा इमिसं सराः बीगु व मखुगु खँ ल्‍हानाजुइगु यानाच्‍वन।

भजनसंग्रहया सफू 62:4

छिमिसं जितः जिगु थासं क्‍वफायेत स्‍वयाच्‍वंगु दु। छिपिं मखुगु खँ ल्‍हायेगुलिइ हे लय्‌तायाच्‍वन! छिमिसं म्‍हुतुं सुवाः बियाच्‍वंसां नुगलं धाःसा सराः बियाच्‍वंगु दु। सेला

भजनसंग्रहया सफू 63:4

उकिं जिं मसीतले छितः तःधंके। छिगु नां कयाः जिं थःगु ल्‍हाः ल्‍ह्वने।

भजनसंग्रहया सफू 71:24

जिं न्‍हिन्‍हिं सकसितं छिगु धार्मिकताया बारे कने, छाय्‌धाःसा जितः स्‍यायेत स्‍वयाजूपिं सकलें मछालेमाःगु दु, अले इमिगु इज्‍जत वंगु दु।

उपदेशक 7:22

छं ग्‍वकः मेपिन्‍त सराः ब्‍यूगु दु व छं थःगु मनय् सि हे स्‍यू जुइ।

यशैया 29:13

परमप्रभुं थथे धयादी, “थुपिं मनूत ख्‍वाः क्‍यनेत जिथाय् लिक्‍क वइ। अले थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापानाः च्‍वनी। थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ।

मत्ती 26:74

अले वं पाफयाः धाल – “जिं मखुगु खँ ल्‍हानागु खःसा परमेश्‍वरं जितः सजाँय बियादीमा। जिं वयात म्‍ह हे मस्‍यू।” अबलय् हे ग्‍वंगः हाला हल।

मत्ती 5:44

तर जिं छिमित धाये – शत्रुयात माया या, थःत दुःख बीपिनिगु निंतिं प्रार्थना या।

प्रेरित 2:26

अय्‌जूगुलिं जि दुनुगलंनिसें लय्‌ता, अले जिं लसतां म्‍ये हाले। आवंलि जि आशा यायेगु मत्‍वतुसे म्‍वानाच्‍वने,

रोमी 3:14

इमिगु म्‍हुतु सराः व मभिंगु खं जक जायाच्‍वंगु दु।

१ कोरिन्‍थी 11:7

मिजंतय्‌सं थःगु छ्यं त्‍वपुइ म्‍वाः छाय्‌धाःसा मिजंत परमेश्‍वरयागु रूप व शोभा खः, तर मिसा मिजंया शोभा खः।

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

याकूब 1:27

परमेश्‍वर बाःयात यःगु भिंगु बांलाःगु धर्म ला मांबौ मदुपिं मस्‍तय्‌त व भाःत मदय्‌ धुंकूपिं मिसातय्‌त दुःख जुइबलय् ग्‍वाहालि यायेगु, अले थ्‍व संसारय् मभिंगु ज्‍याखँ मयासें पवित्र जुयाच्‍वनेगु खः।

याकूब 3:10

व हे छप्‍वाः म्‍हुतुं सुवाः नं बीगु, अले सराः नं बीगु याइ। यःपिं दाजुकिजापिं, थथे छता याये मते।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

न्‍यायकर्ता 9:27

इपिं थथःगु क्‍यबय् दाख खायेधुंकाः तिस्‍सिनाः ति पिकाल। अनंलि इपिं थः द्यःया देगलय् नखः हनेत वन। अन इमिसं भ्‍वय् नयेबलय् अबीमेलेकयात सराः बिल।