याकूब 3:7 - नेवाः बाइबल

⁷ मनूतय्‌सं फुक्‍कसित तहलगय् याये फु। इमिसं गुँइ च्‍वंपिं पशुतय्‌त, झंगःतय्‌त, घिसय्‌ जुया जुइपिं जन्‍तुतय्‌त, अले समुद्रय् च्‍वंपिं जीवजन्‍तुतय्‌त तकं तहलगय् याये फु।

याकूब 3:7 ပူးပေါင်းရင်းမြစ်များ

मर्कूस 5:4

छाय्‌धाःसा वयात तःकः न्‍यवः व सिखलं ची धुंकूगु खः। अय्‌नं वं सिखः नं चफुनाः न्‍यवः नं फ्‍यनाः बिस्‍युं वनीगु। वयात सुनानं कजय् याये मफु।

प्रेरित 10:12

उकी तःता मछियापिं पशु, पंक्षित व घिसय्‌ जुया जुइपिं जन्‍तुत दु।

याकूब 3:6

मे नं मि थें खः। थ्‍व झीगु म्‍हया मेमेगु म्‍हब्‍व स्‍वयाः मभिंगु म्‍हब्‍व खः। थ्‍वं झीगु म्‍ह छम्‍हं स्‍यंकाबी। अले नरकयागु मि कयाः झीगु जीवनयात हे छ्वय्‌काबी।

याकूब 3:8

मेयात धाःसा सुनानं थौं तक लके याये मफुनि। थ्‍व तसकं मभिं, थ्‍वयात लके याये थाकु, अले थ्‍व बिखं जायाच्‍वनी।