याकूब 3:2 - नेवाः बाइबल

² झी फुक्‍कसिनं अप्‍वः यानाः द्वंके यः। मद्वंकुसे नवाये फुम्‍ह मनू हे जक सिद्धम्‍ह जुइ। थज्‍याःम्‍ह मनुखं जक थःगु म्‍हयात लके हने फइ।

याकूब 3:2 ပူးပေါင်းရင်းမြစ်များ

१ राजा 8:46

“इमिसं छिगु विरोधय् पापयात धाःसा (छाय्‌धाःसा पाप मयाःम्‍ह सुं मनू मदु) अले इपिं खनाः तंचायाः छिं इमित इमि शत्रुतय्‌गु ल्‍हातय् बियादिल अले इमित ज्‍वनाः तापाःगु वा सतिगु थःगु देशय् यंकल धाःसा,

२ इतिहास 6:36

“इमिसं छिगु विरोधय् पापयात धाःसा (छाय्‌धाःसा पाप मयाःम्‍ह सुं मनू मदु) अले इपिं खनाः तंचायाः छिं इमित इमि शत्रुतय्‌गु ल्‍हातय् बियादिल अले इमित ज्‍वनाः तापाःगु वा सतिगु देशय् यंकल धाःसा,

अय्‍यूब 15:13

छिं थःगु तं परमेश्‍वरयात प्‍वंकादी, अले थःगु म्‍हुतुं थज्‍याःगु शब्‍द पिकयादियागु।

भजनसंग्रहया सफू 34:13

दुसा, थःगु मेयात मभिंगु व मखुगु खँ ल्‍हाकेबी मते।

भजनसंग्रहया सफू 39:1

जिं थःम्‍हं थःत धया, “जिं थःम्‍हं यानागु ज्‍या यात बांलाक दुवाले, अले जिगु म्‍हुतुं पाप नवाकेबी मखु। मभिंपिं मनूत न्‍ह्यःने दइबलय् जिं पिचा तयाः म्‍हुतुप्‍वाः तिनाच्‍वने।”

हितोपदेश 10:19

अप्‍वः खँ ल्‍हानाजुइबलय् पाप नं जुइफु, बुद्धिमानपिं मनूत अप्‍वः नवाइ मखु।

हितोपदेश 13:3

बिचाः यानाः नवाइपिन्‍सं थःत बचय् याइ, लाः लाः थे नवानाजुइपिं नाश जुइ।

हितोपदेश 20:9

सुनां धायेफु, “जिगु थःगु नुगः यचु, अले जिं थःगु पाप हुयाछ्वये धुन” धकाः?

हितोपदेश 21:23

थःगु म्‍हुतु व मेयात कःघायेफुम्‍हय्‌सिनं थःत दुःखं बचय् याइ।

उपदेशक 7:20

संसारय् सुं नं धर्मीम्‍ह मनू मदु, गुम्‍हय्‌सिनं फुक्‍क ज्‍या पाय्‌छिकथं याइ अले गुबलें पाप याइ मखु।

यशैया 64:6

जिपिं सकलें अशुद्ध मनूत थें जूगु दु, अले झीगु फुक्‍क धर्मया ज्‍या भ्‍वाथःगु कापः थें खः। जिपिं फुक्‍कं सिमाहः थें गनावनी अले जिमिगु पापं जिमित फसं थें पुइकायंकी।

लेवी 13:39

पुजाहारीं व जाँचय् यायेमाः अले वयागु म्‍हय् व चातः भतिचा जक तुयुसे च्‍वंसा व छेंगुलिइ पिहां वःगु दाग जक खः, व मनू शुद्धम्‍ह खः।

मत्ती 12:34

अय् सर्पया मस्‍त, छिपिं थें ज्‍याःपिं मभिंपिं मनूतय्‌सं गथे यानाः भिंगु खँ ल्‍हाये फइ? छाय्‌धाःसा नुगलय् च्‍वंगु खँ हे म्‍हुतुं नवाइ।

मत्ती 12:37

छिमिसं नवाना जूगु खं हे छिपिं न्‍यायया दिनय् दोषी वा निर्दोष ठहरय् जुइ।”

रोमी 3:10

धर्मशास्‍त्रय् नं थथे च्‍वयातःगु दु – “सुं हे धर्मी मदु, अहं, छम्‍ह हे मदु।

रोमी 7:21

जिं भिंगु ज्‍या यायेत्‍यनाबलय् हे, मभिंगु ज्‍या याकिम्‍ह जिगु न्‍ह्यःने च्‍वंवइ धकाः जिं स्‍यू।

१ कोरिन्‍थी 9:27

जिं थःगु म्‍हयात दायाः दायाः बसय् तयाच्‍वना। थथे मयाःसा मेपिन्‍त जक भिंगु खँ न्‍यंकाः जि थः हे सिरपाः काये बहःम्‍ह जुइ मखु।

गलाती 3:22

येशू ख्रीष्‍टयात विश्‍वास याक्‍वसित परमेश्‍वरं बियादी धकाः धयादीगु मुक्ति काये फयेमा धकाः धर्मशास्‍त्रं संसारय् च्‍वंपिं फुक्‍कसितं पापय् लाकातःगु दु।

गलाती 5:17

शरीरं ला पवित्र आत्‍माया विरोधय् व पवित्र आत्‍मां शरीरया विरोधय् इच्‍छा याइ। थुपिं निम्‍ह शत्रु थें खः, उकिं झीसं झीत यःथें याये फइ मखु।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।

याकूब 1:26

धर्मीम्‍ह धकाः धया जुइम्‍ह मनुखं न्‍ह्यःने लाः थें नवाना जुइ मज्‍यू। न्‍ह्यःने लाः थें नवाना जुइम्‍ह मनुखं परमेश्‍वरयात मानय् याना जूगु सितिं वनी। अले हानं थुकथं याना जूम्‍ह मनुखं थःम्‍हं थःत थगय् याइ।

याकूब 1:4

थुकथं विश्‍वास बल्‍लाकाः छिमिसं भरोसा तयाच्‍वनेगु त्‍वःते मते। अले जक छिपिं बल्‍लाइ, छुं नं मगाः मजुइक सिद्ध जुइ।

याकूब 2:10

व्‍यवस्‍थाय् च्‍वंगु दक्‍व फुक्‍क मानय् यानाः नं छगू जक द्वंकल धाःसां व मनुखं व्‍यवस्‍था हे मानय् मयाःगु ति जुइ।

१ पत्रुस 3:10

थथे च्‍वयातःगु दु – “सुयां न्‍ह्यइपुक व ताःई तक म्‍वाये मंदु ला? दुसा, थःगु मेयात मभिंगु खँ नवायेगुपाखें व थःगु म्‍हुतुसियात मखुगु खँ ल्‍हायेगुपाखें तापाक ति।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।