याकूब 2:21 - नेवाः बाइबल

²¹ झी तापाःबाज्‍या अब्राहाम गथे जुयाः धर्मी जुल, छं स्‍यू ला? थःकाय् इसहाकयात वेदीइ छाये त्‍यंगुलिं हे मखु ला, व धर्मी जूगु?

याकूब 2:21 ပူးပေါင်းရင်းမြစ်များ

यूहन्‍ना 8:39

इमिसं वय्‌कःयात लिसः बिल – “अब्राहाम जिमि तापाःबाज्‍या खः।” अले वय्‌कलं धयादिल – “छिकपिं अब्राहामया सन्‍तान खः धयागु जूसा अब्राहामं यानाः वं थें छिकपिन्‍सं नं यानादी माःगु खः।

रोमी 4:16

थथे जूगुलिं हे वयागु विश्‍वासं यानाः परमेश्‍वरं नं व नाप बाचा चिनादीगु खः। अले परमेश्‍वरं दया माया यानादीगुलिं व नाप बाचा चिनादीगु खँ वया फुक्‍क सन्‍तानया लागि पक्‍का जुल। व्‍यवस्‍था मानय् याना च्‍वंपिनिगु लागि जक मखु, अब्राहामं थें विश्‍वास याना च्‍वंपिनिगु लागि नं, छाय्‌धाःसा झी फुक्‍कसियां तापाःबाज्‍या ला अब्राहाम हे खः।

मत्ती 12:37

छिमिसं नवाना जूगु खं हे छिपिं न्‍यायया दिनय् दोषी वा निर्दोष ठहरय् जुइ।”

याकूब 2:24

विश्‍वास जक याना जुयां धर्मी जुइ मखु धकाः ला थुकिं हे सीदत नि। अय्‌जूगुलिं धर्मी जुइत विश्‍वास यायेगुयानापं ज्‍या नं यानाः क्‍यनेमाः।

याकूब 2:18

सुनानं थथे धायेफु – “छंके विश्‍वास दु, जिके ज्‍या दु।” छं छुं हे मयासें विश्‍वास याना धकाः जितः क्‍यनेफु ला? तर जिं ज्‍यां हे जिगु विश्‍वास क्‍यने।

रोमी 4:12

अले हानं चिं तये धुंकूपिं जूसां चिं दु धकाः भरोसा मतसे अब्राहामं चिं तये न्‍ह्यः याःगु विश्‍वासया लँपुइ जुइपिनि नं अबु यायेत खः।

रोमी 4:1

अथे खःसा झी तापाःबाज्‍या अब्राहामया बारे छु धायेगु? वयात छु दत?

रोमी 3:20

व्‍यवस्‍थाय् च्‍वयातःगु नियम पालन यानाः सुं हे मनू धर्मी जुइ फइ मखु। व्‍यवस्‍थां ला पाप छु खः धकाः क्‍यनाबी।

प्रेरित 7:2

स्‍तिफनसं धाल – “बाः धाये ल्‍वःपिं व दाजुकिजापिं, जिगु छकुचा खँ न्‍यनादिसँ। झी तापाःबाज्‍या अब्राहाम हारानय् वने न्‍ह्यः मेसोपोटामियाय् दनिबलय् दकलय् तःधंम्‍ह परमेश्‍वरं झायाः

यूहन्‍ना 8:53

सी धुंकूम्‍ह तापाःबाज्‍या अब्राहाम स्‍वयाः नं छ तःधं ला कि छु? अगमवक्तात ला सिनावन धाःसा छं थःत सु ताय्‌का च्‍वना?”

लूका 16:30

अले हानं वं धाल – ‘मखु, बाः अब्राहाम, उलिं जक इमित मगाः। सीम्‍ह मनू हे छकः वनाः इमित धया ब्‍यूसा इमिसं पश्‍चाताप याइ।’

लूका 16:24

“अले वं तस्‍सलं थथे धाल – ‘बाः अब्राहाम, जितः दया यानादिसँ। लाजरसयात वयागु पतिनं जितः छफुति जक जूसां लः त्‍वंकेत छ्वयाहयादिसँ, छाय्‌धाःसा जितः थ्‍व मिइ तसकं कष्‍ट जुयाच्‍वन।’

लूका 1:73

थ्‍व बाचा झी तापाःबाज्‍या अब्राहामनाप चिनादीगु खः।

मत्ती 3:9

‘अब्राहाम हे जिमि बाः खः, उकिं जिमित छुं नं जुइ मखु’ धकाः धयाजुइ मते, छाय्‌धाःसा जिं छिमित धाये – परमेश्‍वरं अब्राहामया निंतिं थुपिं ल्‍वहँतं नं मस्‍त दय्‌कादी फु।

यशैया 51:2

छिमि पुर्खा अब्राहाम व छिमिगु फुक्‍क जातियात बुइकूम्‍ह सारायात स्‍व। जिं सःताबलय् अब्राहाम छम्‍ह जक दु, अले जिं वयात आशिष बियाः वयात यक्‍व दय्‌काबिया।

भजनसंग्रहया सफू 143:2

थः दासयात इन्‍साफय् हयादी मते, छिगु न्‍ह्यःने सुं नं धर्मी मदु।

यहोशू 24:3

तर जिं छिमि पुर्खा अब्राहामयात यूफ्रेटिस खुसि पारिं हयाः कनान देशयागु थाय् थासय् चाःहिका, अले वयात यक्‍व सन्‍तान बिया। जिं वयात इसहाक बिया,

हिब्रू 11:17

अब्राहामयात जाँचय् याःबलय् वं विश्‍वास यानाः थः हे काय् इसहाकयात बलि बीत स्‍वत। परमेश्‍वरं बियादी धकाः धयादीगु खँय् विश्‍वास यानाः हे वं थः याकः काय्‌यात बलि बीत्‍यंगु खः।