याकूब 1:4 - नेवाः बाइबल

⁴ थुकथं विश्‍वास बल्‍लाकाः छिमिसं भरोसा तयाच्‍वनेगु त्‍वःते मते। अले जक छिपिं बल्‍लाइ, छुं नं मगाः मजुइक सिद्ध जुइ।

याकूब 1:4 ပူးပေါင်းရင်းမြစ်များ

अय्‍यूब 17:9

थ्‍व फुक्‍क जूसां तबि धर्मी मनूत थःगु लँय् वना हे च्‍वनी, अले सुयागु ल्‍हाः शुद्ध जू, व बल्‍लानावनी।

भजनसंग्रहया सफू 37:7

सह यानाः परमप्रभुयात पियाच्‍वँ मनूतय्‌सं याना जूगु ज्‍याखँ व इमिगु मभिंगु ग्‍वसाः खनाः हीमी चाये मते।

भजनसंग्रहया सफू 40:1

जिं आय्‌मबुसे ग्‍वाहालिया निंतिं परमप्रभुयात पिया। अले तिनि वय्‌कलं जिपाखे न्‍हाय्‌पं बियादिल, अले जिगु प्रार्थना न्‍यनादिल।

हितोपदेश 4:8

बुद्धियात च्‍वछाःसा छन्‍त नं च्‍वछाइ, वयात घय्‌पु, वं नं छन्‍त इज्‍जत बी।

हबकूक 2:3

थ्‍व दर्शन लिपाया निंतिं खः। थुकिं लिपा जुइगु खँ धाइ, अले थ्‍व मखुगु खँ जुइ मखु। थ्‍व खँ पूवनेगु लिपा लाःसां थ्‍वयात पियाच्‍वनी, छाय्‌धाःसा थ्‍व धात्‍थें हे पूवनी, अले लिपालाइ मखु।

मत्ती 10:22

थथे जिगु नामं यानाः छिमित फुक्‍कसिनं हेला याइ। दकलय् लिपा तकं क्‍वात्तुक विश्‍वास यानाः सह यानाच्‍वंम्‍ह बचय् जुइ।

मत्ती 19:20

अले वं धाल – “थ्‍व फुक्‍कं ला जिं मानय् यानाच्‍वनागु हे दु। जिं आः हानं मेगु छु याये मानि?”

मत्ती 5:48

अय्‌जूगुलिं स्‍वर्गय् दीम्‍ह छिमि बाः सिद्धम्‍ह खः, उकिं छिपिं नं अथे हे सिद्ध जु।

मर्कूस 10:21

थ्‍व न्‍यनाः वय्‌कःयात व खनाः माया वन, अले थथे धयादिल – “अझ नं छं छता याये मानि, थःके दुगु फुक्‍कं मियाः नये मखंपिन्‍त इनाब्‍यु। अले छन्‍त स्‍वर्गय् धनसम्‍पत्ति दइ। थुलि याये धुंकाः जि नाप वा।”

लूका 18:22

थ्‍व न्‍यनाः वय्‌कलं वयात धयादिल – “अझ हे नं छिं छता याये मानि। छिके दुगु फुक्‍कं मियाः नये मखंपिन्‍त इनाबियादिसँ, अले छितः स्‍वर्गय् धन-सम्‍पत्ति दइ। थुलि याये धुंकाः छि जि नाप झासँ।”

लूका 21:19

छिमिसं सह यानाच्‍वन धाःसा छिमित अनन्‍त जीवन दइ।”

लूका 8:15

अले भिंगु चा दुथाय् लाःगु पुसा इपिं खः – सुनां परमेश्‍वरयागु वचन भिंगु मतिं न्‍यनाः नुगलय् दुने थ्‍यंक स्‍वथना तइ। अले थुमिसं क्‍वात्तुक विश्‍वास यानाः फल सय्‌की।”

यूहन्‍ना 17:23

छि जिके, अले जि इमिके दुगुलिं इपिं नं फुक्‍क छप्‍पँ जुइमा। थुकिं यानाः संसारं छिं जितः छ्वयाहयादीगु खः धकाः सी, अले जितः थें इमित नं छिं माया यानादी धकाः नं सी।”

१ कोरिन्‍थी 2:6

अय्‌नं परमेश्‍वरयागु खँ बांलाक सीके थुइके धुंकूपिन्‍त धाःसा जिं ज्ञानयागु खँ ल्‍हाना च्‍वना। थ्‍व खँ धाःसा संसारय् च्‍वंपिनिगु मखु, शासन याना च्‍वंपिनिगु नं मखु। इपिं याकनं नाश जुयावनी।

गलाती 6:9

अय्‌जूगुलिं भिंगु ज्‍या यायेत थाकु चाये मते। थाकु मचासे ज्‍या यानाच्‍वन धाःसा छन्‍हु झीत परमेश्‍वरं सिरपाः बियादी।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

२ तिमोथी 3:17

परमेश्‍वरया मनूतय्‌सं न्‍ह्याथें ज्‍याःगु भिंगु ज्‍याखँ नं याये फयेमा धकाः धर्मशास्‍त्र बियातःगु खः।

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।

याकूब 3:2

झी फुक्‍कसिनं अप्‍वः यानाः द्वंके यः। मद्वंकुसे नवाये फुम्‍ह मनू हे जक सिद्धम्‍ह जुइ। थज्‍याःम्‍ह मनुखं जक थःगु म्‍हयात लके हने फइ।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

२ पत्रुस 1:9

थथे मयाइपिं मनूत ला मिखा कांपिं हे धाःसां छुं पाइ मखु। इमिसं थःगु पुलांगु पाप सिलाछ्वये धुंकल धयागु नं ल्‍वःमंके धुंकी।