याकूब 1:3 - नेवाः बाइबल

³ छाय्‌धाःसा छिमिगु विश्‍वास जाँचय् यात धाःसा झन जक छिमिगु विश्‍वास बल्‍लाइ।

याकूब 1:3 ပူးပေါင်းရင်းမြစ်များ

लूका 21:19

छिमिसं सह यानाच्‍वन धाःसा छिमित अनन्‍त जीवन दइ।”

रोमी 15:4

न्‍हापा न्‍हापा जूगु च्‍वयातःगु फुक्‍क खँ झीत स्‍यनेत खः। धर्मशास्‍त्रय् च्‍वयातःगुपाखें ग्‍वाहालि कयाः सह यानाच्‍वन धाःसा झीत आशा दइ।

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

रोमी 8:25

झीसं खंके मफुगु आशा यानागु खः धयागु जूसा थ्‍व आशाय् संका मयासें, अले हथाय् मचासे झीसं पियाच्‍वनेमाः।

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

२ कोरिन्‍थी 4:17

छुं ई तक जक जिमिसं थन भचा जक दुःखकष्‍ट स्‍यूसां परमेश्‍वरं स्‍वर्गय् जिमित सदां दयाच्‍वनीगु आनन्‍द बियादी।

कलस्‍सी 1:11

वय्‌कःयागु तसकं तःधंगु शक्तिं छिमित बल्‍लाकादीमा, अले छिमिसं न्‍ह्यागु खँय् लय्‌तातां सहयाना च्‍वने फयेमा धकाः जिमिसं प्रार्थना यानाच्‍वनागु दु।

२ थेसलोनिकी 1:4

छिमिसं उलिमछि दुःखकष्‍ट सिया च्‍वनेमालं नं क्‍वात्तुक विश्‍वास यानाः सह यानाच्‍वंगु खँ जिमिसं थाय् थासय् परमेश्‍वरयागु मण्‍डलीइ च्‍वंपिन्‍त छ्यं धस्‍वाकाः कनेफु।

२ थेसलोनिकी 3:5

प्रभुं छिमित परमेश्‍वरयागु माया व ख्रीष्‍टयागु सह यानाच्‍वनेगु शक्ति थुइकादीमा।

हिब्रू 10:36

परमेश्‍वरयात यःगु ज्‍या यायेत व वय्‌कलं बियादी धकाः धयादीगु कायेत छिमिसं नुगः क्‍वात्तुका च्‍वँ।

हिब्रू 12:1

थुकथं झीसं झीगु प्‍यखें थुलिमछि विश्‍वासया साक्षीत खनाच्‍वनागु दु। अय्‌जूगुलिं झीपिं नं झीगु लँय् वइगु न्‍ह्याथें ज्‍याःगु पंगः व अःपुक झीत तक्‍यंकीगु पापयात चीकाः थ्‍यंकेमाःगु थासय् थ्‍यंक हे वने धकाः धैर्य यानाः ब्‍वाँय् वनेनु।

हिब्रू 6:12

छिपिं अल्‍छी जूगु जिमित मयः, बरु दुनुगलंनिसें परमेश्‍वरयात विश्‍वास याःपिं मनूतय्‌सं थें वय्‌कलं बी धयादीगु कायेत कुतः या।

१ पत्रुस 1:7

थुकिं ला झन जक छिमिगु विश्‍वास शुद्ध व भिं धकाः क्‍यनी। स्‍यनावनीगु लुँ ला मिइ तयाः जाँचय् याना स्‍वइ। छिमिगु विश्‍वास ला लुँ स्‍वयाः यक्‍वं भिं। अय्‌जूगुलिं येशू ख्रीष्‍ट झायादीबलय् छिमित नं तःधंकी, च्‍वय् तइ, अले धन्‍यपिं धकाः धाइ।

२ पत्रुस 1:6

अथे हे ज्ञान जक दयां नं मगाः, चालचलन नं भिंका जुइमाः। चालचलन भिनां जक मगाः, मन थातं तया च्‍वनेमाः। मन थातं तयां जक मगाः, परमेश्‍वरयात मानय् नं यायेमाः।