याकूब 1:2 - नेवाः बाइबल

² दाजुकिजापिं, छिमित न्‍ह्यागु कथंया दुःखकष्‍ट जू वसां लय्‌ताया च्‍वँ।

याकूब 1:2 ပူးပေါင်းရင်းမြစ်များ

प्रेरित 5:41

थथे येशू ख्रीष्‍टयागु नामय् दाय्‌काः दुःख सी बहःपिं जूगुलिं प्रेरितत तसकं लय्‌लय्‌तायाः सभां पिहां वन।

रोमी 5:3

थुलि जक मखु, दुःखकष्‍ट जुयाच्‍वंबलय् नं झीपिं लय्‌ताः, छाय्‌धाःसा दुःखकष्‍टं धैर्य व सह यायेगु शक्ति दय्‌काबी।

फिलिप्‍पी 1:29

ख्रीष्‍टयात विश्‍वास यानाच्‍वनेत जक मखु, वय्‌कःया निंतिं छिमिसं दुःखकष्‍ट नं सीमाः धकाः वय्‌कलं थथे यानादीगु खः।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

फिलिप्‍पी 2:18

अथे हे छिपिं नं जि थें लय्‌ताया च्‍वँ।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

हिब्रू 10:34

झ्‍यालखानाय् लाःपिन्‍त छिमिसं दयामाया यानाः ग्‍वाहालि यात, अले हानं छिमिगु सम्‍पत्ति लुतय् यानाकाःसां छिपिं लय्‌ताया हे च्‍वन, छाय्‌धाःसा छिमिके सदां दयाच्‍वनीगु दक्‍वसिबय् तःधंगु सम्‍पत्ति दु धकाः छिमिसं स्‍यू।

याकूब 1:12

दुःखकष्‍ट जुयाच्‍वंबलय् नं परमेश्‍वरयाके भरोसा तयाच्‍वंम्‍ह मनू धन्‍यम्‍ह खः। अथे दुःखकष्‍ट सीधुंकाः वयात परमेश्‍वरं वय्‌कःयात माया याःपिन्‍त बी धकाः धयादीगु जीवनयागु श्रीपेच बियादी।

याकूब 1:16

यःपिं दाजुकिजापिं, थःम्‍हं थःत धोखा बी मते।

याकूब 1:19

यःपिं दाजुकिजापिं, थ्‍व खँ ल्‍वःमंके मते – न्‍यनेगुलिइ चंख जु। बिचाः यानाः जक नवा, अप्‍वः तं पिकाये मते।

याकूब 5:11

इमिसं अथे सहयाना च्‍वने फुगुलिं झीसं इमित “धन्‍य खः” धकाः धयाच्‍वना। अय्‍यूब धाःम्‍ह मनुखं नं गथे लिपा तक सह यानाच्‍वन, अले प्रभुं हे वयात यक्‍व लिधंसा बियादीगु खँ नं छिमिसं स्‍यू। प्रभुयागु दया माया तःधं।

२ पत्रुस 2:9

भिंपिं मनूतय्‌त परमेश्‍वरं दुःखकष्‍ट जुइबलय् बचय् यानादी। अले मभिंपिं मनूतय्‌त न्‍याय याइगु दिं मवतले गथे तयातयेमाः धकाः परमेश्‍वरं स्‍यू।

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।