यशैया 9:7 - नेवाः बाइबल

⁷ वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यशैया 9:7 ပူးပေါင်းရင်းမြစ်များ

२ शमूएल 7:16

छंगु घराना न्‍ह्याबलें दयाच्‍वनी अले छिमि सन्‍तानतय्‌सं जुजु जुयाः न्‍ह्याबलें शासन याइ। अले छंगु सिंहासन न्‍ह्याबलें दयाच्‍वनी।’”

२ राजा 19:31

छाय्‌धाःसा यरूशलेमपाखें बचय् जुयाः ल्‍यनाच्‍वंपिं छगू ब्‍व, अले सियोन पर्वतपाखें बचय् जूपिनिगु छपुचः पिहां वइ। “दक्‍व शक्ति दुम्‍ह परमप्रभुया जोशं थ्‍व याइ।

भजनसंग्रहया सफू 2:8

जिके फ्‍वँ जक, फुक्‍क जातितय्‌त जिं छंगु सर्बय यानाबी, फुक्‍क पृथ्‍वीयात छंगु यानाबी।

यशैया 11:1

यिशैया परिवारया थुथां छपु चुलि ह्वइ, अले उकिया हां पिहां वःगु न्‍हूगु कचां फल सय्‌की।

यशैया 16:5

परमेश्‍वरं दाऊदया सन्‍तानपाखें छम्‍ह जुजु पलिस्‍था यानादी। अले वं दया मायां व विश्‍वास यायेबहः कथं शासन याइ। वं न्‍यायया रक्षा अले धार्मिकताया ज्‍या जुक्‍व हथासं याइ।

यशैया 2:4

वय्‌कलं जाति जातितय्‌गु दथुइ न्‍याय यानादी। अले यक्‍व मनूतय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फालि व भालायात ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 37:32

छाय्‌धाःसा यरूशलेमपाखें बचय् जूगु छगू ब्‍व अले सियोन पर्वतं बचय्‌जूपिं छपुचः पिहां वइ। दक्‍व शक्ति दुम्‍ह परमप्रभुया जोशं थ्‍व याइ।

यशैया 40:10

स्‍व, शक्तिनापं परमप्रभु परमेश्‍वर झायेत्‍यंगु दु, वय्‌कःया बल्‍लाःगु ल्‍हातं राज्‍य याइ। वय्‌कःया सिरपाः वय्‌कःयाके दु, अले वय्‌कःया इनाम नं वय्‌कःयाके हे दु।

यशैया 42:13

परमप्रभु तसकं बल्‍लाःम्‍ह मनू थें पिहांझाइ। वय्‌कलं लडाइँया निंतिं छम्‍ह बल्‍लाःम्‍ह सिपाइँनं क्‍यंगु थें थःगु जोश क्‍यनादी। वय्‌कः तःसलं हालादी अले तःसलं लडाइँया सः थाहांवनी। वय्‌कलं थः शत्रुतय्‌त बुकी।

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

दानिएल 2:35

अनंलि नँ, चा, कँय्, वहः व लुँ फुक्‍क छक्‍वलं हे चुंचुं जुल अले छ्व लये धुंकाः खलां छ्वस ब्‍वयेकूगु थें फसं छुं नं ल्‍यं मदय्‌क ब्‍वय्‌का यंकल। व झ्‍वातानापं हाःगु ल्‍वहं धाःसा तःधंगु पर्वत जुयाः फुक्‍क पृथ्‍वीयात त्‍वपुयाबिल।

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

दानिएल 7:14

वय्‌कःयात अधिकार, हनाबना व राज्‍य बिल। जाति जाति, देश देश व थीथी भाय् ल्‍हाइपिं सकसिनं वय्‌कःयागु आराधना यात। वय्‌कःया शासन न्‍ह्याबलें दयाच्‍वनी अले वय्‌कःया राज्‍य गुबलें क्‍वचाइ मखु।

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

हाग्‍गै 2:9

‘लिपायागु देगः न्‍हापायागु देगः स्‍वयाः झःझः धाइ। अले थ्‍व थासय् जिं शान्‍ति बी’ धकाः दक्‍व शक्ति दुम्‍ह परमप्रभुं धयादी।”

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

यूहन्‍ना 12:34

अले यक्‍व मनूतय्‌सं थथे धाल – “जिमिसं मुक्ति बीम्‍ह ख्रीष्‍ट न्‍ह्याबलें म्‍वानाच्‍वनी धकाः व्‍यवस्‍थाय् च्‍वयातःगु न्‍यनागु दु। छिं मनूया काय्‌यात यख्‍खाइ तिनि धकाः गुकथं धयादियागु? थ्‍व मनूया काय् धाःम्‍ह सु खः?”

हिब्रू 1:8

काय्‌यागु खँय् धाःसा वय्‌कलं थथे धयादीगु दु – “हे परमेश्‍वर, छिगु सिंहासन सदां सदां दयाच्‍वनी। छिं छिगु राज्‍यय् च्‍वंपिं मनूतय्‌त फुक्‍कसितं उतिग्‍यंक न्‍याय यानाः बांलाक शासन यानादी।

हिब्रू 7:24

येशू धाःसा सदां म्‍वाना च्‍वनीम्‍ह जूगुलिं वय्‌कःया पुजाहारीया ज्‍या न्‍ह्याबलें दयाच्‍वनी।

प्रकाश 19:11

थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।