यशैया 9:4 - नेवाः बाइबल

⁴ छाय्‌धाःसा छिं इमिगु जुवा व ब्‍वहलय् च्‍वंगु कथियात, इमित अत्‍याचार याःपिनिगु तुतांयात त्‍वथुलादीगु दु। अले इमित मिद्यानया सिपाइँतय्‌त बुकु थें छिं थः प्रजायात अत्‍याचार याःपिन्‍त व क्‍वत्‍यलातःपिन्‍त बुकादीगु दु।

यशैया 9:4 ပူးပေါင်းရင်းမြစ်များ

उत्‍पत्ति 27:40

छ थःगु तरवारया बलं म्‍वाना च्‍वनेमाली। छं थः किजाया सेवा यायेमाली। गुबलय् छ थ्‍व पाखें हीचाइ उबलय् छं थःगु गःपतं वयागु ककुसिँ लिकयाः वांछ्वइ।”

भजनसंग्रहया सफू 125:3

दुष्‍टतय्‌सं परमप्रभुं थः मनूतय्‌त बियादीगु देशय् न्‍ह्याबलें राज्‍य याइ मखु। मखुसा धर्मीतय्‌सं हे मभिं ज्‍या याइ।

भजनसंग्रहया सफू 81:6

“जिं छिमिगु ब्‍वहलं कु चीकाबियागु दु, जिं छिमित थाकुगु ज्‍यापाखें छुत्‍काराबियागु दु।

यशैया 10:16

अथे जुयाः प्रभु, परमप्रभु दक्‍व शक्ति दुम्‍ह परमप्रभुं वया तसकं बल्‍लाःपिं सिपाइँतय् दथुइ नाश यायेत ल्‍वय् छ्वयाहयादी, अले वयागु गौरवयात तसकं च्‍याःगु मिं छ्वय्‌कादी।

यशैया 10:5

परमप्रभुं धयादिल, “अश्‍शूरीतय्‌त धिक्‍कार, सुयागु ल्‍हातय् जिगु तंया कथि, तंया तुतां दु!

यशैया 14:25

जिं अश्‍शूरीतय्‌त जिगु हे देशय् नाश याये, जिं इमित जिगु पर्वतय् पालिं न्‍हुत्तुन्‍हुयातये, अश्‍शूरीतय्‌गु जुवां व इमिसं क्‍वबिया च्‍वंगु ब्‍वःझं जिमि प्रजायात मुक्त याये।”

यशैया 16:4

मोआबं पितिनाहःपिं छिकपिंनापं हे च्‍वनेमा। इमित नाश याइपिनिपाखें बचय् यानादिसँ।” क्‍वत्‍यला तइपिं व नाश याइपिनिगु अन्‍त जुइ अले क्‍वत्‍यलीपिं व नाश याइपिं देशं तनावनी।

यशैया 47:6

जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।

यशैया 49:26

छिमित दुःखकष्‍ट ब्‍यूपिन्‍त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्‍क मनूतय्‌सं थ्‍व खँ सी जि, परमप्रभु छन्‍त मुक्ति बीम्‍ह खः, अले छन्‍त उद्धार याइम्‍ह, याकूबया तसकं बल्‍लाःम्‍ह खः।”

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यशैया 52:2

छंके दुगु धू थाथा या! हे यरूशलेम, दं अले सिंहासनय् फेतु, हे ज्‍वनायंकूपिं यरूशलेमयापिं मनूत, छंगु गःपतय् चिनातःगु त्‍वःतकाब्‍यु।

यशैया 54:14

धार्मिकताय् छन्‍त थापं याइ। क्‍वत्‍यलिपिंपाखें छ तापाक्‍क हे च्‍वनी, छ सुं खनाः नं ग्‍यायेमाली मखु। भयपाखें छ तापाक्‍क हे च्‍वनी, आतंक छंगु लिक्‍क वइ मखु।

यशैया 9:5

लडाइँलय् सिपाइँतय्‌सं छ्यःगु फुक्‍क लाकां व हि क्‍यूगु वसःत मि छ्वय्‌का छ्वइगु जुइ।

यर्मिया 30:8

“‘दक्‍व शक्ति दुम्‍ह परमप्रभुं धयादी, उखुन्‍हु जिं व जुवा इमिगु ककुं त्‍वथुलाबी, अले इमिगु सिखः कुचा कुचा यानाबी। इपिं हाकनं विदेशीतय् दास जुइ मखु।

यर्मिया 48:17

वया प्‍यखेरं च्‍वंपिं व वयागु नां न्‍यंपिं सकलें वयागु निंतिं ख्‍व, अले धा, ‘व बल्‍लाःगु राजदण्‍ड त्‍वधूगु दु। व नांजाःगु कथि त्‍वधूगु दु।’

लेवी 26:13

जि छिमित मिश्र देशं पितहयाम्‍ह परमप्रभु छिमि परमेश्‍वर खः। छिपिं मिश्रीतय् दास जुयाच्‍वने मज्‍यू धकाः जिं छिमित मिश्रं पित हयागु खः। जिं छिमित झ्‍यातुगु कु लिकयाः छ्यं धस्‍वाकाः जुइपिं यानागु दु।

नहूम 1:13

आः इमिगु झ्‍यातुगु कु जिं छंगु ब्‍वहलं लिकायाबी, अले छिमित चिनातःगु सिखः चफुनाबी।”