यशैया 9:2 - नेवाः बाइबल

² थ्‍व तसकं खिउँथाय् न्‍यासि जुइपिं मनूतय्‌सं छगू तःधंगु जः खनीतिनि। तसकं खिउँगु देशय् च्‍वनाच्‍वंपिन्‍सं नं थ्‍व तःधंगु जः स्‍वइतिनि।

यशैया 9:2 ပူးပေါင်းရင်းမြစ်များ

अय्‍यूब 10:21

जि तसकं खिउँगु गालय् वने न्‍ह्यः, हाकुगु किचःया देशं गुबलें लिहां मवये न्‍ह्यः,

भजनसंग्रहया सफू 107:10

छुं मनूत तसकं खिउँगु व कालया किपालुइ च्‍वन, सिखलं चिकाः कैदी थें इमिसं दुःख सियाच्‍वन।

भजनसंग्रहया सफू 107:14

वय्‌कलं इमित तसकं खिउँगु व कालया किपालुं पित हयादिल, अले इमिगु सिखः कुचा कुचा यानादिल।

भजनसंग्रहया सफू 23:4

न्‍ह्याथे हे तसकं खिउँसे च्‍वंगु लं वनेमाःसां जि छतिं हे ग्‍याये मखु, प्रभु! छाय्‌धाःसा छि जिलिसें दी, छिगु कथिं व तुतामं नं जितः ब्‍वलंकाबी।

भजनसंग्रहया सफू 4:8

जि याउँक ग्‍वारातुले, अले द्यने। छाय्‌धाःसा छि हे छम्‍ह जक दु, हे परमप्रभु, जितः रक्षा यानादीम्‍ह।

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

यशैया 60:19

न्‍हिनय् सूर्यनं छन्‍त गुबलें जः बी मखु, न तिमिलां हे छन्‍त जः बिया ज्‍वल्‍ल थीकी, छाय्‌धाःसा परमप्रभु हे छंगु निंतिं सदांया जः जुइ, छिमि परमेश्‍वर धाःसा छंगु महिमा जुयादी।

यशैया 9:1

अथेसां संकटय् लाःपिनिगु निंतिं थ्‍व खिउँगु दयाच्‍वनी मखु, न्‍हापा ला वय्‌कलं जबूलून व नप्‍ताली कुलतय् देशयात क्‍वह्यंकादिल, तर लिपा वय्‌कलं यर्दन खुसि व समुद्र दथुइ लाःगु यहूदीमखुपिं च्‍वनाच्‍वंगु गालीलयात हनाबना याइ।

आमोस 5:8

किरकिटी व मृगशिरा नगु पुचःयात सृष्‍टि यानादीम्‍ह, तसकं खिउँगुयात सुथसिया जलय् हीकादीम्‍ह, न्‍हियात खिउँकाः चा यानादीम्‍ह, गुम्‍हय्‌सिनं समुद्रया लःयात सःतादी अले उकियात बँय् प्‍वंकादी वय्‌कःया नां हे परमप्रभु खः।

मत्ती 4:16

थ्‍व खिउँथाय् च्‍वनाच्‍वंपिं मनूतय्‌सं छगू तःधंगु जः खनीतिनि। कालया किचलय् लाःगु देशय् च्‍वनाच्‍वंपिन्‍सं नं थ्‍व तःधंगु जः स्‍वइतिनि।”

लूका 2:32

यहूदीमखुपिन्‍त नं लँ क्‍यनीम्‍ह वय्‌कः मुक्तिदाता व जः खः। उकिं वय्‌कः मुक्तिदाता झायादीगुलिं मनूतय्‌सं झी इस्राएलीतय्‌त तःधंकी।”

यूहन्‍ना 12:35

वय्‌कलं इमित धयादिल – “छिकपिन्‍थाय् आः छुं ई तक जक जः खयाच्‍वनी, जः दतले छिकपिं सना जु, मखुसा छिकपिन्‍त खिउँगुलिं त्‍वपुइ। खिउँथाय् जुइपिन्‍सं थः गन वनाच्‍वना धयागु तकं सी मखु।

यूहन्‍ना 12:46

संसारय् जि जः जुया वयाम्‍ह खः, उकिं जितः विश्‍वास याःपिं मनूत खिउँथाय् जुइ माली मखु।

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

एफिसी 5:8

न्‍हापा ला छिपिं नं खिउँथाय् जुयाच्‍वंपिं खः। आः छिपिं प्रभुया जलय् वये धुंकल। उकिं छिमिगु ज्‍याखँ नं थुकथं हे जुइमाः।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

न्‍यायकर्ता 5:30

“इपिं लाकाहःगु सामान माला च्‍वन जुइ व इना च्‍वन जुइ, छम्‍ह छम्‍ह मनूयात छम्‍ह छम्‍ह वा निम्‍ह निम्‍ह मिसामचा, सीसराया निंतिं लुतय्‌ यानाहःगु रंगीचंगी कापः, बुत्ता भरय् यानातःगु रंगीचंगी कापः, जिगु गःपतय् हिनेत रंगीचंगी कापः।”