यशैया 9:18 - नेवाः बाइबल

¹⁸ धात्‍थें हे मि थें दुष्‍टता च्‍याइ, उकिं सिउँडी व कंयात भस्‍म याइ। उकिं गुँयागु झाःतय्‌त च्‍याकी, अले उपिं कुँत्‍याः जुयाः च्‍वय् पाखे चाचाःहिलाः थाहां वनी।

यशैया 9:18 ပူးပေါင်းရင်းမြစ်များ

१ राजा 16:21

इस्राएलयापिं मनूत निगू पुचलय् बाल। बच्‍छि मनूतय्‌सं गीनतया काय् तिब्‍नीयात जुजु दय्‌केत ग्‍वाहालि यात। बच्‍छि मनूतय्‌सं ओम्रीयात ग्‍वाहालि यात।

भजनसंग्रहया सफू 37:20

मभिंपिं मनूत नाश जुयावनी। परमप्रभुयात महीपिं मनूत गुँस्‍वां थें तनावनी, अले कुँ थें इपिं मदयावनी।

भजनसंग्रहया सफू 68:2

फसं कुँयात ब्‍वय्‌कू थें वय्‌कलं इमित ब्‍वय्‌कादीमा, मिइ मैन नायावं थें परमेश्‍वरया न्‍ह्यःने दुष्‍टत नाश जुयावनेमा।

भजनसंग्रहया सफू 83:14

मिं गुँ भस्‍म याःथें, मिजलां पहाड छ्वयेकूगु थें

यशैया 1:31

तसकं बल्‍लाःपिं मनूत सुका थें बमलाइ, इमिसं न्‍ह्याःगु याःसां मिकुचा थें जक जुइ निगुलिं छक्‍वलं भस्‍म जुइ, मि स्‍याइम्‍ह सुं दइ मखु।”

यशैया 1:7

छिमिगु देय् झिजांमिजां जूगु दु। छिमिगु शहरत मिं च्‍याःगु दु। छिमिगु हे न्‍ह्यःने परदेशीतय्‌सं छिमिगु बुँ लाकाकयाः नाश यानाब्‍यूगु दु।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 27:4

जि तंम्‍वयागु मदु। झाःत व कंमात बुया वयाः जितः पंगु जूसा जि इपिंनापं लडाइँ याःवनेगु जुइ। जिं इमित मि च्‍याकीगु जुइ।

यशैया 3:5

मनूत छम्‍हय्‌सिनं मेम्‍हय्‌सित क्‍वत्‍यलेगु याइ, मनूत छम्‍ह मेम्‍हय्‌सिगु विरोधय् दनी, जःलाखःलाया विरोधय् मेपिं जलाःखलाः, बुरातय्‌गु विरोधय् ल्‍याय्‌म्‍हपिं, हनेबहःपिनिगु विरोधय् क्‍वह्यंपिं दनी।

यशैया 30:30

तसकं तं पिकयाः, भस्‍म याइगु मित्‍याः, नं न्‍याःगु सः व ग्‍वःफय् अले प्‍वँनापं परमप्रभुं मनूतय्‌त थःगु तःजिगु शक्तिया सः न्‍यंकेत अले थःगु ब्‍वहःया जलं खंके बियादी।

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यशैया 33:12

मनूत ह्यंग्‍वाः च्‍याःथे च्‍याइतिनि। पाला तःगु झाःत च्‍याःथें च्‍याइतिनि।

यशैया 33:14

सियोनय् च्‍वंपिं पापीत ग्‍याःगु दु। परमप्रभु मदु धकाः धयाजुइपिं थरथर खानाः ग्‍याःगु दु। इमिसं धाइ, “भस्‍म याइगु मिनापं झीपिं सु जक च्‍वने फइ? सदां च्‍यानाच्‍वनीगु मिनापं झीपिं सु जक च्‍वने फइ?”

यशैया 5:24

अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।

यशैया 50:11

तर आः छिपिं फुक्‍क सुनां थःगु निंतिं मि च्‍याकी अले च्‍यानाच्‍वंगु थःगु मिप्‍वाः काइ, छिपिं हुँ! छिमिगु मि व छिमिसं च्‍याकूगु मिप्‍वाःया जलय् न्‍यासि हुँ। छिमिसं जिगु ल्‍हाःपाखें थ्‍व हे खँ काये खनी, छिमिसं तःधंगु दुःखकष्‍ट फयेमाली।

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

होशे 13:3

अथे जुयाः इपिं सुथसिया खसु थें, सुथय् हे मदयावनीगु सुतिलः थें, फसं ब्‍वय्‌कायंकीगु खलाय् च्‍वंगु छ्वस थें, अले झ्‍यालं पिहांवइगु कुँ थें जुइ।

योएल 2:20

“जिं उत्तरपाखें वःपिं सेनायात छिमिगु न्‍ह्यःनें तापाक लिनाछ्वये, अले वयात जिं मरुभूमिइ लिनाछ्वये। न्‍ह्यःनेयापिं झ्‍वःयात पुर्बय् च्‍वंगु मृत सागरय् अले ल्‍यूनेयापिं झ्‍वःयात पच्‍छिमपाखे च्‍वंगु भूमध्‍यसागरय् लिनाछ्वये। अले इपिं अन सिनाः तसकं ध्‍वग्‍गिक नवइ।” धात्‍थें हे परमप्रभुं तःतधंगु ज्‍या यानादिल।

योएल 2:3

इमिगु न्‍ह्यःने न्‍ह्यःने मिं भस्‍म यानायंकी। अले इमिगु ल्‍यूल्‍यू मि दनदन च्‍याइ, इमिगु न्‍ह्यःनेया बँ अदनया क्‍यब थें हे च्‍वं अले इमिगु ल्‍युने मरुभूमि थें च्‍वं। इपिंपाखें सुं नं बचय् जुइ फइ मखु।

आमोस 7:4

परमप्रभु परमेश्‍वरं जितः थ्‍व क्‍यनादिल, मिं न्‍याय यायेत परमप्रभु परमेश्‍वरं क्‍वछिनादिल। व मिं ततःजाःगु समुन्‍द्रयात गंकाः जमिनयात नं भस्‍म यानाबिल।

ओबदिया 1:18

याकूबया घराना व योसेफया घरानात दनदन च्‍याःगु मि थें जुइ, एसावया घराना छ्वख्‍वः जुइ, अले इमिसं उकियात मि तयाः भस्‍म याइ। एसावया घराना छम्‍ह नं म्‍वाइ मखु।” परमप्रभुं हे थथे धयादीगु दु।

नहूम 1:10

इपिं कंझालय् अलमलय् जुयाच्‍वनी, अले इपिं दाखमद्यं काय्‌काच्‍वनी। इपिं गनावने धुंकूगु छ्वख्‍वः थें भस्‍म जुइ।

नहूम 1:6

वय्‌कःया तंया न्‍ह्यःने सु दने फइ? वय्‌कःयागु तच्‍वःगु तं सुनां सह याये फइ? वय्‌कःयागु च्‍यानाच्‍वंगु तं मि थें प्‍वंकी, अले वय्‌कःया न्‍ह्यःने ल्‍वहँधीत तज्‍याइगु जुइ।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

व्‍यवस्‍था 32:22

जिगु तं आः मि च्‍याःथें च्‍याये धुंकल। थुकिं पृथ्‍वीइ च्‍वंगु फुक्‍कं भस्‍म यानाबी। थ्‍व पातालय्‌ तक न्‍यनावनी, अले पहाडया हा तकं च्‍याकाबी।

हिब्रू 6:8

कं व घाँय् जक बुयावल धाःसा व बुँ ज्‍यालगय् जुइ मखु। उकी ला परमेश्‍वरयागु सराः लाइ, अले मि तइ।

प्रकाश 14:11

इमिसं सास्‍ती नया च्‍वंथासं वःगु कुँ न्‍ह्याबलें च्‍वय् थाहां वनाच्‍वनी। इमिसं चच्‍छि न्‍हिच्‍छि दुःखसिया च्‍वनेमाली। व पशुयात व वयागु मूर्तियात पुजा याक्‍वसित, अले हानं वयागु नांयागु चिं काक्‍वसित नं अथे हे याइ।”