यशैया 9:17 - नेवाः बाइबल

¹⁷ उकिं इमि ल्‍याय्‌म्‍हपिं मनूत खनाः परमप्रभु लय्‌तायामदी, न वय्‌कलं इमि मां बौ मदुपिं व भाःत मदुपिन्‍त माया यानादी। छाय्‌धाःसा फुक्‍क मनूत परमेश्‍वरयात मानय् मयाइपिं व दुष्‍ट खः। सकसिगु म्‍हुतुं मभिंगु खँ पिहां वइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 9:17 ပူးပေါင်းရင်းမြစ်များ

अय्‍यूब 15:34

परमेश्‍वरयात मानय् मयाइपिं मनूतय्‌गु पुचः फुक्‍क बाझः जुइ। घुस नइपिनिगु पालत मिं भस्‍म जुइ।

भजनसंग्रहया सफू 109:12

वयात सुनां नं दया माया मयायेमा, मांबौ मदुपिं वया काय् म्‍ह्याय्‌पिन्‍त नं दया याइपिं सुं मदयेमा।

भजनसंग्रहया सफू 147:10

वय्‌कः सलयागु बलय् व मनूयागु तुतिइ लय्‌तायादी मखु।

यशैया 1:4

धिक्‍कार पापी जाति! दोषं क्‍वत्‍यकाच्‍वने माःपिं मनूत, दुष्‍ट ज्‍या यानाजुइपिनि मस्‍त, मभिंगु ज्‍या यानाजुइपिनि सन्‍तान, इमिसं परमप्रभुयात ल्‍वमंकूगु दु, इमिसं इस्राएलया पवित्र परमेश्‍वरयात हेला याःगु दु अले वय्‌कःपाखें फहिलावंगु दु।

यशैया 10:2

गरीबतय्‌गु अधिकार लाकाकायेत व क्‍वत्‍यलातःपिं जिमि प्रजातय्‌गु खःकथं न्‍याय मयायेत अले भाःत सी धुंकूपिं व मांबौ मदुपिनिगु सम्‍पत्ति लाकाकायेत इमिसं थथे याइगु खः।

यशैया 10:4

छिपिं कैदीत जुयाः लुफिं हानाः क्‍वःदइ वा सीपिनिगु दथुइ लानाच्‍वनी। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 10:6

जितः तंम्‍वय्‌किपिं परमेश्‍वरयात मानय् याइ मखुपिनिगु देशय् हमला यायेत जिं अश्‍शूरीतय्‌त छ्वयाहयागु दु। लँय् च्‍वंगु धूयात तुतिं न्‍हुतुन्‍हू थें मनूतय्‌त न्‍हुत्तुन्‍हुयेत व लुतय् यानाकायेत जिं अश्‍शूरीतय्‌त छ्वयाहयागु दु।”

यशैया 13:18

इमिसं धनु वाणं कय्‌काः ल्‍याय्‌म्‍हपिं मनूतय्‌त स्‍यानाबी। इमि दुरु त्‍वंपिं मचातय्‌त माया यानाः नुगः मछिंकी मखु न मस्‍तय्‌त हे दया माया याइ।

यशैया 14:20

सीम्‍ह ल्‍हाकेगु इलय् छ इपिंनापं मिलय् जुइ मखु, छाय्‌धाःसा छं थःगु देशयात नाश याःगु दु, अले छं थः हे मनूतय्‌त नं नाश याःगु दु। दुष्‍टया सन्‍तानतय्‌गु नां गुबलें काइगु जुइ मखु।

यशैया 24:5

परमेश्‍वरया नियम अले वय्‌कलं सदांया निंतिं चिनादीगु बाचा त्‍वथुलाः मनूतय्‌सं पृथ्‍वीयात अशुद्ध याःगु दु।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 3:8

धात्‍थें, यरूशलेम छ्यालब्‍याल जुइ, अले यहूदा तनावनी, इमिसं ल्‍हाना जूगु खँ व याना जूगु ज्‍या परमप्रभुया विरोधय् जुइ। इमिसं परमप्रभुया महिमायात हेला याइ।

यशैया 31:2

अय्‌नं वय्‌कः धाःसा तसकं बुद्धि दुम्‍ह जुयादी अले वय्‌कलं नाश हयादी फु अले थःगु वचन लित कयादी मखु। मभिंगु ज्‍या याइपिनिगु घराना व अधर्म ज्‍या याइपिन्‍त ग्‍वाहालि बीपिनिगु विरोधय् वय्‌कः दनादी।

यशैया 31:3

तर मिश्रीत ला मनूत जक खः परमेश्‍वर मखु। इमि सलत म्‍ह खः, आत्‍मा मखु। परमप्रभुं थःगु ल्‍हाः ल्‍ह्वनादीबलय् ग्‍वाहालि याइपिं लुफिं हाइ अले ग्‍वाहालि काःपिं क्‍वदली, इपिं निगू पुचलं छक्‍वलं नाश जुइ।

यशैया 33:11

छिमिसं छ्वसयात प्‍वाथय् दय्‌की, छिमिसं सुपाखें गनावने धुंकूगु सुयात बुइकी। छिमिगु सासः छिमित हे नाश याइगु मि खः।

यशैया 33:12

मनूत ह्यंग्‍वाः च्‍याःथे च्‍याइतिनि। पाला तःगु झाःत च्‍याःथें च्‍याइतिनि।

यशैया 40:30

मचा ल्‍याय्‌म्‍हपिं मनूत नं बल मदयाः त्‍यानु चायावनी अले ल्‍याय्‌म्‍हपिं मनूत त्‍यानुचायाः क्‍वदली।

यशैया 5:24

अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।

यशैया 5:25

अथे जुयाः परमप्रभु थः प्रजालिसे तंचायादीगु दु अले इमित सजाँय बीत थःगु ल्‍हाः ल्‍ह्वनादीगु दु। पर्वतत थरथर खाइ अले सीम्‍हत धू थें लँय् अथें हे वांछ्वया तइ। तर उलि जुलं नं परमप्रभुया तं क्‍वलाइ मखुनि अले इमित सजाँय बीत वय्‌कःया ल्‍हाः ल्‍ह्वना तुं च्‍वनादी।

यशैया 62:5

छिमि मस्‍तय्‌सं थःपिन्‍त छन्‍त लःल्‍हाइ, हे यरूशलेम, गथे छम्‍ह ल्‍याय्‌म्‍ह मिजंनं थःत भम्‍चायात लःल्‍हाइ, अले छिमि परमेश्‍वर छंगु निंतिं लय्‌तायादी। गथे ब्‍याहा याःम्‍ह मिजं थः भम्‍चाया निंतिं लय्‌ताइ।

यशैया 65:19

जि यरूशलेमयात खनाः लय्‌ताये, अले जिमि प्रजापाखें खुशी जुये। अन ख्‍वःसः व ततःसलं हाला हइगु सः हाकनं गुबलें न्‍यनेमाली मखु।

यशैया 9:12

अरामीतय्‌सं पुर्बपाखें व पलिश्‍तीतय्‌सं पच्‍छिमपाखें म्‍हुतु चाय्‌काः इस्राएलयात घुतुकुगु दु। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 9:21

मनश्‍शें एफ्राइमयात व एफ्राइमं मनश्‍शेयात नइ, अले इपिं निथिं यहूदाया विरोधय् जुइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यर्मिया 18:21

उकिं आः इमि काय्‌म्‍ह्याय्‌पिं नये मखंक सीमा! इमित तरवारं स्‍याके बियादिसँ! इमि कलाःपिं मस्‍त मदुपिं व भाःत मदुपिं जुइमा! इमि मिजंतय्‌त नं स्‍यायेमा! इमि ल्‍याय्‌म्‍हपिन्‍त नं लडाइँलय् तरवारं स्‍यायेमा!

यर्मिया 5:1

“यरूशलेमया लँय् लँय् थाहां क्‍वहां हुँ, प्‍यखेरं स्‍व अले बिचाः या! उकिया चुक चुकय् माला स्‍व, छं छम्‍ह जक नं विश्‍वास यायेबहः जुयाः ज्‍या याइम्‍ह व सत्‍य मालीम्‍ह मनू गनं लुइके फत धाःसा जिं व शहरयात क्षमा यानाबी।

इजकिएल 20:33

गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, जिं छिमित बल्‍लाःगु ल्‍हातं, अले चक्‍कंगु लपुं तं प्‍वंकूं प्‍वंकूं राज्‍य याये।

आमोस 4:10

“जिं छिमिगु दथुइ मिश्र देशय् थें महामारी छ्वयाहया। जिं छिमि ल्‍याय्‌म्‍हपिं मनूतय्‌त छिमिसं लाका काःपिं सलतनापं लडाइँ­लय् स्‍याना, छिमि सीपिं मनूतय्‌गु सीम्‍ह तसकं नवयाच्‍वंगु दु, अथे जूसां छिपिं जिथाय् फहिला मवः,” परमप्रभुं धयादी।

आमोस 8:13

“व न्‍हिइ बांलाःपि मिसामस्‍त व बल्‍लाःपिं ल्‍याय्‌म्‍हपिं मिजंत नं परमप्रभुया वचनया निंतिं प्‍याः चायाः मूर्च्‍छा जुइ।

मीका 7:2

विश्‍वास यायेबहःपिं मनूत पृथ्‍वीं नाश जुयावने धुंकल। छम्‍ह नं भिंम्‍ह मनू मदय् धुंकल। सकलें मनूत स्‍याये पालेत पियाच्‍वनीगु। दक्‍व मनूतय्‌सं जाः ह्वलाः थः दाजुकिजापिनिगु शिकार याइगु।

जकरिया 9:17

इपिं गुलि यइपुस्‍से च्‍वनी अले गुलि बांलाइ। देशयागु अन्‍न नयाः दाखया ति त्‍वनाः ल्‍याय्‌म्‍ह ल्‍यासेत बल्‍लानावइ।

मत्ती 12:34

अय् सर्पया मस्‍त, छिपिं थें ज्‍याःपिं मभिंपिं मनूतय्‌सं गथे यानाः भिंगु खँ ल्‍हाये फइ? छाय्‌धाःसा नुगलय् च्‍वंगु खँ हे म्‍हुतुं नवाइ।

मत्ती 16:3

अथे हे सुथय् आकाश खिउँसे च्‍वन कि छिमिसं ‘ग्‍वःफय् वइ’ धकाः धाइ। छिमिसं आकाशयात स्‍वयाः थौंयागु दिं गथे जुइ धकाः धायेफु धाःसा थ्‍व ईयागु चिं जक थुइका कायेमफु ला?