यशैया 9:14 - नेवाः बाइबल

¹⁴ उकिं परमप्रभुं इस्राएलं छ्यं व न्‍हिप्‍यं खजूरया कचा व तिंकथि छन्‍हुं हे ध्‍यनादी।

यशैया 9:14 ပူးပေါင်းရင်းမြစ်များ

यशैया 10:17

इस्राएलया जः, पवित्र परमेश्‍वरया तच्‍वकं च्‍याःगु मि खः। अले छन्‍हुं हे इमिगु कंमा व झाःतय्‌त वय्‌कःया तच्‍वकं च्‍याःगु मिं भस्‍म यानाबी।

यशैया 19:15

मिश्र देशं छुं नं ज्‍या याये फइ मखु, बाय् छ्यं वा न्‍हिप्‍यं, खजूरया कचा वा न्‍हाय्‌पं कथि।

यशैया 30:13

अथे जुयाः थ्‍व पाप छिमिगु निंतिं कुतुं वयेत्‍यंगु छगू तःधंगु पःखाः थें जुइ, गुगु पलखं हे दुनी।

यर्मिया 6:21

उकिं परमप्रभुं थथे धयादी, “जिं थःम्‍हं हे थुपिं मनूतय्‌गु लँय् लुफिं हाइगु पंगःत तयाबी। बौ व काय्‌पिं उकी लुफिं हाइ। अले जःलाखःलात व पासापिं नाश जुइ।”

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

विलाप 4:16

परमप्रभुं थःम्‍हं हे इमित उखेलाः थुखेलाः मदय्‌क छ्यालब्‍याल यानादिल, वय्‌कलं आः हाकनं गुबलें हे इमित वास्‍ता यानादी मखुत। मनूतय्‌सं पुजाहारीतय्‌त हनाबना तःगु मदु, न थकालितय्‌त छुं ग्‍वाहालि याःगु दु।

होशे 1:4

अले परमप्रभुं होशेयात धयादिल, “वयागु नां यिजरेल ति, छाय्‌धाःसा जिं याकनं हे येहूया घरानायात यिजरेलय् जूगु हत्‍याया सजाँय बी। इस्राएलया राज्‍य अन्‍त यानाबी।

होशे 1:6

गोमेरया हाकनं प्‍वाथय् दत अले वं छम्‍ह म्‍ह्याय् बुइकल। अले परमप्रभुं होशेयात धयादिल, “वयागु नां लो-रूहामा ति, छाय्‌धाःसा इस्राएलया घरानायात हाकनं जिं गुबलें दया यानाः क्षमा बी मखुत।

होशे 1:9

परमप्रभुं होशेयात धयादिल, “वयागु नां लो-अम्‍मी ति, छाय्‌धाःसा इस्राएली मनूत जिगु प्रजा मखु अले जि इमि परमेश्‍वर मखु।”

होशे 10:15

अय् बेथेलयापिं मनूत, छिमिसं याःगु तसकं मभिंगु ज्‍याया कारणं छिमिके अज्‍याःगु हे दुःख वइतिनि। व दिनय् सुथ जुइबलय्, इस्राएलया जुजुयात भज्‍यंक नाश यानाबी।

होशे 13:3

अथे जुयाः इपिं सुथसिया खसु थें, सुथय् हे मदयावनीगु सुतिलः थें, फसं ब्‍वय्‌कायंकीगु खलाय् च्‍वंगु छ्वस थें, अले झ्‍यालं पिहांवइगु कुँ थें जुइ।

होशे 4:5

छिपिं चान्‍हि लुफिं हाइ। अगमवक्तात नं छिपिंनापं हे लुफिं हाइ। जिं छिमि मां इस्राएलयात नाश याये।

होशे 8:8

इस्राएलयात नुनाछ्वल, व जात-जातियापिं मनूतय्‌गु दथुइ ज्‍यागलय् मजूगु थल थें जुल।

आमोस 3:12

परमप्रभुं थथे धयादी, “गथे फैजवालं सिंहयागु म्‍हुतुं तुतियागु निपु क्‍वँय् वा छकुचा न्‍हाय्‌पं जक छुटे याइ, अथे हे उपिं इस्राएलीत मध्‍ये कम मनूतय्‌गु जक उद्धार जुइ, अले इमिके लासा वा खाताया कुचा स्‍वयाः मेगु छुं हे ल्‍यं दइ मखु।”

आमोस 6:11

परमप्रभुं आज्ञा बियादीगु दु, वय्‌कलं ततःखाःगु छेँ कुचा कुचा यानादी अले चिचिखाःगु छेँ धू यानादी।

आमोस 7:17

“अय्‌जूगुलिं परमप्रभुं थथे धयादी – “‘छं कलाः शहरय् छम्‍ह वेश्‍या जुइ, छं काय्‌म्‍हाय्‌पिन्‍त तरवारं स्‍याइ। छंगु देशयात नापय् याइ अले इनी। छ थः हे नं छगू मूर्ति पुजा याइगु छगू अशुद्धगु देशय् सी, अले इस्राएलया मनूतय्‌त धात्‍थें हे थःगु देशं तापाक ज्‍वना यंकी।’”

प्रकाश 18:10

वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”

प्रकाश 18:17

घौछिं हे थुलिमछि सम्‍पत्ति फुक्‍क छ्यालब्‍याल जुयाः वन।” फुक्‍क लःजहाजया कप्‍तानत, जहाजय् यात्राय् वंपिं मनूत, जहाज चले याइपिं, समुद्रय् व्‍यापार याइपिं फुक्‍कं ग्‍यानाः तापाक हे च्‍वनाः

प्रकाश 18:8

उकिं छन्‍हुं हे वयात ल्‍वय्, दुःख, आपत, अले अनिकाल वइ। अले वयात मिइ उनाछ्वइ, छाय्‌धाःसा वयात न्‍याय यानादीम्‍ह परमप्रभु परमेश्‍वर शक्ति दुम्‍ह खः।”