यशैया 9:13 - नेवाः बाइबल

¹³ तर मनूत इमित कय्‌कूम्‍ह मनूपाखे लिहां वःगु मदुनि, न इमिसं दक्‍व शक्ति दुम्‍ह परमप्रभुयात माःगु दु।

यशैया 9:13 ပူးပေါင်းရင်းမြစ်များ

२ इतिहास 28:22

थ्‍व हे जुजु आहाज थःगु दुःखया इलय् परमप्रभु प्रति अज्‍ज अप्‍वः अविश्‍वासी जुल।

अय्‍यूब 36:13

“परमेश्‍वरयात मानय् मयाइपिं मनूत तंचायाच्‍वनी, परमेश्‍वरं इमित सजाँय बियादीसां इमिसं ग्‍वाहालिया निंतिं बिन्‍ति याइ मखु।

यशैया 1:5

छाय् छिमिसं अप्‍वः ल्‍हाः नयेमाःगु? छाय् छिपिं विद्रोही जुयाच्‍वनागु? छिमिगु छ्यं छगलं घालं जाःगु दु अले नुगः दुःखं जाःगु दु।

यशैया 19:15

मिश्र देशं छुं नं ज्‍या याये फइ मखु, बाय् छ्यं वा न्‍हिप्‍यं, खजूरया कचा वा न्‍हाय्‌पं कथि।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 57:17

जि इमिसं याःगु पाप व लोभया कारणं तंम्‍वयागु खः। जिं इमित सजाँय बिया, अले जिगु ख्‍वाः इपिंपाखें सुचुका। अय्‌नं इमिसं थःगु हे पहःचहलय् जिराहा जुयाच्‍वन।

यशैया 7:20

व दिनय् परमप्रभुं यूफ्रेटिस पारियाम्‍ह अश्‍शूरया जुजुयात छ्यलादी, व जुजुं छिमित कब्‍जा याइ अले बेइज्‍जत याइ। व जुजु ख्‍वःचा थें जुइ। अले वं छंगु दाह्री, छंगु छेनय् च्‍वंगु व म्‍हय् च्‍वंगु फुक्‍क सँ खानाबी।

यर्मिया 15:7

अले थ्‍व देशया ध्‍वाखा ध्‍वाखाय् जिं इमित हासां हाःथें हाये, जिं इमि काय् म्‍ह्याय्‌पिन्‍त लाकाकाये, जिमि मनूतय्‌सं थःगु मभिंगु पहःचहः मत्‍वःतूगुलिं जिं इमित नाश याये।

यर्मिया 29:11

छाय्‌धाःसा जिं छिमिगु निंतिं गुगु योजना दय्‌कागु दु, व जिं स्‍यू,” परमप्रभुं धयादी। “व छिमिगु भिंया लागि खः, छिमित स्‍यंकेत मखु, छिमित बांलाःगु भविष्‍य व आशा बीत।

यर्मिया 5:3

हे परमप्रभु, छिगु मिखां सत्‍य ममाली ला? छिं इमित कय्‌कादिल, अय्‌नं इमि नुगः मछिं मजू, छिं इमित क्‍वत्‍यलादिल, अय्‌नं इमिसं थःत भिंकेगु वास्‍ता मयाः। इमिसं थःगु ख्‍वाःयात ल्‍वहं स्‍वयाः छाकल। अले पस्‍ताय् चायेत मानय् मजू।

इजकिएल 22:24

“अय् सीमानिम्‍ह मनू, इस्राएल देशयात धा, ‘छ अशुद्धगु देश खः, जि छ खनाः थुलि तं चायागु दु कि जिं छन्‍त सजाँय बीबलय् भचा नं वा वइ मखु।’

इजकिएल 24:13

“‘हे यरूशलेम, छं याःगु याये मत्‍यःगु ज्‍याखं छन्‍त अशुद्ध याःगु दु। जितः ला छन्‍त शुद्ध याये मास्‍ति वःगु खः, तर छ शुद्ध मजू। अथे जुयाः छंगु विरोधय् जिगु तं क्‍वमलाःतले छ हाकनं शुद्ध जुइ मखु।

दानिएल 9:13

परमप्रभु जिमि परमेश्‍वरं जिमित माया यायेगु त्‍वःतूगु दु। थथे मोशाया व्‍यवस्‍थाय् च्‍वया तः थें थुपिं फुक्‍क विपत्ति जिमित लाःगु दु। अथे जूसां थःगु पाप त्‍वःताः वा छिगु सत्‍यया ल्‍यू वनाः जिमिसं परमप्रभु जिमि परमेश्‍वरया ग्‍वाहालि मालेत अस्‍वीकार यानागु दु।

होशे 5:15

इमिसं थःगु पाप स्‍वीकार मयातले जि लिहां वनाः थःगु थासय् च्‍वने, इमिसं जिगु ख्‍वाः स्‍वयेत माला जुइ। इमित दुःखकष्‍ट जुइबलय् इमिसं जितः तसकं माली।”

होशे 7:10

इस्राएलया घमण्‍डं वयागु हे विरोधय् साक्षी बी, अय्‌नं थ्‍व फुक्‍क जुइ धुंकाः नं इपिं परमप्रभु थः परमेश्‍वरपाखे फहिला वइ मखु, न वय्‌कःयात माली।

होशे 7:16

इपिं दकलय् तःधंम्‍हय्‌सिथाय् लिहां वइ मखु, इपिं त्‍वधूगु धनुष थें खः। इमि न्‍हेलुवाःतय्‌त इमिगु घमण्‍डया वचनं यानाः तरवारं स्‍याइ। थुकिया निंतिं मिश्र देशय् इमित गिजय् याइ।

आमोस 4:10

“जिं छिमिगु दथुइ मिश्र देशय् थें महामारी छ्वयाहया। जिं छिमि ल्‍याय्‌म्‍हपिं मनूतय्‌त छिमिसं लाका काःपिं सलतनापं लडाइँ­लय् स्‍याना, छिमि सीपिं मनूतय्‌गु सीम्‍ह तसकं नवयाच्‍वंगु दु, अथे जूसां छिपिं जिथाय् फहिला मवः,” परमप्रभुं धयादी।

आमोस 4:6

“जिं दक्‍व शहरय् छिमित द्यांलाका बिया, अले छिपिं च्‍वनीगु फुक्‍क थासय् मरि कम यानाबिया, अथे जूसां छिपिं जिथाय् फहिला मवः,” परमप्रभुं धयादी।

सपन्‍याह 1:6

परमप्रभुयागु ल्‍यू वनेगु त्‍वःता वंपिन्‍त, अले वय्‌कःयात ममालीपिं व वय्‌कःयाके न्‍यनेकने मयाःपिन्‍त जिं न्‍हंकाबी।”

व्‍यवस्‍था 4:29

अय्‌नं अन नं परमप्रभु छिमि परमेश्‍वरयात छिमिसं माल धाःसा, अले छिमिसं दुनुगलं व आत्‍मां माल धाःसा वय्‌कःयात नापलाकी।