यशैया 8:9 - नेवाः बाइबल

⁹ हे जाति जातियापिं मनूत तसकं हा! थरथर खाखां छथाय् मुं! हे पृथ्‍वीया तापाक्‍क तापाक्‍क देशय् च्‍वंपिं मनूत, न्‍यँ, लडाइँ यायेत तयार जु तर भय का! खः धात्‍थें हे भय का।

यशैया 8:9 ပူးပေါင်းရင်းမြစ်များ

१ राजा 20:11

इस्राएलया जुजुं लिसः बिल, “वयात थथे धयाब्‍यु, कवच फिनातःम्‍ह मनुखं व त्‍वइम्‍ह मनुखं थें फुँइ क्‍यने मज्‍यू।”

हितोपदेश 11:21

दुष्‍टतय्‌सं सजाँय फये हे माली, तर धर्मीतय्‌त छुत्‍कारा दइ। थथे ला जु हे जुइ।

यशैया 28:13

अथे जुयाः परमप्रभुया वचन इमिगु निंतिं थथे जुइ – भतिचा थन, भतिचा अन हे स्‍यनेगु, अले हानं हानं कनेगु, अले हानं हानं धायेगु। थुकथं इपिं लुफिं हानाः दयेमा, घाःपाः जुइमा, जालय् तक्‍यनेमा, अले ज्‍वनेमा।

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यशैया 54:15

छन्‍त सुं जातिं हमला याःसां व जिगुपाखें जुइ मखु। सुनां छन्‍त हमला याइ व थः हे छन्‍थाय् भ्‍वःसु वयेमाली।

यर्मिया 42:11

छिपिं आः ग्‍यानाच्‍वंगु बेबिलोनया जुजुलिसें ग्‍याये मते, परमप्रभुं धयादी, छाय्‌धाःसा छिमित वयागु ल्‍हातं बचय् यायेत व त्‍वःतकेत जि छिपिंलिसें दु।

यर्मिया 46:3

“तःधंगु व चिधंगु ढालत तयार या! लडाइँया लागि न्‍ह्यज्‍या!

यर्मिया 46:4

सलया म्‍हय् लगाम च्‍यु! हे सलगइपिं, सल गयाः नँयागु तपुलि पुयाः थथःगु थासय् दँ! छिमिगु भाला च्‍वामुकि। छिमिगु म्‍हय् कवच फ्‍यु!

यर्मिया 51:20

“हे बेबिलोन, छ जिगु लडाइँया कथि, जिगु लडाइँया ल्‍वाभः जुइमा। छपाखें जिं जातितय्‌त चुंचुं याये। छपाखें हे जिं राज्‍य राज्‍ययात नाश याये।

इजकिएल 38:7

“‘तयार जु! छ व छनापं मिलय् जुइत मूंपिं फुक्‍क सेनायात तयार या अले छ इमि नायः जु।

इजकिएल 38:8

तःन्‍हु लिपा लडाइँया लागि छिमित सःती। लिपाया दँय् लडाइँपाखें नाश जुयाः हाकनं दय्‌कूगु देशयात छिमिसं हमला याइ, गुगु देशयापिं मनूत यक्‍व जातितपाखें ताःई तक उजाड जुयाच्‍वंगु इस्राएलया पहाड पहाडय् मुंगु खः। इमित जाति जातितपाखें हःगु खः, आः इपिं फुक्‍क याउँक च्‍वनाच्‍वंगु दु।

यहोशू 11:5

थुपिं सकलें जुजुपिं छथाय् मुनाः इस्राएलीतलिसें ल्‍वायेत मेरोम धाःगु तालया न्‍ह्यःने नापनापं छाउनी तल।