यशैया 8:20 - नेवाः बाइबल

²⁰ परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

यशैया 8:20 ပူးပေါင်းရင်းမြစ်များ

एज्रा 10:3

अथे जुयाः आः झीसं झी प्रभुयागु व थः परमेश्‍वरयागु आज्ञा मानय् याइपिनिगु सल्‍लाहकथं थज्‍याःपिं सकलें मिस्‍त व इमि मस्‍ततय्‌त त्‍वःतेत परमेश्‍वरया न्‍ह्यःने छगू बाचा चीनु। अले व्‍यवस्‍थाकथं ज्‍या यायेनु।

भजनसंग्रहया सफू 119:130

छिगु वचन थुइकाबीबलय् जिमित जः दइ। थुकिं छुं मस्‍यूपिन्‍त ज्ञान दइ।

भजनसंग्रहया सफू 78:5

वय्‌कलं याकूबयात उजं दय्‌काः इस्राएलया मनूतय्‌त व्‍यवस्‍था बियादिल। वय्‌कलं झी तापाःबाज्‍यापिन्‍त थः मस्‍तय्‌त वय्‌कःयागु व्‍यवस्‍था स्‍यनेत उजं दय्‌कादिल।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

यशैया 1:10

अय् सदोमया शासकत, परमप्रभुया वचन न्‍यँ! अय् गमोराया मनूत, परमेश्‍वरया आज्ञा मानय् या! परमप्रभुं छिमित छु धयादीगु दु व बांलाक न्‍यँ!

यशैया 8:16

थ्‍व साक्षी चिनाब्‍यु अले परमेश्‍वरं थ्‍व स्‍यनातःगु खँ जिमि चेलातय् दथुइ झौ छाप तयाः बन्‍द यानाब्‍यु।

यशैया 8:22

अनंलि इमिसं पृथ्‍वीपाखे स्‍वइबलय् अन दुःख, खिउँगु व ग्‍यानपुसे च्‍वंगु सिबय् मेगु छुं खनी मखु। अले इमित खिउँगुलिइ वांछ्वइगु जुइ।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

यर्मिया 8:9

बुद्धि दुपिं मछालेमाली, इमिगु नुगः क्‍वतुनी, अले इमित ज्‍वनी। इमिसं परमप्रभुया वचनयात त्‍वःतूगु दु, इमिके गज्‍याःगु बुद्धि दु?

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

मीका 3:6

उकिं छिमिके दर्शन मदुगु चा वइ। छिपिं तच्‍वःगु खिउँगुलिइ लाइ, अले छिमिसं ज्‍वखना स्‍वये फइ मखु। अगमवक्तातय्‌गु निंतिं सूर्य बिनावनी, छिमिगु निंतिं दिं खिउँसे च्‍वनी।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

मत्ती 22:29

वय्‌कलं इमित धयादिल – “छिकपिन्‍सं द्वंकाच्‍वन, छाय्‌धाःसा छिकपिन्‍सं धर्मशास्‍त्रयागु खँ व परमेश्‍वरयागु शक्ति हे थुइकामदीनि।

मत्ती 6:23

छिमिगु मिखा स्‍यंसा छिमिगु म्‍ह छम्‍हं हे खिउँसे च्‍वनी। उकिं छिमिके दुगु जः हे खिउँसे च्‍वंसा खिउँगु झन गुलि खिउँसे च्‍वनीगु जुइ।

मर्कूस 10:3

वय्‌कलं धयादिल – “मोशां छिमित छु या धकाः धया थकल?”

लूका 10:26

वय्‌कलं वयात लिसः बियादिल – “व्‍यवस्‍थाय् छु च्‍वयातःगु दु? छिं गथे यानाः ब्‍वनादिया?”

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

रोमी 1:22

सःस्‍यूपिं बुद्धिमान खः धकाः धाधां हे इपिं छुं मस्‍यूपिं मूर्ख जुयाः वन।

२ पत्रुस 1:19

अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।

२ पत्रुस 1:9

थथे मयाइपिं मनूत ला मिखा कांपिं हे धाःसां छुं पाइ मखु। इमिसं थःगु पुलांगु पाप सिलाछ्वये धुंकल धयागु नं ल्‍वःमंके धुंकी।