यशैया 8:18 - नेवाः बाइबल

¹⁸ जि व परमप्रभुं जितः बियादीपिं काय्‌म्‍ह्याय्‌पिं थन हे दु। सियोन पर्वतय् च्‍वनादीम्‍ह दक्‍व शक्ति दुम्‍ह परमप्रभुयापाखें जिपिं इस्राएलय् चिं व छुमा खः।

यशैया 8:18 ပူးပေါင်းရင်းမြစ်များ

उत्‍पत्ति 33:5

एसावं मिस्‍त व मस्‍त खनाः न्‍यन, “छलिसे वःपिं थुपिं सु खः?” याकूबं धाल, “परमेश्‍वरं छिम्‍ह दासयात दयामाया यानाः ब्‍यूगु जिमि मस्‍त खः।”

१ इतिहास 23:25

दाऊदं धाःगु खः, “परमप्रभु इस्राएलयाम्‍ह परमेश्‍वरं थः मनूतय्‌त शान्‍ति बियादीगु दु। अले न्‍ह्याबलेंया लागि यरूशलेमय् च्‍वनेत झाःगु दु।

भजनसंग्रहया सफू 22:30

लिपा वइपिं सन्‍तानतय्‌सं नं परमप्रभुयागु सेवा याइ। लिपा वइपिन्‍सं नं वय्‌कःयागु खँ न्‍यना काइ

भजनसंग्रहया सफू 71:7

यक्‍व मनूतय्‌गु निंतिं जि छम्‍ह नमूना जुयाब्‍यूगु दु। छाय्‌धाःसा छि जिम्‍ह बल्‍लाःम्‍ह रक्षक खः।

भजनसंग्रहया सफू 9:11

सियोनय् च्‍वनादीम्‍ह परमप्रभुयात भजन हालाः तःधंकि। वय्‌कलं यानादीगु ज्‍या फुक्‍क जातियापिन्‍त न्‍यंकि।

भजनसंग्रहया सफू 9:12

परमेश्‍वरं दुःख सियाच्‍वंपिन्‍त लुमंकादी, छाय्‌धाःसा हिया ब्‍वला साइम्‍हय्‌सिनं इमिगु ख्‍वःसः ल्‍वःमंकादी मखु। वय्‌कलं इमित मभिंकूपिन्‍त सजाँय बियादी।

यशैया 12:6

सियोनय् च्‍वंपिं सकसिनं तःसलं म्‍ये हालेमा! इस्राएलया पवित्र परमेश्‍वर तःधंम्‍ह खः, अले वय्‌कः थः मनूतय् दथुइ च्‍वनादी।”

यशैया 14:32

अले पलिश्‍तीपाखें बुखँ ज्‍वनाः वइपिं मनूतय्‌त झीसं छु लिसः बियेगु? “परमप्रभुं सियोनयात पलिस्‍था यानादिल, अले दुःखकष्‍टय् लानाच्‍वंपिं वय्‌कःया प्रजात अन शरण कायेखनी।”

यशैया 20:3

अनंलि परमप्रभुं धयादिल, “गुकथं जिमि दास यशैया मिश्र देश व कूश देशया ग्‍यानापुगु दुःखया चिं जुइमाः धकाः स्‍वदँ तक पचिंनांगा व लाकां मदय्‌क न्‍यासि जुल,

यशैया 24:23

तिमिला खिउँसे च्‍वनी अले सूर्यया जः तनावनी छाय्‌धाःसा दक्‍व शक्ति दुम्‍ह परमप्रभुं सियोन पर्वत च्‍वं यरूशलेमय् शासन यानादी अले मनूतय् नायःतय्‌सं वय्‌कःया महिमा खनी।

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

यशैया 7:16

व मचां मभिंयात त्‍वःतेगु व भिंयात ल्‍यय्‌गु सी न्‍ह्यः हे छन्‍त ख्‍याच्‍वः बीपिं निम्‍ह जुजुया देय् झिजांमिजां जुइ।

यशैया 7:3

अले परमप्रभुं यशैयायात धयादिल, “छ थःकाय् शार्यासूबयात ब्‍वनाः धोबिया बुँया लँपुइ वनाः च्‍वय् पाखे च्‍वंगु बुँया धः लिक्‍क आहाजयात नापलाः हुँ,

यशैया 8:3

अनंलि जि थः कलाः अगमवादिनीयाथाय् जि वनाः नापं द्यना अले वया प्‍वाथय् दयाः छम्‍ह काय् बुइकल। अनंलि परमप्रभुं जितः धयादिल, “वयागु नां ‘महेर-शाललहाज-बज’ ति।

यर्मिया 44:29

“परमप्रभुं धयादी, ‘छिमिगु विरोधय् स्‍यंकेगु जिगु वचन धात्‍थें हे पूरा जुइ धकाः छिमिसं सीमा धकाः जिं छिमित थ्‍व थासय् सजाँय बी। अले व हे छिमित चिं जुइ।’

इजकिएल 12:6

इमिसं स्‍वयाच्‍वंबलय् हे व सामान छंगु ब्‍वहलय् ति, अले सन्‍ध्‍याकाः इलय् व क्‍वबिया यंकि। छं त्‍वःताच्‍वंगु देश मखनेमा धकाः छं थःगु ख्‍वाः त्‍वःपु। छाय्‌धाःसा जिं छन्‍त इस्राएलया घरानाया निंतिं छगू चिं यानागु दु।”

इजकिएल 14:8

जिं व मनूपाखें थःगु ख्‍वाः फस्‍वय्‌के, अले जिं वयात छगू नमूना व न्‍हीकीगु खँ यानाबी। जिं वयात जिम्‍ह मनूतपाखें अलग तयाबी। अले छिमिसं जि हे परमप्रभु खः धकाः सी।

इजकिएल 4:3

अनंलि छपा नँपाता कयाः उकियात छ व शहरया दथुइ छगू नँयागु पःखाः थें तयाब्‍यु! अले थःगु ख्‍वाः शहरपाखे स्‍वय्‌कि! व घेराय् लाःगु दु, छं उकियात घेरय् यानाः का। इस्राएलया घरानायात थ्‍व छगू चिं जुइ।

जकरिया 3:8

“‘हे यहोशू, दकलय् तःधंम्‍ह पुजाहारी व छंगु न्‍ह्यःने च्‍वनीपिं मेपिं पुजाहारी, गुपिं वइतिनिगु खँया चिं खः, सकसिनं थ्‍व खँ न्‍यँ– जिं जिमि दास, कचायात हये।

जकरिया 8:3

परमप्रभुं थथे धयादी, “जि सियोनय् लिहां वये अले यरूशलेमय् बाय् च्‍वने। अबलय् यरूशलेमयात ‘विश्‍वास याये बहःगु शहर’ धकाः धाइ, अले दक्‍व शक्ति दुम्‍ह परमप्रभुया पहाडयात धाःसा ‘पवित्र पर्वत’ धाइ।”

लूका 2:18

फैजवाःतय्‌गु खँ न्‍यनाः फुक्‍कं अजू चाल।

लूका 2:34

अले शिमियोनं इमित आशिष बियाः मचाया मांयात थथे धाल – “इस्राएलय् च्‍वंपिं यक्‍व मनूतय्‌त भिंकेत नं स्‍यंकेत नं परमेश्‍वरं ल्‍ययादीम्‍ह मचा थ्‍व हे खः। थ्‍व मचा परमेश्‍वरयागु चिं जूगुलिं यक्‍वसिनं थ्‍वयागु विरोध याइ।

व्‍यवस्‍था 28:46

थुपिं सरापं छ व छिमि सन्‍तानतय् दथुइ न्‍ह्याबलें छगू चिं व ख्‍याच्‍वःकथं ज्‍या याइ।

हिब्रू 10:33

ग्‍वःकःमछि ला छिमित फुक्‍कसिगु न्‍ह्यःने बेइज्‍जत यात, अले हानं ग्‍वःकः ला थथे दुःख फये माःपिं लिसे जुइ माल।

हिब्रू 12:22

छिपिं ला म्‍वाःम्‍ह परमेश्‍वरयागु स्‍वर्गयागु शहर यरूशलेम, सियोन पर्वतय् वःगु दु। अन द्वलंद्वः स्‍वर्गदूतत लय्‌लय्‌तातां मुनाच्‍वंगु दु।