यशैया 8:16 - नेवाः बाइबल

¹⁶ थ्‍व साक्षी चिनाब्‍यु अले परमेश्‍वरं थ्‍व स्‍यनातःगु खँ जिमि चेलातय् दथुइ झौ छाप तयाः बन्‍द यानाब्‍यु।

यशैया 8:16 ပူးပေါင်းရင်းမြစ်များ

२ राजा 11:12

अले यहोयादां योआश, जुजुया काय्‌यात पिने हयाः श्रीपेच पुइकाबिल। अले वं वयात बाचाया साक्षी पौ बियाः जुजु घोषणा यात। इमिसं वयात अभिषेक यात। अले मनूत ल्‍हाःपा थाथां थथे धकाः हाल, “जुजु न्‍ह्याबलें म्‍वानाच्‍वनेमा।”

भजनसंग्रहया सफू 25:14

परमप्रभुया ग्‍याःभय काइपिन्‍त वय्‌कलं थः पासा थें यानादी, अले वय्‌कलं इमित बाचायागु खँ कनादी।

यशैया 50:4

त्‍यानुचाःपिन्‍त हपाः बीत परमेश्‍वरं जितः स्‍यनामिं थें न्‍ववायेगु स्‍यनादीगु दु। वय्‌कलं जितः सुथ पत्तिकं थनादीगु दु। ब्‍वनामिं थें ध्‍यान बियाः न्‍यनेत वय्‌कलं जिगु न्‍हाय्‌पं चाय्‌कादीगु दु।

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

दानिएल 12:4

हे दानिएल, छं थ्‍व सफू बन्‍द यानाः झौ छाप ति। अले अन्‍तया ई तक थुपिं वचन सुयातं सीके मते। उगु इलय् यक्‍व मनूत थःगु ज्ञान थकायेत थुखे उखे ब्‍वाँय् जुइ।”

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

मत्ती 13:11

वय्‌कलं धयादिल – “स्‍वर्गयागु राज्‍ययागु गुप्‍ति खँ छिमित जक सीके ब्‍यूगु दु। इमित सीके मब्‍यू।

मर्कूस 10:10

छेँय् लिहां वःबलय् चेलातय्‌सं वय्‌कःयाके थ्‍व हे खँ न्‍यन।

मर्कूस 4:34

वय्‌कलं इमित उखान मछुसे छुं नं स्‍यनामदी। थः चेलात जक दुबलय् धाःसा वय्‌कलं उखानयागु अर्थ नं कनादिल।

१ कोरिन्‍थी 2:14

परमेश्‍वरयागु आत्‍मा मदुपिन्‍सं वय्‌कःयागु आत्‍मां बियादीगु खँ काये फइ मखु। अज्‍याःम्‍ह मनुखं थज्‍याःगु खँ थुइके फइ मखु, उकिं थज्‍याःगु खँ वयागु निंतिं मूर्ख खँ जक जुइ। थज्‍याःगु खँ ला परमेश्‍वरया मनूतय्‌सं जक थुइके फइ।

व्‍यवस्‍था 4:45

इपिं मिश्रं पिहां वये धुंकाः मोशां इमित ब्‍यूगु आज्ञा, विधि व नियम थुपिं हे खः।

हिब्रू 3:5

परमेश्‍वरयागु छेँय् मोशा विश्‍वास याये बहःम्‍ह च्‍यः थें जुल। अले परमेश्‍वरं लिपा धयादीगु खँयागु साक्षी वं हे बियावन।

प्रकाश 10:4

थथे न्‍हय्‌कः नँ न्‍याये थें सः वये धुंकाः जिं च्‍वय् त्‍यनाबलय् स्‍वर्गं थथे धयाहःगु सः ताल – “न्‍हय्‌कः नँ न्‍याः थें वःगु सःयागु खँ सुयातं कने मते, अले च्‍वये नं मते।”

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।

प्रकाश 5:1

सिंहासनय् फ्‍यतुना च्‍वंम्‍हय्‌सिगु जव ल्‍हातय् दुने नं पिने नं च्‍वयातःगु भ्‍वं छथू खना। उकी न्‍हय्‌थाय् छाप तयातःगु दु।

प्रकाश 5:5

अले छम्‍ह थकालिं जितः धाल – “ख्‍वय् मते, यहूदा कुलयाम्‍ह सिंह, दाऊदया तःधंम्‍ह सन्‍तानं थ्‍व भ्‍वंथू फ्‍यनेत व थुकी च्‍वंगु न्‍हय्‌गू छाप प्‍वलेत त्‍याकाः वये धुंकल।”