यशैया 8:13 - नेवाः बाइबल

¹³ दक्‍व शक्ति दुम्‍ह परमप्रभुयात पवित्र भाःपियेमाः। वय्‌कःया भय का। वय्‌कः खनाः थरथर खा।

यशैया 8:13 ပူးပေါင်းရင်းမြစ်များ

उत्‍पत्ति 31:53

जिमि बाज्‍या नाहोर व छिमि बाज्‍या अब्राहामया परमेश्‍वरं झी दथुइ न्‍याय यानादीमा।” उकिं याकूबं परमेश्‍वरयागु नामय्, गुम्‍ह खनाः वया बाः इसहाक ग्‍याइगु खः, ल्‍वहंया लागा मानय् याये धकाः पाफय्‌कल।

भजनसंग्रहया सफू 76:7

हे परमप्रभु, छि हे छम्‍ह जक खः भय काये बहःम्‍ह। छि तंम्‍वइबलय् छिगु न्‍ह्यःने सु च्‍वने फु?

प्रस्‍थान 20:20

मोशां इमित धाल, “ग्‍याये मते छाय्‌धाःसा परमेश्‍वरं छिमित जाँचय् यायेत, अले वय्‌कःया भय छिमिके दयेमा व छिमिसं पाप मयायेमा धकाः झायादीगु खः।”

यशैया 29:23

इमिसं थः यक्‍व काय्‌म्‍ह्याय्‌पिं व जिं इमित बियागु आशिष खनीबलय् इमिसं जिगु नांयात पवित्र याइ। इमिसं याकूबया तच्‍वकं पवित्रम्‍ह परमेश्‍वरयात धात्‍थें हे पवित्रम्‍ह खः धकाः नाला काइ, अले इस्राएलया परमेश्‍वरया भय काइ।

यशैया 5:16

तर पाय्‌छिगु न्‍यायलं दक्‍व शक्ति दुम्‍ह परमप्रभुया नां च्‍वन्‍ह्याइ। पवित्र परमेश्‍वरं थःगु धार्मिकतापाखें थः हे पवित्र खः धकाः क्‍यनादी।

इजकिएल 38:16

गथे सुपाँचं जमिनयात त्‍वपुइ, अथे हे छं जिगु जाति इस्राएलया देशय् हमला याइ। उकिं हे गोग, लिपा वइगु इलय् जिं थःत छपाखें इमिगु मिखाया न्‍ह्यःने पवित्र क्‍यनीबलय् जातितय्‌सं जितः सीमा धकाः जिं छन्‍त जिगु देशया विरोधय् हये।

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।

लेवी 22:32

छिमिसं जिगु पवित्र नांयात क्‍वह्यंकेगु याये मते। इस्राएलीतय्‌सं जि पवित्र खः धकाः नाला कायेमाः। छिमित पवित्र याइम्‍ह परमप्रभु जि हे खः।

मलाकी 2:5

“लेवीत लिसे जिं यानागु बाचा जीवन व शान्‍तियागु बाचा खः। इमिसं जिगु भय कायेमा धकाः जिं व इमित बिया। इमिसं जिगु भय काल अले जिगु नांयागु भय कयाः जिगु जयजय यानाच्‍वन।

गन्‍ती 27:14

छाय्‌धाःसा छिपिं निम्‍हय्‌सिनं जीनया मरुभूमिइ जिगु आज्ञाया विरोधय् विद्रोह यात। सकल इस्राएलया मनूतय्‌सं लःया निंतिं विद्रोह याःबलय् छिमिसं इमित जिगु पवित्रता क्‍यने मफुत।” (थ्‍व जीनया मरुभूमिइ मेरीबा कादेशया लखय् जूगु खः।)

मत्ती 10:28

“म्‍ह जक स्‍याये फुपिं, आत्‍मा स्‍याये मफुपिंलिसे छिपिं ग्‍याये मते। बरु छिमिगु म्‍ह व आत्‍मा नितांयात नरकय् छ्वयादी फुम्‍हलिसे जक ग्‍याना च्‍वँ।

लूका 12:5

अय्‌नं सु नाप ग्‍यायेमाः व खँ जिं छिमित धाये – छिमिगु म्‍ह व आत्‍मा नितांयात नरकय् छ्वयादी फुम्‍ह परमेश्‍वरलिसे जक ग्‍याना च्‍वँ। खः, जिं धाये – वय्‌कःलिसे हे जक ग्‍याना च्‍वँ।

रोमी 4:20

परमेश्‍वरं धयादीगु खँय् वं विश्‍वास मयायेगु व संका तक नं यायेगु मयाः। परमेश्‍वरयात तःधंका जूगुलिं व विश्‍वासय् झन झन बल्‍लानावन।

व्‍यवस्‍था 14:23

परमप्रभुं थःगु नां तयेत ल्‍ययादीगु थासय् जक थःगु अन्‍न, दाखमद्य, जैतून चिकंया झिब्‍वय् छब्‍व व थः सा द्वहं व फैच्‍वलय्‌या न्‍हापां बूपिं मस्‍तय्‌त वय्‌कःया न्‍ह्यःने नयेगु या। छिमिसं वय्‌कःयात न्‍ह्याबलें हनाबना तयेगु सय्‌केत थथे यायेगु या।

प्रकाश 15:4

हे परमप्रभु, सु जक छि खनाः मग्‍याइ? सुनां जक छिगु नांयात तःधं धकाः मानय् मयाइ? छि हे जक पवित्रम्‍ह खः। छिगु पाय्‌छिगु बिचाः व न्‍याय फुक्‍कसिनं सी धुंकूगुलिं फुक्‍क जातित छिथाय् छितः आराधना यायेत वइ।”

१ शमूएल 11:7

अले वं छज्‍वः द्वहं कयाः कुचा कुचा जुइक पालाः व कुचात कयाः खबर यायेत वःपिं मनूतय्‌त बियाः इस्राएल देय्‌न्‍यंक थथे धकाः खबर छ्वत, “सु सु शमूएल व शाऊलया ल्‍यूल्‍यू लडाइँ यायेत वइ मखु इमि द्वहंयात नं थथे हे यायेगु जुइ।” अले मनूतय्‌सं परमप्रभुया भय काल व इपिं फुक्‍क छप्‍पँ जुयाः पिहां वल।