यशैया 7:3 - नेवाः बाइबल

³ अले परमप्रभुं यशैयायात धयादिल, “छ थःकाय् शार्यासूबयात ब्‍वनाः धोबिया बुँया लँपुइ वनाः च्‍वय् पाखे च्‍वंगु बुँया धः लिक्‍क आहाजयात नापलाः हुँ,

यशैया 7:3 ပူးပေါင်းရင်းမြစ်များ

२ राजा 16:1

रमल्‍याहया काय् पेकहं राज्‍य यानाच्‍वंगु झिंन्‍हय्‌गूगु दँय् योतामया काय् आहाज यहूदायाम्‍ह जुजु जुल।

२ राजा 18:17

अश्‍शूरयाम्‍ह जुजुं हमला यायेत सेनापति, जर्नल व कप्‍तानयात छगू तःधंगु सेना बियाः लाकीशं यरूशलेमय् हिजकिया जुजुयाथाय् छ्वत। यरूशलेमय् थ्‍यंकः वयाः इपिं धोबितय्‌गु बुँइ वनीगु च्‍वय् लाःगु पुखूया धः लिक्‍कयागु लँय् दित।

२ राजा 20:20

हिजकिया जुजु जुयाच्‍वंबलय् जूगु फुक्‍क खँ, वयागु बहादुरी व गुकथं वं पुखू व सुरुङ दय्‌काः शहरय् लः हल व फुक्‍क यहूदाया जुजुपिनिगु इतिहासया सफुलिइ च्‍वयातःगु दु।

नहेम्‍याह 3:16

वया उखे बेथ-सरयाम्‍ह बच्‍छि जिल्‍लायाम्‍ह शासक अज्‍बूकया काय् नहेम्‍याहं दाऊदया चिहानं भचा उखे तकया ब्‍व दय्‌कल अले पुखू तक, अले सिपाइँतय्‌गु छेँ तक दय्‌कल।

प्रस्‍थान 7:15

सुथय् न्‍हापां फारो खुसिपाखे वनीबलय् छ वयात नापलाः हुँ। वयात नापलायेत नील खुसिया सिथय् दनाच्‍वँ अले व सर्प जूगु कथि नं ज्‍वनाः हुँ।

यशैया 10:21

इस्राएलया कम मनूत जक दक्‍व शक्ति दुम्‍ह परमेश्‍वरयाथाय् लिहां वइ।

यशैया 22:10

छिमिसं यरूशलेमया छेँत ल्‍याः खात, अले किल्‍लात बल्‍लाकेत छेँत थुनाछव्‌त।

यशैया 22:11

छिमिसं निगू पःखाःया दथुइ पुलांगु पुखूया लः तयेगु निंतिं छगू तःधंगु पुखू दय्‌कल। तर छिमिसं थ्‍व दय्‌कूम्‍हय्‌सित मस्‍वः, अथवा यक्‍व न्‍हापा हे थथे यायेगु योजना दय्‌कादीम्‍हय्‌सित हनाबना मतः।

यशैया 36:2

अश्‍शूरयाम्‍ह जुजुं हमला यायेत कप्‍तानयात छगू तःधंगु सेना बियाः लाकीशं यरूशलेमय् हिजकियायाथाय् छ्वत। यरूशलेमय् थ्‍यंकः वयाः व धोबितय्‌गु बुँइ वनीगु च्‍वय् लाःगु पुखूया धः लिक्‍कयागु लँय् दित।

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यशैया 6:13

छुं जुयाः व देशय् झिब्‍वय् छब्‍व ल्‍यं दसां जिं इपिं फुक्‍कसित नाश याये। तर गथे तारपीनया सिमा व स्‍वसिमा पालिबलय् थुथा ल्‍यंदयाच्‍वनी। अथे हे व देशय् पवित्र पुसा धाःसा थुथा थें जुइ, व हाकनं बुया वइ।”

यर्मिया 22:1

परमप्रभुं जितः थथे धयादी, “यहूदाया जुजुया दरबारय् वनाः थ्‍व खँ धा,

रोमी 9:27

इस्राएलयात कयाः यशैयां थथे धाःगु दु – “इस्राएलया सन्‍तान समुद्रय् च्‍वंगु फि थें यक्‍व दुसां ल्‍यंदुपिं जक बचय् जुइ,