यशैया 7:25 - नेवाः बाइबल

²⁵ कुलिं पालीगु फुक्‍क डाँडाय् धाःसा कँ व झाः जक दुगुलिं ग्‍यानाः इपिं हाकनं अन वनी मखु। तर व थाय् सा द्वहं ज्‍वयेगु थाय् व फै-च्‍वलय् ज्‍वयेगु थाय् जुइ।

यशैया 7:25 ပူးပေါင်းရင်းမြစ်များ

यशैया 17:2

अरोएरया शहरत न्‍ह्याबलेंया निंतिं झिजांमिजां दंगु जुइतिनि। उपिं फै-च्‍वलय् ज्‍वयेगु थाय् जुइतिनि अले अन इमित ख्‍याइपिं सुं नं दइ मखु।”

यशैया 5:17

व दिंखुन्‍हु फैतय् नयेत थःगु हे ख्‍यः दइ अले भ्‍याःचातय्‌सं धाःसा तःमिपिनिगु नाशया दथुइ नइ।

यशैया 7:19

उपिं वयाः चिब्‍यागु काप्‍चाय्, ल्‍वहं कापिचाय्‌, कंझालय् व फुक्‍क लः प्‍वालय् च्‍वंवइ।

यशैया 7:24

कंमा व झाः जक दुगुलिं मनूतय्‌सं अन धनुष वाण ज्‍वना वनी।

होशे 4:16

इस्राएली मनूत मचाःम्‍ह सा थें अतेरि खः। अले गथे यानाः परमप्रभुं तःधंगु ख्‍यलय् इमित चीधिकःम्‍ह भ्‍याःचा थें ज्‍वये फइ?

सपन्‍याह 2:6

छिमिगु समुद्रया सिथय् च्‍वंगु देय्, जवाःत च्‍वनीगु थाय् व फैचातय्‌गु फैगः जुइ।