यशैया 7:23 - नेवाः बाइबल

²³ उगु इलय् ११.५ किलोग्राम वहः मू तूगु द्वःछिमा दाखमा दुगु क्‍यबय् कंमा व झाः जक बुया वइ।

यशैया 7:23 ပူးပေါင်းရင်းမြစ်များ

उत्‍पत्ति 3:18

वं छंगु लागि कंमा व न्‍हाय्‌कं सय्‌की। अय्‌सां छं धाःसा अन्‍न व वाउँचा नयेखनी।

यशैया 32:10

थनिं दच्‍छि स्‍वयाः छुं ई लिपा छिपिं याउँक च्‍वनाच्‍वंपिं थुरथुर खाइ। दाखमाय् फल हे सइ मखु, अले फल खायेगु नं जुइ मखु।

यशैया 5:10

झिगू हेक्‍टर दाखबय् नं निइछगू लिटर जक दाखमद्य बी अले झिफा पुसां फछि जक अन्‍न सय्‌की।”

यशैया 5:6

जिं व क्‍यबयात ज्‍याख्‍यलय् मदुगु यानाबी, उकियात न कचा न्‍हाय् न बुँ पाले, तर झाः व कँ बुया वइ। अन वा मवयेमा धकाः सुपाँय्‌यात नं उजं बी।”

यशैया 7:24

कंमा व झाः जक दुगुलिं मनूतय्‌सं अन धनुष वाण ज्‍वना वनी।

यर्मिया 4:26

हानं जिं स्‍वया, परमप्रभुयागु न्‍ह्यःने वय्‌कःयागु तच्‍वःगु तमं यक्‍व सइगु बुँ मरुभूमि जूगु अले शहरत नाश जूगु।

इजकिएल 12:20

मनूत च्‍वनाच्‍वंगु शहरत सुनसान जुइ, अले देश नाश जुइ। अले इमिसं जि हे परमप्रभु खः धकाः सी।’”

होशे 2:12

जिं वयागु दाखमा व यःमरिया सिमात नाश यानाबी। थुकियागु खँय् वं धाइ, थुपिं जिमि प्रेमीपिन्‍सं ब्‍यूगु जिगु ज्‍याला खः। जिं उपिं मायात छगू गुँ यानाबी, व गुँपशुतय्‌सं उपिं नयाबी।

होशे 9:6

इपिं आपत बिपतपाखें बिस्‍युं वःसां मिश्र देशय् च्‍वंपिन्‍सं इमिगु सीम्‍ह मुंकी अले नोपय् इमित थुनाबी। इमिगु वहःया धुकुतिइ, अले न्‍हापा इमिगु छेँ दुगु थासय् घाँय्‌घिइ व कंया झाः बुया वइ।

मत्ती 21:33

येशूं इमित धयादिल – “मेगु छगू उखान नं न्‍यनादिसँ – छम्‍ह तःसिं दु। वं थःगु क्‍यबय् दाख पित। अले प्‍यखें वालं चिनाबिल। वं अन दाख तिसीगु साः नं तयाबिल। अले क्‍यबय् स्‍वयेत छगू बल्‍चा नं दय्‌का थकल। क्‍यब म्‍हय्‌तय्‌त त्‍वःताः व मेगु देशय् वन।

हिब्रू 6:8

कं व घाँय् जक बुयावल धाःसा व बुँ ज्‍यालगय् जुइ मखु। उकी ला परमेश्‍वरयागु सराः लाइ, अले मि तइ।