यशैया 7:18 - नेवाः बाइबल

¹⁸ व दिं वइबलय् परमप्रभुं सुलुपुयाः मिश्रीतय्‌त नील खुसिं भुजिंयात थें अश्‍शूरीतय्‌त हा थें सःतादी।

यशैया 7:18 ပူးပေါင်းရင်းမြစ်များ

भजनसंग्रहया सफू 105:31

वय्‌कलं आज्ञा बियादिल अले देश न्‍यंकं भुजिं व भुयुपतिं जाल।

भजनसंग्रहया सफू 118:12

इपिं जिथाय् हात थें भुं वल, तर कंमाय् च्‍याःगु मि थें इपिं झौ जुल। परमप्रभुया नामं जिं इमित नाश याना।

प्रस्‍थान 8:21

छं जिमि मनूतय्‌त वने मबिल धाःसा जिं छन्‍थाय्, छिमि भारदारतय्‌थाय्, छिमि प्रजायाथाय् अले छंगु लाय्‌कुलिइ ग्‍वाः ग्‍वाः भुजिं छ्वयाहये। मिश्रीतय्‌गु छेँ पतिकं व इपिं च्‍वनीगु बँ तक नं भुजिंनं जाइ।

प्रस्‍थान 8:24

अले परमप्रभुं अथे हे यानादिल। फारोया लाय्‌कू, वया भारदारतय्‌गु छेँय् ख्‍वातुक भुजिंनं त्‍वपुल, अले मिश्र देशन्‍यंक हे भुजिंनं जाल।

यशैया 13:5

इपिं पृथ्‍वीया दक्‍वसिबय् लिपांगु देशं वयाच्‍वंगु दु, थःगु क्रोधं देय् छगुलिंयात नाश यायेत परमप्रभु झायाच्‍वंगु दु।

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 5:26

परमप्रभुं तापाक्‍क च्‍वंपिं देशतय्‌त चिंया झण्‍डा ब्‍वय्‌काः आज्ञा बियाच्‍वनी। अले इमित पृथ्‍वीया कुंकुलामय् थ्‍यंक सुलुपुयाः सःतादी। अले इपिं यरूशलेमपाखे ब्‍वाँय् वइ।

यशैया 7:17

“परमप्रभुं छन्‍त, छिमि प्रजा व फुक्‍क जुजुया परिवारतय्‌त संकष्‍टया दिं हयाबी। अज्‍याःगु दिं यहूदापाखें इस्राएल राज्‍य अलग जुइगु दिनंनिसें कयाः थौं तक वःगु मदुनि। वय्‌कलं अश्‍शूरया जुजुयात देशय् हमला याकेबियादी।”

जकरिया 10:8

जिं इमित सुलि पुयाः सःते, अले इमित छथाय् मुंके। जिं इमित लिफ्‍यानाः न्‍हापा गुलि दुगु खः उलि हे दय्‌काबी।

व्‍यवस्‍था 1:44

अले पर्वतय् च्‍वनीपिं एमोरीत छिपिंनापं ल्‍वायेत पिहां वयाः हातय्‌सं थें छिमित ल्‍यू वल, अले इमिसं सेइरनिसें होर्मा तक छिमित बुकल।

व्‍यवस्‍था 28:49

तःधिकःम्‍ह इमा स्‍वात्त क्‍वय् कुहां वइगु थें हे परमप्रभुं छिमिगु विरोधय् तापाकं पृथ्‍वीयागु कुन्‍चानिसें छिमिसं मथूगु भाय् ल्‍हाइपिं छगू जाति हयादी।

व्‍यवस्‍था 7:20

उलि जक मखु इपिं मध्‍ये बचय् जुयाः सुलाच्‍वंपिं नाश मजुतले परमप्रभु छिमि परमेश्‍वरं आतंक नं छ्वयादी।

यहोशू 24:12

एमोरीतय् निम्‍ह जुजुतय्‌त छिमिगु न्‍ह्यःनं लिनाछ्वयेत जिं छिमिगु न्‍ह्यःने न्‍ह्यःने आतंक छ्वयाबिया। व छिमिगु तरवार व धनुष जूगु मखु।