यशैया 7:1 - नेवाः बाइबल

¹ योतामया काय् अले उज्‍जियाहया छय् आहाज यहूदाय् जुजु जूबलय् छगू लडाइँ जुल। अले अरामया जुजु रसीन व इस्राएलया जुजु रमल्‍याहया काय् पेकहनापं मिलय् जुयाः यरूशलेमय् हमला यात, अय्‌नं इमिसं त्‍याके मफुत।

यशैया 7:1 ပူးပေါင်းရင်းမြစ်များ

२ राजा 15:25

अले वया छम्‍ह हाकिम रमल्‍याहया काय् पेकहं वयागु विरोधय् ग्‍वसाः ग्‍वल। वनापं गिलादयापिं नेय्‌म्‍ह मिजंपिं मिलय् जूगु दु। वं सामरियाया दरबारया किल्‍लाय् पकहीया अले अर्गोब व अरिहयात स्‍यात। वं पकहीयायात स्‍यानाः वया थासय् जुजु जुल।

२ राजा 15:27

यहूदाया जुजु अजर्याहं राज्‍य यानाच्‍वंगु न्‍ययनिगूगु दँय् रमल्‍याहया काय् पेकह सामरियाय् इस्राएलया जुजु जुल। वं निइदँ राज्‍य यात।

२ राजा 15:37

उबलय् परमप्रभुं अरामया जुजु रसीन व रमल्‍याहया काय् पेकहयात यहूदालिसें लडाइँ यायेत छ्वयादिल।

२ राजा 16:1

रमल्‍याहया काय् पेकहं राज्‍य यानाच्‍वंगु झिंन्‍हय्‌गूगु दँय् योतामया काय् आहाज यहूदायाम्‍ह जुजु जुल।

२ राजा 16:5

अरामया जुजु रसीन व इस्राएलया जुजु रमल्‍याहया काय् पेकह यरूशलेमलिसें लडाइँ याः वन। इमिसं आहाजयात घेरय् यात। तर वयात त्‍याके मफुत।

यशैया 1:1

यहूदाया जुजुपिं उज्‍जियाह, योताम, आहाज व हिजकियां शासन यानाच्‍वंबलय् आमोजया काय् यशैयां यहूदा व यरूशलेमया बारे खंगु दर्शन।

यशैया 8:6

“थुपिं यहूदाया मनूतय्‌सं शान्‍तं न्‍ह्यानाच्‍वंगु शीलोया लःयात हेला यानाः जुजु रसीन व रमल्‍याहया काय् जुजु पेकहपिंलिसें लसता हंगुलिं,

यशैया 9:11

तर परमप्रभुं इमिगु विरोधय् रसीनया शत्रुतय्‌त बल्‍लाकादीगु दु, अले इमि शत्रुतय्‌त ग्‍वाकादीगु दु।

इजकिएल 27:16

“‘छं यक्‍व मालताल दय्‌कूगुलिं आरामं छलिसें व्‍यापार यात। छंगु मालतालया पलेसा इमिसं छन्‍त फिरोजा थी, प्‍याजीगु रंगयागु थानातःगु वसः व बुत्ता दुगु कापः, मलमलया कापः, मूगा-मोती व माणिक्‍य बिल।

होशे 1:1

यहूदाया जुजुपिं उज्‍जियाह, योताम, आहाज व हिजकिया अले येहोआशया काय् इस्राएलया जुजु यारोबामं राज्‍य यानाच्‍वंबलय् परमप्रभुया वचन बेरीया काय् होशेयाथाय् वल।

मीका 1:1

यहूदाया जुजुपिं योताम, आहाज व हिजकियां राज्‍य यानाच्‍वंबलय् मोरेशेत शहरय् च्‍वंम्‍ह मीकायाथाय् वःगु परमप्रभुया वचन, थ्‍व दर्शन वं सामरिया व यरूशलेमयागु बारे खंगु खः।