यशैया 66:22 - नेवाः बाइबल

²² “गथे न्‍हूगु आकाश व न्‍हूगु पृथ्‍वी जिं दय्‌के, उपिं जिगु न्‍ह्यःने दयाच्‍वनी,” परमप्रभुं धयादी। “थुकथं छिमिगु नां व छिमि सन्‍तान ल्‍यनाच्‍वनी।

यशैया 66:22 ပူးပေါင်းရင်းမြစ်များ

यशैया 48:19

छिमि सन्‍तानत फि थें दइगु, अले छिमि काय्‌म्‍ह्याय्‌पिं अल्‍याख दइगु। इमिगु नां जिपाखें गुबलें हुयाछ्वयेगु जुइ मखुगु, अले इपिं जिगु न्‍ह्यःने नाश जुइ मखुगु।”

यशैया 51:16

जिं जिगु वचन छंगु म्‍हुतुइ तयाबियागु दु अले जिगु ल्‍हाःया किचलं छ त्‍वपूगु दु, जिं आकाशयात वयागु थासय् तयागु दु, अले पृथ्‍वीया जग तयागु दु, अले सियोनयात ‘छ जिमि प्रजा खः’ धकाः धयागु दु।”

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

यशैया 56:5

जिं जिगु देगलय् व उकिया पःखाःया दुने च्‍वंपिं काय् म्‍ह्याय्‌पिन्‍त स्‍वयाः अप्‍वः हनाबना याकेबी, अले इमित तसकं भिंगु नां बी। जिं इमित सदां दयाच्‍वनीगु नां बी।

यशैया 59:21

परमप्रभुं धयादी, “जिगु खँय् धाःसा, जिगु बाचा छिमिगु निंतिं थ्‍व हे जुइ। जिगु आत्‍मा छंके दु व चिलावनी मखु, अले जिगु वचन जिं छंगु म्‍हुतुइ तयाबियागु दु। उपिं छंगु म्‍हुतुइ व छिमि काय् म्‍ह्याय्‌पिनिगु म्‍हुतुइ व छिमि सन्‍तानतय् म्‍हुतुइ थनिंनिसें सदांया निंतिं दयाच्‍वनी।” परमप्रभुं घोषणा यानादी।

यशैया 61:8

“छाय्‌धाःसा जि, परमप्रभु धाःसा न्‍याययात माया याये, खुइगु व अधर्मयात जिं तसकं मय्‌के। जिं थःगु विश्‍वास यायेबहलं जिमि मनूतय्‌त सिरपाः बी। अले जिं इपिंनापं सदांया निंतिं बाचा ची।

यशैया 61:9

इमि सन्‍तानत जाति जातिया दथुइ, अले इमि मचाखाचातय्‌त मनूतय्‌गु दथुइ म्‍हसिइगु जुइ। इमित खंपिं सकसिनं ‘इपिं ला परमप्रभुपाखें सुवाः दुपिनि सन्‍तान खः’ धकाः स्‍वीकार याइ।”

यशैया 65:17

“स्‍व, जिं न्‍हूगु आकाश व न्‍हूगु पृथ्‍वी सृष्‍टि याये। न्‍हापा न्‍हापाया खँतय्‌गु लुमन्‍ति जुइ मखु, न उपिं मनय् हे वइ।

यशैया 65:22

इमिसं दय्‌कूगु छेँतय्‌के मेपिं बाय् च्‍वंवइगु गुबलें जुइ मखु, अले इमिसं प्‍यूगु दाखमाया फल मेपिन्‍सं नयेगु गुबलें जुइ मखु। छाय्‌धाःसा सिमाया आयु थें जिमि प्रजाया आयु जुइ, अले जिं ल्‍ययापिन्‍सं थःगु ल्‍हातं ज्‍या यानाः अप्‍वः दिं तक लय्‌तायाच्‍वनी।

यशैया 65:23

इमिसं सित्तिंवंक ज्‍या याइ मखु, वा विपत्तिया निंतिं मचात बुइकी मखु। छाय्‌धाःसा इपिं व इमि सन्‍ताननापं जि, परमप्रभुपाखें सुवाः दुपिं प्रजा जुइ।

यर्मिया 33:20

“परमप्रभुं थथे धयादी, ‘छिमिसं दिं व चाया बारे जिं चिनागु बाचा त्‍वथुले फत धाःसा, अले दिं व चा थःगु क्‍वःछिनातःगु इलय् पिहां मवल धाःसा,

यर्मिया 33:21

जिम्‍ह दास दाऊद व जिगु न्‍ह्यःने सेवा याइपिं पुजाहारीतलिसें यानागु जिगु बाचा नं त्‍वधुली, अले दाऊदया गद्दीइ राज्‍य यायेत आवंलि वया सन्‍तान दइ मखु।

सपन्‍याह 3:20

उबलय् जिं छिमित मुंके अले छिमित छेँय् हये। जिं छिमिगु मिखाया न्‍ह्यःने हे छिमिगु भिंगु दिं लित बीबलय्, पृथ्‍वी न्‍यंक जिं धात्‍थें हे छिमिगु नां व प्रशंसा च्‍वन्‍ह्याकाबी,” परमप्रभु धयादी।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

२ पत्रुस 3:13

थथे जुइ धुंकाः हानं मेगु हे न्‍हूगु आकाश व पृथ्‍वी दय्‌कादी धकाः परमेश्‍वरं धयादीगु दु। थ्‍व न्‍हूगु आकाश व पृथ्‍वीइ धर्मीपिं मनूत जक च्‍वने खनी। थ्‍व हे न्‍हूगु आकाश व पृथ्‍वीयात झीसं पियाच्‍वनागु खः।

प्रकाश 21:1

थुलि जुइ धुंकाः जिं न्‍हूगु स्‍वर्ग व न्‍हूगु पृथ्‍वी खना। न्‍हापायागु स्‍वर्ग व पृथ्‍वी मदयावने धुंकल। समुद्र द हे मन्‍त।