यशैया 66:20 - नेवाः बाइबल

²⁰ अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

यशैया 66:20 ပူးပေါင်းရင်းမြစ်များ

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 2:2

लिपांगु दिनय् परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले फुक्‍क जातित अन मूंवइ।

यशैया 2:3

अले यक्‍व मनूत वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

यशैया 43:6

जिं उत्तर देशयात धाये, ‘इमित छ्व।’ दच्‍छिन देशयात जिं धाये, इमित पने मते। जिमि काय्‌पिन्‍त तापाकंनिसें व जिमि म्‍ह्याय्‌पिन्‍त पृथ्‍वीया कुंकुलामंनिसें हजि,

यशैया 52:11

हुँ, थनं हुँ, कैदं पिहां हुँ, छुं नं अशुद्धगु थलबल थी मते! हे परमप्रभुया थल ज्‍वनीपिं, अनं पिहां वा, अले थःत शुद्ध या!

यशैया 54:3

छाय्‌धाःसा छ अप्‍वयाः जवंखवं न्‍यनावनी, अले छिमि सन्‍तानतय्‌सं मेमेगु जातियात पितिनाछ्वइ, अले इपिं इमिगु झिजांमिजां दंगु शहरय् च्‍वनी।

यशैया 56:5

जिं जिगु देगलय् व उकिया पःखाःया दुने च्‍वंपिं काय् म्‍ह्याय्‌पिन्‍त स्‍वयाः अप्‍वः हनाबना याकेबी, अले इमित तसकं भिंगु नां बी। जिं इमित सदां दयाच्‍वनीगु नां बी।

यशैया 56:7

जिं जिगु पवित्र पर्वतय् हया। जिगु प्रार्थना यायेगु छेँय् लय्‌ताय्‌केबी। इमिसं जिगु वेदीइ छाःगु होमबलि व बलित जिं यय्‌के। छाय्‌धाःसा जिगु छेँ फुक्‍क जातितय्‌गु निंतिं प्रार्थनाया छेँ जुइ।”

यशैया 65:11

“तर छिपिं मध्‍ये सुनां जि परमप्रभुयात त्‍वःती, अले जिमिगु पवित्र पर्वतयात ल्‍वमंकी, सुनां भाग्‍य द्यःया निंतिं टेबिल तयार याइ, अले कर्मया द्यःया निंतिं ल्‍वाकछ्यानातःगु दाखमद्यं जाय्‌की,

यशैया 65:25

गुँखिचा व भ्‍याःचा छथाय्‌नापं च्‍वनाः नइ, अले सिंहनं धाःसा द्वहं नं थें सु नइ, सर्पया नसा धाःसा धू जुइ। जिगु फुक्‍क पवित्र पर्वतय् न इमिसं हानि याइ न नाश हे याइ, परमप्रभुं धयादी।”

दानिएल 11:45

वं समुद्रयागु व बांलाःगु पवित्र पर्वततय् दथुइ थःगु लाय्‌कू पालत ग्‍वइ। अय्‌नं व नाश जुइ, सुनानं वयात ग्‍वाहालि बी मखु।”

सपन्‍याह 3:10

कूश देशयागु खुसिइ पारिंनिसें नं छ्यालब्‍याल जूपिं जिमि प्रजापिन्‍सं जिगु निंतिं देछा हइ।

गन्‍ती 7:3

इमिसं परमप्रभुया न्‍ह्यःने खुगः गाडा अले झिंनिम्‍ह द्वहं, निम्‍ह निम्‍ह कुल नायलं छगः छगः गाडा व नायःपतिकं छम्‍ह छम्‍ह द्वहं हयाः फुक्‍कयात नापलायेगु पालया ध्‍वाखाय् देछाल।

गन्‍ती 7:62

गुँगू जाय्‌क दुगु झिगू शेकेल लुँयागु छपा पाचिंगु थल,

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।