यशैया 66:17 - नेवाः बाइबल

¹⁷ “उपिं मध्‍ये सुनां थःत पवित्र व शुद्ध यानाः क्‍यबय् वनेत फा व छुँ वा मेमेगु घच्‍चाइपुस्‍य च्‍वंगु चिजत नइपिनिगु ल्‍यू वन धाःसा इपिं फुक्‍कसिगु नापं हे नाश जुइ,” परमप्रभुं घोषणा यानादी।

यशैया 66:17 ပူးပေါင်းရင်းမြစ်များ

यशैया 1:31

तसकं बल्‍लाःपिं मनूत सुका थें बमलाइ, इमिसं न्‍ह्याःगु याःसां मिकुचा थें जक जुइ निगुलिं छक्‍वलं भस्‍म जुइ, मि स्‍याइम्‍ह सुं दइ मखु।”

यशैया 13:9

स्‍व, परमप्रभुया दिं – देशयात झिजांमिजां यायेत, अन दुपिं पापीतय्‌त नाश यायेत, वय्‌कःया क्रोध व मि थें च्‍याःगु तंनापं, दया मदुगु दिं वयाच्‍वंगु दु।

इजकिएल 4:14

अले जिं धया, “हे परमप्रभु परमेश्‍वर थथे मजुइमा, जिं थःत गुबलें अशुद्ध यानागु मदु। जिं ल्‍याय्‌म्‍हबलय्‌निसें थौं तक गुबलें थः हे सीम्‍ह वा पशुतय्‌सं स्‍याःम्‍ह पशुया ला नयागु मदु। जिगु म्‍हुतुया दुने छुं नं अशुद्ध ला दुहां वंगु नं मदुनि।”

लेवी 11:29

“‘नवःचा, म्‍हालकाय्‌चा, छुँ, माय्‌बिलिचा, थज्‍याःपिं बँय् घिसय् जुया जुइपिं फुक्‍कं छिमिगु निंतिं अशुद्ध खः।