यशैया 66:16 - नेवाः बाइबल

¹⁶ मि व तरवारपाखें परमप्रभुं फुक्‍क मनूतय्‌गु न्‍याय यानादी, अले परमप्रभुपाखें सीपिं यक्‍व हे दइ।

यशैया 66:16 ပူးပေါင်းရင်းမြစ်များ

यशैया 10:4

छिपिं कैदीत जुयाः लुफिं हानाः क्‍वःदइ वा सीपिनिगु दथुइ लानाच्‍वनी। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 27:1

व दिंखुन्‍हु, परमप्रभुं थःगु ग्‍यानापुगु, तच्‍वःगु शक्तिं व तच्‍वकं ज्‍वःगु तरवारं सुल्‍ल न्‍ह्याइम्‍ह व हितु हीम्‍ह सर्प लिव्‍यातन्‌यात सजाँय बियादी, अले व समुद्रया तःधिकःम्‍ह अजिङ्‌गरयात स्‍यानादी।

यशैया 3:13

परमप्रभु न्‍याय यायेत थःगु थासय् च्‍वनादी, थः प्रजायात विरोधय् न्‍याय यायेत वय्‌कः दनादी।

यशैया 30:30

तसकं तं पिकयाः, भस्‍म याइगु मित्‍याः, नं न्‍याःगु सः व ग्‍वःफय् अले प्‍वँनापं परमप्रभुं मनूतय्‌त थःगु तःजिगु शक्तिया सः न्‍यंकेत अले थःगु ब्‍वहःया जलं खंके बियादी।

यशैया 31:8

“अश्‍शूरीत तरवारं क्‍वःदलीतिनि, गुगु तरवार मनूतय्‌पाखें मखु। व हे तरवारं इपिं नाश जुइतिनि, गुगु सीमानीपिं मनूतय्‌गु मखु। व तरवारया न्‍ह्यःनं इपिं बिस्‍युं वनी। अले इमि ल्‍याय्‌म्‍हपिं मनूतय्‌त दासयात थें ज्‍या याकी।

यशैया 34:2

परमप्रभु फुक्‍क देशयापिं मनूतनापं तंपिकयादीगु दु। वय्‌कःया तं इमि फुक्‍क सिपाइँतय्‌त लाःगु दु। वय्‌कलं इमित धात्‍थें हे भज्‍यंक नाश यानादी। वय्‌कलं इमित मनू स्‍याइपिनिगु ल्‍हातय् तयादीगु दु।

यशैया 65:12

जिं तरवारयात छिमिगु कर्म यानाबी, अले छिपिं सकलें स्‍यायेत क्‍वछुइ। छाय्‌धाःसा जिं छिमित सःताबलय् छिमिसं लिसः मब्‍यू। जि न्‍ववानाबलय् छिमिसं न्‍हाय्‌पं बियाः मन्‍यं। जिगु न्‍ह्यःने छिमिसं छु मभिं व हे ज्‍या यात, अले छिमिसं जितः मयःगु ज्‍या यायेगु हे ल्‍यल।”

यर्मिया 25:31

हल्‍लाया लिथ्‍वः पृथ्‍वीया ताताःपाःगु थासय् तक ताये दइ। छाय्‌धाःसा पृथ्‍वीया फुक्‍क जातितलिसें परमप्रभुया मुद्दा दु, वय्‌कलं फुक्‍क मनूतय्‌गु न्‍याय यानादी। दुष्‍टतय्‌त धाःसा वय्‌कलं तरवारं पालादी,’” परमप्रभुं धयादी।

यर्मिया 25:33

उबलय् परमप्रभुं स्‍यानादीपिनिगु सीम्‍ह पृथ्‍वीया छगू कुन्‍चांनिसें मेगु कुन्‍चा तक लानाच्‍वनी। इमिगु लागि ख्‍वइपिं सुं नं दइ मखु। इमिगु सीम्‍ह सुनां मुनी नं मखु थुनी नं मखु। सीम्‍हत जमिनय् सौ थें लानाच्‍वनी।

यर्मिया 45:5

तर न्‍यँ! छं थःगु निंतिं ततःधंगु खँ माला च्‍वनागु ला? अथे माले मते! जिं थःम्‍हं हे फुक्‍क मनूतय्‌के विपत्ति हये, परमप्रभुं धयादी, तर छ न्‍ह्याथाय् वंसां जिं अन छंगु ज्‍यान बचय् यानाः छन्‍त म्‍वाकातये।’”

यर्मिया 46:15

छिमि सिपाइँत छाय् क्‍वदःगु? इपिं दने फइ मखु, छाय्‌धाःसा परमप्रभुं इमित क्‍वय्‌पाखे घ्‍वानादीगु दु।

इजकिएल 28:18

छंगु यक्‍व पाप व बेइमान व्‍यापारपाखें छं छंगु पवित्रगु थाय् अशुद्ध यात। थुकिं यानाः जिं छपाखें हे मि पिकयाबिया, उकिं हे छन्‍त भस्‍म यात। छन्‍त क्‍वथीक स्‍वइपिं सकसिगु न्‍ह्यःने जिं छन्‍त जमिनय् नौ यानाबिया।

इजकिएल 38:17

“‘परमप्रभु परमेश्‍वरं थथे धयादी – पुलांगु इलय् जिं थः दासत, इस्राएलया अगमवक्तातपाखें धयाःम्‍ह मनू छ हे, मखु ला? उबलय् जिं छन्‍त इमिगु विरोधय् हइ धकाः यक्‍व दँ इमिसं अगमवाणी यात।

इजकिएल 5:15

जिगु तं व झ्‍वँक छंके लाइबलय् अले जिं छन्‍त सजाँय बीबलय् छिमि प्‍यखेरं च्‍वंपिं जातित ग्‍याइ। इमिसं छन्‍त बेक्‍वः मिखां स्‍वइ, अले छन्‍त हेस्‍याइ। जि परमप्रभुं हे थ्‍व धयागु खः।

योएल 3:2

उबले जिं सकल जातितय्‌त छथाय् मुंकाः यहोशापातया बेँसीइ यंके। अन हे जिं उपिं जातितय्‌त न्‍याय याये, छाय्‌धाःसा इमिसं जिमि प्रजा, जिगु उत्तराधिकारी इस्राएलयात जाति जातितय् दथुइ छ्यालब्‍याल यानाबिल, अले जिगु देशयात ब्‍वथला बिल।

आमोस 7:4

परमप्रभु परमेश्‍वरं जितः थ्‍व क्‍यनादिल, मिं न्‍याय यायेत परमप्रभु परमेश्‍वरं क्‍वछिनादिल। व मिं ततःजाःगु समुन्‍द्रयात गंकाः जमिनयात नं भस्‍म यानाबिल।

नहूम 3:15

तर छं न्‍ह्यागु याःसां छन्‍त मिं भस्‍म याइ, अले छन्‍त तरवारं स्‍याइ, थुकिं छिमित क्‍वःबुइँचां थें नयाबी। छ क्‍वःबुइँचां थें ल्‍याखय् यक्‍व दःसां सुं बचय् जुइ फइ मखु।

नहूम 3:3

सल गइपिनिगु हमला, प्‍वालाक्‍क वइगु तरवार व ज्‍वाल्‍लच्‍वंगु भाला। स्‍याना तःपिनिगु द्वँ, सीम्‍हतय्‌गु द्वँ अल्‍याख सीम्‍हत, सीपिंके मनूत लुफिंहाना क्‍वदली।

जकरिया 14:5

छिपिं जिगु पहाडया गाः जुयाः बिस्‍युं वनी छाय्‌धाःसा व गाः आसेल तक थ्‍यनी। यहूदायाम्‍ह जुजु उज्‍जियाहया पालय् भुखाय् ब्‍वःबलय् मनूत बिस्‍युं वं थें छिपिं बिस्‍युं वनी। अबलय् परमप्रभु जिमि परमेश्‍वर थः पवित्रम्‍हनापं झाइ।